إنا فتحنا لك فتحاً مبينا

اللهم اجعل ثأرنا على من ظلمنا

وانصرنا على من عادانا

ولا تسلط علينا من لا يرحمنا

اللهم إنا نسألك من الخير كله

عاجله وآجله

ما علمنا منه ومالم نعلم 

اللهم انى دعوتك كما امرتنى فاستجب كما وعدتنى

****

لا املك سوى الدعاء

الى زووووواوى يا اختى مع خالص حبى ..

سالخير عليكم 

وحشتكوا اه انا عارفة شكرا شكرا  :)

بقالى كتير مش كتبت حاجة 

الصراحة كانت نفسى مصدودة من شوية 

حاجات وكنت ناوية ارجع ببوست يخنق بجد 

بس  مابقدرش اكتبلكم حاجة تضايقكم 

انا بخير والله بس  ف حاجات محتاجة الواحد يظبطها 

المهم هتخلونا نخرج عن لب الموضوع 

 ف واحدة من الناس اللى انا بعشقهم عشق 

واللى من حقها عليا بجد  انى لازم اشكرها علانية 

كنت هاقولها الكلمتين دول ف  بوست عالفيسبوك 

بس انا عارفها ايديها ع زورار  الغاء الاكونت

وممكن تتهف وتلغى الاكونت وتروح كل حاجة حلوة 

فقلت اسلم حاجة احطه هنا  وسط حبايبه 

وهى مش هتقدر تلغيه شريرة انا ههههههههههههههه 

انها  زوووووووووووووووواوى 

يوووووووووووووووه قصدى 

كيارا

الحكاية ومافيها انى لو قعدت 

من هنا لزى النهاردة بعد 100 سنة 

اقولك شكرا مش هاوفيكى

 حقك

شكرا بجد لانك استحملتينى ولسه بتستحملينى

شكرا بجد لانك وقفتى جنبى اوى من غير ماتطلبى اى مقابل

شكرا بجد انك بتعملى كل حاجة حلوة علشان تفرحينى

شكرا بجد انك حبتينى كأخت ليكى واكتر

شكرا ع المصاصات اللى لما بتشوفينى بتجيبهالى

شكرا ع الصور الحلوة اللى بتجيبهالى

شكرا ع كل ضحكة ضحكناها سوا

شكرا بجد لانك لسه معتزة بصداقتنا واخوتنا

رغم كل حاجة رخمة انا عملتها

ورغم كل الندالة اللى بستندلها معاكى

ورغم انى كتير بنسى اسال عنك

بس والله العظيم عمرى مانسيت ادعيلك

حتى اقولك كلمة السر " زينب "

زووااااااااااااااااوى 

انا بحبك جدااااااا 

البقاء لله ..

البقاء لله وحده .. توفت الى رحمة الله تعالى والدة 

الصديق العزيز .. محمد  الغرباوى 

مدونة رحلة البحث  ومؤسس فكرة بنك دم المدونين

نسألكم الدعاء بالرحمة والمغفرة 

***

يارب يجعلها اخر الاحزان يا محمد 

شد حيلك .. 

˚◦♥◦˚•• واحــــد شـــاى ••˚◦♥◦˚: الى مــــاسة قلب التدوين .. ..

˚◦♥◦˚•• واحــــد شـــاى ••˚◦♥◦˚: الى مــــاسة قلب التدوين .. ..: "انا عارفة ان الكلام ده متأخر اوى وانه المفروض كان يبقى بدرى عن كده بس كل شئ باوانه طيب انتى بقه عارفة ان انتى الوحيدة اللى..."

♥♥♥♥♥♥♥♥

الصورة دى النهاردة عمرها 29 سنة 

بالظبط 

كان عندى 6 شهور 

دى صورة اول خطوة ليا ف الدنيا

واول وقعة ليا ف الدنيا 

انا وقعت وماما هى اللى شدتنى

وسندتنى

وقوتنى لحد ماوقفت ع رجلى 
 
وقالتلى  قومى هتقدرى تقومى

ولما قمت ووقفت 

قالتلى برافوا منمن 

وبابا واقف بعيد بيصور 

••˚◦♥◦˚••˚◦♥◦˚••˚◦♥◦˚••˚◦♥◦••

29 سنة

لا انا بطلت وقوع 

ولا انتى بطلتى تشدينى

وتسندينى

 وتقوينى لحد ما اقف ع رجلى من تانى 

تعبتى معايا اوى 


••˚◦♥◦˚••˚◦♥◦˚••˚◦♥◦˚••˚◦♥◦••

29 سنة 

مافيش غير دعواتك اللى بتحمينى 


من ولاد الحرام و تبعد عنى كل اللى عايز يأذينى 


مافيش غير قلبك الحنين

اللى بيحسنى وقت ما اكون فى ضيق 


مافيش غير ايديك القوية دى 

اللى بتطبطب عليا 


••˚◦♥◦˚••˚◦♥◦˚••˚◦♥◦˚••˚◦♥◦••

29 سنة 

وانتى النور اللى بينور طريقى

وانتى البلسم اللى بيطيب وجعى 


وانا مغلباكى وانتى صابرة عليا اوى


••˚◦♥◦˚••˚◦♥◦˚••˚◦♥◦˚••˚◦♥◦••


مستكترين عليكى حبى ليكى 


وهو حبى ليكى هيوفيكى 

نقطة ف بحر حبك ليا

وعطائك ليا 


مستغربين ليه بحبك اوى 

واكتر من اى حد ف الدنيا 


مش عارفة ليه مستغربين 


المفروض ان النوع الوحيد من الحب  اللى لا

يدعو للاستغراب هو حبى ليكى 

••˚◦♥◦˚••˚◦♥◦˚••˚◦♥◦˚••˚◦♥◦••


مش هاقول غير انهم مجانين

ومش فاهمين 


ومش حاسين يعنى ايه بنت تحب امها 

لانهم عمرهم ماجربوا 


الاحساس 


مش هالومهم بس مش هاريحهم

مش هاستبدل حبك ابداااااا 


••˚◦♥◦˚••˚◦♥◦˚••˚◦♥◦˚••˚◦♥◦••


ربنا يخليكى ليا ويخلينى ليكى 


طول العمر انا اقع وانتى تسندينى 


وبدعواتك يقوينى 

وما انكسرش ابداااااا

ولا اكسرك 


••˚◦♥◦˚••˚◦♥◦˚••˚◦♥◦˚••˚◦♥◦••










ربنا يقدرنى ويرزقنى بشغل كويس

علشان اقدر افرحك 


ربنا يباركلى ف عمرك وف صحتك 


••˚◦♥◦˚••˚◦♥◦˚••˚◦♥◦˚••˚◦♥◦••

امتنان يمكن يجى يوم وتقرأيه يا امى

ويمكن يجى يوم وتسمعينى وانا بقوله ليكى

:(( ...

وداعا 2010

كنت اتمنى ان تمر دون اى خسارات

ولكن تتوالى فيك خساراتى 

 
فـــــدائما تاتى الرياح بما لاتشتهى السفن

انتهيت بحلوك ومرك 

وان كان  حلوك اكثر بالنسبة لى 

انتهيت وانتهت معك سنة من عمرى

لا اعلم  ان كانت قد مرت هباء او لا 

انضممت الى باقى الاعوام الفائتة فــــ وداعاااااااااا 

فانتم حقا من يقال لكم وداعااااااااا 

2011 

كنت من المتفائلين بك 

ولكن ماحدث ف دقائقك الاولى محى اى تفائل تجاهك 

مستاءة جدااااا وحزينة بما حدث 

من بعض  قليلى العقل والدين 

لعلك يا العام الجديد تمر بسلام

*****

ادين بالامتنان والشكر لكثير من الناس 

وكنت مجهزة المدونة لاحتفال عظيم بالعام الجديد 

انا بحب كل حاجة جديدة 

بفرح بيها وبتفائل 

بس حقيقى كل الكلام راح و انا ف حالة حقا لاتسمح باى كلام 

======== 

يؤجل اذن الى حينه 

الى مــــاسة قلب التدوين .. ..

انا عارفة ان الكلام ده متأخر اوى

وانه المفروض كان يبقى بدرى عن كده

بس كل شئ باوانه 

طيب انتى بقه عارفة ان انتى الوحيدة 

اللى  قرات مدونتها من الالف الى الياء ..

اه عارفة صحيح منا قولتلك  :)

*****

طيب عارفة انى   من اول مرة كلمتك

فيها حسيتك دخلتى قلبى خبط لزق كده ايووووووون 

طيب عارفة ان الحاجة الوحيدة 

اللى مفرحانى بوجودى ف طنطا هى انتى 

*****

طيب عارفة انا ببقى قد ايه مطمنة

وانتى موجودة ف اى مكان  بنكون سوا فيه

وانى بتعلم منك كتير اووووووووووى 

*****

طيب عارفة انا قد ايه بزعل لما بلاقيكى متضايقة او تعبانة 

طيب كمان عارفة انك بجد بجد

من  اهم حسنات 2010  وبعتبر بجد 

انى كسبت كتير اوى لما  عرفتك 

*****

طيب عارفة انا بحب ضحكتك قد ايه ؟ 

طيب اما انتى عارفة مش بتضحكيها ليه ؟ 

*****

طيب بصى عارفة ان بجد اللى سماكى

صدق ف تسميتك بجد 

عارفة ليه ؟ 

اصل  انتى عاملة زى الماسة بالظبط 

صلبة وقوية اوى 

ايون لمعلوماتك الماس بيقطع الحديد 

انا اصلى كنت علمى هههههه 

بتقدرى تقاومى اى خدوش  ناتجة 

من تعاملات بنى ادمين مابيقدروش اللى بيتعاملوا معاهم

وكمان انتى  رقيقة اوى زى شكل  الماسة بالظبط 

والاهم بقه انك بجد غالية اوى اوى اوى 

ومحدش يقدر تبقى ف قلبه الا البنى ادم اللى يقدر 

قيمتك ويعرف قد ايه الجوهرة اللى ف قلبه  دى اصيلة  وغالية

*****

عارفة انا قد ايه فخورة بانك متبنيانى  روحيا

ورغم ان فرق السن بينا مش كبير الا انك فعلا قادرة تحتوينى اوى 

وقادرة تفهمينى اوى

عارفة ان ادق اسرارى مش مع مخلوق غيرك 

 عارفة ان خوفك عليا ده بخلينى طايرة ف السما 

عارفة انك طول الوقت فاهمة احساسى بالظبط 

ساعات بتبقى فاهمانى اكتر منى 

*****

ممكن تكونى عارفة كل ده لكن اكيد 

مش عارفة انا بحبك قد ايه 

واكيد مش عارفة انا فخورة قد ايه بانك مامتى الصغنونة 

واكيد مش عارفة انك اغلى هدية هدانى بيها ربنا السنة دى 

حبيت اختم بيكى السنة 

ليكون ختامها مسك

*****

ومن موقعى هذا احب اهديكى يا مامتى 

 اغنية 

كايدة العزال انا من يومى 

ايوة اه 

:))

لا بجد دوسى

هنا

*****

شكر خاص جداااااااااا

للعزيز شريف باشا 

لانه  هو اللى جمعنى بمامتى 

ميرسى يا شريف من هنا لحد حداكم 

ملحوظة  انا والله حاولت ارد ع تعليقات 

البوست اللى فات بس التعليقات رافضة تتنشر 

مش عارفة ليه

:(( 

:)

من غير كلام

****

اذا كنت فقط انسان 

ياريت تحط الصورة ف مدونتك 

لعل وعسى  نقدر ننتصر ع وباء النميمة 

اللى بمنتهى البساطة بيخسرنا اعز الناس 

وبيقتل جوانا اى مشاعر حلوة بينا وبين بعض 

***

تعالوا نبدأ سنة جديدة نضيفة 

بـــــــــــــوح ...

أبدعوا في اختراع كل الوسائل التي تؤدي الى الحب !

وعجزوا عن اختراع .... الحب !!

ونجحوا في صناعة كل سبل وطريق اللقاء!

وفشلوا في صناعة النصيب !

فلا أحد ينجح مهما أوتي من علم 

 
في صناعة .... النصيب !

لهذا لم يأخذك مني.. 

حين أخذك ..

سوى النصيب !

******

أنت الشيء الوحيد الذي

لايستطيع ( google) ان يبحث عنه ويأتي به !!

****

يا أنت / تأخرت كثيييرا !

فوجهي في المرآة .. ماعاد يشبهني !

فهل مازال وجهك في المرآة .. يشبهك ؟

***

شهرزاد الخليج