احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، أبريل 27، 2009

ماعارف ...

من عمايل ايد .... мαησηα بالظبط الساعة 1:52 م


العواف عليكم

بقالى فترة عايزة اكتب حاجة عن كلام الاطفال

اللى بيغلطوا فيه ومش بيعرفوا يقولوه

وانا صغننة ماما قالتلى

انى كنت اروبة ومش بغلط غير فى كلمتين بس

رمضان كنت بقولها مرضان هههههههههه

واسكندرية كنت بقولها استنكرية ههههههه

المهم .. مالقيتش حد مشجعنى كل ما اسال حد

من اصحابى يقولولى احنافاكرييين

ده من زمن هههههههه

محسسنى ان احنا عندنا 70 سنة

********

امبارح بقه لقيت هلال جه وطلع ع المكتب

وراح قاعد فوق الدفاتر اقوله قوم يقولى لأ

وبععدين قلتله مخصماك

وسكت قعدت اشتغل بحسسه بالذنب

لقيته فجأة ماسك دفتر

وبيقولى حبيبة قلب هلال ( انا يعنى هههه )

بصى ليييييييف ..

فأنا استغربت ليف ايه اللى هيجيب ليف هنا

لقيته بيقولى اهو

بصيت ههههههههههههه لقيته

بيشاور على الفيل

ههههههههههههههه

خلانى مت من الضحك

اقوله اسمه فيل يقولى ليف

قعدنا نهاتى مع بعض وبعدين

خلانى اقول لييييييف المجرم ويضحك ويقولى لخبطتك

ههههههههههه

***********

النهاردة لقيت مدرسة ماسكة

بنوتة وقاعدة تقولها قولى ح

والبنت تقول ح تقولها

قولى خ بقه تقول ح ههههه مافيش فايدة

وشوية لقيت هلال جاى يقولى حيييييييييييييه

اخدت جايزة

بقوله ايه حييييييييه دى

اكتشفت انه مابيعرفش يقول هــ

يخرب عقلك سالته اسمك ايه

لقيته بيقول حلال ههههههههههههههه

ماخدتش بالى خالص اول ماجه عندنا لانه كان عامل مؤدب

وصوته واطى دلوقتى بقه اتفرجوا عليه

*********

اه هلال بقه لما تيجى تقوله اعمل حاجة ومايعرفش يعملها

يقولك ماعارف هههه بس بتطلع منه عثولة اوى

طبعا منطوقة غير وهى مكتوبة

**********

نسيت فى حاجات تانى كنت عايزة

احكيها بس نسيتها

لما افتكر هابقى اجى اقول

ان شاء الله




2 داقوا الشاى وقالولى رأيهم:

saragebaly يقول...

هههههه

الاطفال دول جُمال اوي
فيهم براءة مش طبيعيه

ولما ينطقوا الكلام غلط يهلكوا من الضحك
وبنفس الوقت يستغربوا بنضحك على ايه
اصلهم بيقولوها بثقة عالية

انا ليا اخت صغننة وعليها كلام ملغبط كدة برضو
تيجي تقول وحشتيني تقوم قايلة وشحتيني
لما تحب تقول مخصماكي تقولها مخمصاكي
رمضان برضو تقولها مرضان
مش عارفة تقولها مش عافرة
اتغديت تقولها اتعديت

وخدي من دة كتييييير بقى

واهم حاجة الثقة بنفس واستغرابهم لما نضحك

========

سعيدة بوجودي هنا واني اتعرفت على مدونتك

تقبلي تحياتي

دمت بكل حب ..... سارة

๓คภ๏ภค يقول...

هههههههه ياختى عثل

ياببختك يا سارة

انا الكبيرة واخر واحدة عندنا عندها 20 سنة دلوقتى كبرت بقه ههههههه

واسمها سارة زيك يعنى ياسارورة

الله بجد اكتبى بوست عن مغامراتها وحكايتها ده انتى اكيد عايشة متعة مابعدها متعة

وفعلا كلامك مظبوط بلاقيهم بيضحكوا وهما مستغربين انتى ليه فاكرانى بقول غلط

وتحاولى تصلحى مافيش فايدة بردو

الله عليهم نعمة ربنا مايحرم حد منها ابدا

اللهم امين

ويعطى كل محروم يارب اللهم امين

وتسلمى ياقمرى منورانى

 

ೋ واحــد شـاى ♨ Template by Ipietoon Blogger Template | Gift Idea