احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأربعاء، مايو 20، 2009

كنت عايزة ابقى الريس !!

من عمايل ايد .... мαησηα بالظبط الساعة 3:11 ص

العواف عليكوووووووووووا


ازيكوا ازيكوا ياللى منورينا كلكوا


مستغربين من العنوان صوح ؟! :9:


لا ماتستغربوش دى كانت امنيتى وانا صغيرة بس محدش يعرفها غيرى


اه والله .. وانا صغيرة كان نفسى ابقى الريس


محمد حسنى مبارك


طول عمرى بحب الشهرة ههههههههه


كان نفسى اكون حاكم لبلد ومش اى بلد دى مصر


كنانة الله ف الارض ( كانو قارفينى بالجملة دى ف المدرسة :2: )


بس طبعا مكنتش بقدر اقول كده كلنا فاهمين طبعا :9:


المهم بعد ماكبرت شوية حسيت انى مش بس كنت بحلم


لا كمان فهمت انى كنت بحلم حلم خايب اه والله خايب


اصل انتوا فاكرين يعنى ان الريس ده مرتاح ابدااااااااااا


سيبكم من انه شايل مسئولية هيتحاسب عليها يوم القيامة


حساب فظيع مش قصدى انه وحش لكن تخيلوا انه


هيتحاسب مثلا مثلا يعنى ان ف واحد من رعيته نام جعان


وهو كان شبعاااااان .. تخيلوا


انما انا بقه دلوقتى منا هنام جعانة شبععانة مش هتحاسب ع حد


مدام جيرانى واللى اعرفهم شبانين مش جعانين يبقى انا براءة


سيبك من دى .. اى حد عايز يدخل الحمام بيقوم يدخل


تخيل انت الريس ببقه علشان يدخل الحمام


يا خراااااااااااشى .. موال


هتلاقى 7000 واحد عرفوا ان الريس مزنوق


ويروحوا يشوفوا الحمام متلغم ولا فيه سم قاتل ولا ل


اووووووووف ده الواحد ينسى انه عايز يعمل حمام اساسا


سيبك من دى ولو انها من اهم اسباب تغيرى لحلمى المتواضع


اى حد عايز يتكلم مع صاحبه ف التليفون هيتكلم


فى اى وقت وف اى كلام صح ولا ل


نعالى انت بقه شوف الريس تفتكر ممكن يعمل عملة زى دى


ياختتتتتتتى ده التليفونات هتتراقب غير كلامه بقه محدد ف كلمتين


ازيك ؟ سلام ههههههههههه


اه ماهى اى كلمة هتتحسب ع الريس وممكن صاحبة يعملها تصريح


حتى سلام دى مشكوك فيها :15:


طيب سيبك من دى


الواحد بيزهق يقوم يخرج تقدر بقه لو انت ريس


تخرج كده از فجائتا وتمشى وسط الناس وتركب عربيتك


ولو واحد ضايقك تشتمه استحااااااااااالة


عرفتوا انا ليه غيرت حلمى


ناس كتير بتفتكر ان الريس ده مرتاح ... مرتاح ازاى وهو حريته محبوسة


الكلمة محسوبة عليه .. النفس بحساب


ياناس مافيش اجمل من انك


مواطن مصرى عااااااادى جدااااااااااااااا


فكروا فيها كده هتلاقوا الريس بيحسدكوا !! :





2 داقوا الشاى وقالولى رأيهم:

قلم رصاص يقول...

ههههههههههههههههههههههههه

بوست حلو اوي يامانونا

بقى كنتي عاوزه تخطفي الشغلانه مني ..!

لأ وايه كنتي نفسك تبقي الرئيس محمد حسني مبارك بالتحديد ..يعني مش الريس وبس .. لأ وبالتحديد مكان محمد حسني مبارك

جديدة دي بصراحه ..شعب حاقود
هههههههههههههههههههه

بس عجبني اوي هروبك من حلمك بحجة ان الريس بيبقى تعبان شايل هموم الشعب على دماغه ههههههههههههههه

مصريه مصريه يعني

سعدت جدا بالبوست ده

ربنا يوفقك يارب

في حفظ الله

๓คภ๏ภค يقول...

هههههههههههههههه لا انا اكبر منك يبقى انت اللى خطفتها منى

ههههههههههههه ايون مش اى رئيس لا بختار رئيس بيدوم ويدوم ويتوغل وينتشر هههههههههههه

وربنا هنتحبس ف زنزانة واحدة ورا الشمس ان شاء الله انت مش هتسكت الا ما تودينا ف داهية ههههههههههه

 

ೋ واحــد شـاى ♨ Template by Ipietoon Blogger Template | Gift Idea