احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الجمعة، مايو 29، 2009

الحمد لله ..

من عمايل ايد .... мαησηα بالظبط الساعة 1:24 م


والله مش عارفة اقول ايه ولا اعمل ايه ؟

ولا اصلا قادرة اوصف احساسى بجد

اللى فوق ده تصميم من ايمان زمردة

هحكيلكم الحكاية

امبارح اول ما دخلت ع المنتدى لقيت اسم بنوتة

اسمها ايمان زمردة

مسجلة جديد معانا معرفش ليه عجبنى

اسمها ولقيتنى بشوف بوفايلها

ولا شفتلها اى مشاركة لسه

المهم لقيتها اشتغلت عندى ف فرفشة

وعملت نشرة الخامسة والعشرين

وانا اصلا كنت عايزة اعمل الفكرة دى

وجربتها بالفعل وفشلت

فاستغربت انها زى ما تكون قرات افكارى

المهم شوية ولقيتها عاملة موضوع ترحيب

فرحبت بيها عادى جدا

وهى ردت عليا عادى بردو

شوية ولقيت محمود كوادمن بعتلى ع

الخاص بيقولى ايمان عايزة تتعرف عليكى

من اول مادخلت السايت والبنت هتموت وتكلمك

وانا اصلا مابفتحش ايميلات ولا بكلم حد وهو عارف كده

بس حب يعرفنى وياخد منى الايميل علشان يديهولها

اداها ايميلى ولسه مكلمتهاش والله ولا حصل بينا اى حوار

ونمت وصحيت عادى داخلة المنتدى الصبح لقيتها عاملة موضوع

وعملالى ديزاين عجبنى اوى

استغربت اوى انها حبتنى كده وانا والله بردو حبيتها

بس اللى استغربتله ان نفس احساسها وصلنى اوى

سبحان الله ساعتها حسيت ان ربنا بيحبنى اوى

علشان بيحبب فيا خلقه .. الحمد لله


لان حتى محمود قالى يابنتى البنت لسه جديدة

عملتلها ايه سحرتلها

وانا والله ماكنت حتى لسه رحبت بيها سبحان الله

*********

على قد ما فرحت بيها وفرحت بيهم وبحبهم ليا

ع قد مازعلت من اقرب الناس ليا

اللى مش شايفين فيا غير انى عصبية بغباء

وغبية ف تعاملاتى مع الناس ومش اجتماعية

ونكدية وكئيبة بحب النكد زى عينى

ومتشاااااااااائمة

مع ان المفروض ان العكس اللى يحصل

المفروض ان الناس الغريبة هى اللى تقول عنى كده

ومع انى مش وحشة اوى كده زى ما قرايبى بيقولوا عنى

بس الحمد لله ع كل حال

انا مبسوطة وفرحانة بحب الناس دى كلها ليا

كفاية ان اول ناس بلاقيهم حواليا هما

وبيحسوا بيا رغم انى عمرى ماشفتهم ولا حتى كلمتهم

كل تعاملاتى معاهم عن طريق شاشة وكيبورد

بدعى من قلبى ان ربنا مايحرمنى من الناس الحلوة دى ابداااا

ولا يبعدنى عنهم ابدا اللهم امين

اللى بجد بيعزنى يدعيلى ان ربنا يديم المعروف بينى وبينهم


1 داقوا الشاى وقالولى رأيهم:

Ahmad Farag Elyan يقول...

ربنا يحبب فيكي خلقه كمان وكمان
بس يا ريت تقوليلي اسم المنتدي او تبعتيلي له دعوه علشان اسجل فيه وابقي ادخل عليه

 

ೋ واحــد شـاى ♨ Template by Ipietoon Blogger Template | Gift Idea