شؤون صغيرة ..

تمر بها أنت .. دون التفات

تساوي لدي حياتي

جميع حياتي..

حوادث .. قد لا تثير اهتمامك

أعمر منها قصور

وأحيا عليها شهور

وأغزل منها حكايا كثيرة

وألف سماء..

وألف جزيرة..

شؤون ..

شؤونك تلك الصغيرة

      نزار قبانى

أمنـــــــيــــــــة ...

آه

كم أشتهي

عنقود عنب

وحواراًً معتقاً

في ذهن بلا براغيث



*****

أ / غادة السمان

مخنوقة ..

انا مخنوووووووووووووقة

يارب الفرج من عندك يارب

استغلال .. واه يابلد

العواف عليكوا

بقالى كتير مش كتبت بس معلش سامحونى واعذرونى

كان فى عندى شوية ظروف كده المهم

ندخل ف الموضوع

تعرفوا من ضمن الحاجات اللى بكرهها ف حياتى جدااااااا

الاستغلال فى اى شكل من اشكاله

لسه من اسبوع عرفت واحدة بتستغل حب جوزها ليها

بشكل مبالغ فيه حاجات كده عجيبة بصراحة تصرفات معجبتنيش

وكل مااقولها ازاى يعنى تقولى الله هو مش بيحبنى يستحمل بقه

المهم قلت انا مالى هو مش عاجبه عايشين انا مالى

بس دى احدى صور الاستغلال الصغننة

وفى منها كتير

المشكلة انها صغيرة بس بناتها لما هيكبروا هيبقوا نفس نظامها

وبما ان الام مدرسة فهتبنى مجتمع كامل ع الاستغلال

بدل ماتعلمه احترام المشاعر الجميلة دى

وبالتالى اللى بيستغل مشاعر الحب ومابيحترمهاش

اكيد مش هيحترم اى مشاعر تانية واكيد

هيستغل كل حاجة حواليه

المثال ده بسيط هياخدنا لمثال اكبر

هتشوفوه ف السطور اللى جاية

*****

يوم السبت اللى فات صحيت من النوم الساعة 3 بالليل

ع صوت دق خشب رهيب ايه ياجماعة ده

ابص من البلكونة مش شايفة حاجة ظاهرة

ابص من الشباك الناحية التانية

كل الجيران نايمين ف سبات عميق

ماهو احنا شارعنا تحديدا يعتبر انضف

واوسع واهدى شارع ف مدينتنا المبجلة

ايه الصوت ده ياربى ؟؟؟

المهم دخلت كملت نوم وانا نازلة الشغل الصبح بقه

ابص الاقى من اخر الشارع عندنا لحد

بقيت الناحية بتاعتنا منصوبة خشب كانه مسرح بتاع الافراح ده

قلت خير يارب يمكن يكون حد ف شارعنا هيتجوز يلا هنستحمل الهيصة

لحد كتيره 12 او 1 صباحا مش مشكلة خلى الناس تفرح

اسال البنات اللى ف شارعنا هو الفرح ده بتاع مين يابنات يقولوا منعرفش

طيب مين اللى طلبت معاه جواز فجأتاً كده ..

ماعلينا .. تالت يوم رايحة اشرب كنت سهرانة ورايحة اشرب

وانا معدية سمعت صوت رجالة اه والله صوت رجالة ف البلكونة

هههههههههههه طيب اخويا مسافر وابويا نايم ؟؟

مين دوووووول هما دول بقه الاشباح المستوطننين ف بيتنا

وبيخبوا مننا الحاجات قلت اروح اتشرف بمعرفتهم

ببص كده طبعا ماهو انا شاطرة ف الكلام بس هههههههه

ببص من وراء الجدار الاقيهم بالفعل رجالة ياحلولى

حرامية دول ولا ايه ؟؟

لببست الاسدال ورحت ابص اكتر

لقيتهم مش ف البلكونة هما بره البلكونة بس بيعلقوا حاجات

اللمض والانوار بتاعة الفرح بقه وكان ده بيت اللى خلفوهم

ولا استئذان ولا دياولو

ماهو ايه بقه ده فرح واحد من اكبر العائلات ف البلد

طب طظظظظظظظظظظظظظظظظ بقه

والله لولا انى كنت خايفة ان يعملوا حاجة فينا لانهم مجرمين

كنت فضلت اسخن ف بابا لحد ماعملهم بلاغ ف القسم

بس خوفا عليه هو واخواتى وماما والله

سكت .. وقفلت البلكونة شيش وازاز ونمت

كل ده حلو

يوم الفرح بقه .. من ادان المغرب وانا واقفة ف البلكونة الاقى البشاير

اشكال مايعلم بيها الا ربنا واقفة تلف سجاير تحت بلكونتنا

اشكال مايعلم بيها الا ربنا دخلت شارعنا وانتشرت

اصوات غريبة ف الجنينة بتاعتنا واذ اكتشف ان الجنينة بقت تواليت

وقمة ف القذارة ..

طبعا افرح بدأ الساعة 12 بالليل وانتهى 6 صباحا بخناقة حقيرة

غير اننا مش جايلنا نوم ولا طايقين نقعد ف البيت

طلعنا الروف ف الدور الخامس ياحضرات

الاقى سحابة فظيعة من الدخان الا وهى

دخان الحشيش والمخدرات ..

انا اتسطلت قعدت خمس دقايق اتسطلت لكم ان تتخيلو ا

احنا تانى بيت ف الشارع

والمفروض ان يفصلنا عن الهلمة دى كلها بيتين تانى

وباقى ناحيتنا كلها منصوب ففيها الفرح

انا حاولت اصور لكن مانفعش من كتر الاضاءة

ومن الدخان كان مغطى المنطقة

كل ده ممكن تستحمله لكن تدخل شارعنا

رقاااااااصة

كده كتييييييييييييييييييييييييييييييييير بجد

اه ياشارعنا يا حبيبنا يامحترم يا هادى

الناس عايزة تفرح براحتها لكن مش ع حسابنا احنا

تلات اربع الناس الكبار ف السن وبيشتغلوا

ماراحوش شغلهم من قلة النوم

قلة زوق متناهية واستغلال اننا سكان مش

بتوع مشاكل ومحدش هيقدر يتكلم

ع الاقل استئذن من البنى ادمين اللى ف الشارع لا طبعا ليه ؟؟

ع اى اساس اننا نستحق التقدير مثلا ولا ايه ؟؟

الاغرب بقه بتكلم قدام الناس ف الشغل

لقيتهم بيقولولى ياسلام انتى زعلانة اوى ما احنا ياما

اتعمل قدام بيوتنا وف شوارعنا وحاجات اقذر من كده

قلتلهم سكتوا ليه ؟؟

قالولى ولا انتى تقدرى تتكلمى قبل ماتفتحى

بؤك هيكون شارى الشارع باللى فيه

كله بفلووووووسه ..

يحرق الفلوس اللى تعمل ف الناس كده

هو يعنى معنى انك معاك فلوس ماتحترمش الناس

طيب اديك اتشتمت لحد ماشبعت ده اذا كنت بتشبع

واخدت دعوات هتكفيك لحد ماتموت وزيادة كمان

اللى غاظنى سلبية الناس وجبنهم اوى

وكله يجى يسخن ف بابا لانه مش من البلد

علشان يروح لوحده يشتكى وطبعا البيه

المصون صاحب الفرح لو هد البيت فوق دماغنا

محدش هيتكلم كاننا كلاب ولا روحنا ولا جينا

بقينا بنصبر ف بابا علشان ماتحصلش مصيبة

والكل مش عارف ينام ومتغاظين وبس

بيتكلموا من ورا الراجل واول مايشوفوه

الف مبروووووك وهاين عليهم

يتحزموا وينزلوا يساعدوا الراقصة المبجلة

اه يابلد مافيهاش رجاله ..

جتكوا القرف ستين مرة

ادى الاستغلال ف ابشع صوره

والجبن ف اببشع صوره

والتعدى ع حرية الغير ف ابشع صورها

فاكرين ايام احتلال الانجليز للبلد شفتوا كانوا

بيصوروا مناظر الذل والمهانة ع المصريين ازاى

انا شفت ده يوم الفرح .. بجد قرفت اوى اوى اوى

ومع ذلك مقدرتش اتكلم ماهو مش كل مرة احنا بس اللى بنتكلم

الوضع ماشى لينا كلنا واحنا الحمد لله كنا اقل المتضرريين

احنا كمان للاسف قلنا .. واحنا مالنا :(

صدعتكوا بس معلش ماليش غيركوا افضفض معاه

يلا بالإذن بقه

صباح الفل

اهو عايزة اقول صباح الخير .. صباح الجمال

صباح لذيذ .. بقالى 3 سنين بحب اليوم ده

يوم 23 يوليو

ياااااااااااااااااه

تعرفوا ليه ؟؟

علشان النهاردة اجااااااااااااازة

من الشغل والعيال

والشمس الحارقة

والصداع وحرقة الدم

مع انى بردو صحيت ف نفس ميعادى

بس بردو اسمى قاعدة ف البيت النهاردة


يارب كل يوم يبقى 23 يوليو ههههههههههههه

كل يوم ثورة واحنا طيبين يا مصريين

بكرة وانت جاى .. الرائعة فيروز ..

بكرة انت وجاى راح زين الريح

خلى الشمس مرايى والكنارى يصيح

وجمع ناس .. وعالاقواس

بكل شارع ضو حكايى

بكرة انت وجاى

انت وجاى يا حبيبى

---

وبكرة انت ومارق راح صور براج

ارسم البيارق عا روس الدراج

وصوت العيد .. يدق بعيد

والشجر يبكى عا المفارق

بكرة انت ومارق

انت ومارق يا حبيبى

---

رايتك منصوبى .. والدهب ميزانك

اعملنى العوبى و احملنى عا حصانك

وبالساحة لكبيرى اتمختر فيى

وعلق الغيرى على عينيى

على عينيى

---

بكرة انت وطالل بركض بلاقيك

وسطوح المنازل كلها شبابيك

وانت تدل عليى تدل

وتمسحلى جبينى بالسنابل

بكرة انت وطالل

انت وطالل يا حبيبى

ميرسى يا دودى ..

دعاء محمد بنوتة سكرة معانا ف رايق

الجميلة بلفتة جميلة منها

كانت عملت توقيع لجوست لانه كان غاب يومين كده عن المنتدى

المهم ست البنات انا قلتلها انا غيرانة وعايزة واحدة

عملتلى توقيع لذيذ اوى وبرئ اوى كده

وكتبت فيه جملة كده صغننة بس رقيقة منها

اوى وبجد مش عارفة اقولها ايه ؟

غير ربنا يخليكى ليا يا دودى ويديم المعروف

ومايحرمنى منك ابدا يا حبيبتى

وزى ماوعدتك التوقيع اهو يا ست البنات كلها

وتوقيع فرحك انا هاعملهولك بايدى ولا الحوجة لجوست وعمور هههههههههه

هما هيزلونا علشان بيعرفوا ف الفوتوشوب يعنى ولا ايه ؟

منا بعمل اهو ااحلى شغل هههههههههه

كــــــله الا حبيبى ..

بس بقه كل سنة وانا طيبة

خلاص عدت سنة من عمرى ..

سنة حلوة بناس عرفتهم هما احلى مافيها

سنة ضاعت من عمرى وانا لسه زى ما انا مافيش جديد

احساس غريب اوى النهاردة ..

اخر يوم ليا فى سنة عدت

وبداية لسنة جديدة اتمنى انها تكون افضل واحلى

تفتكروا هاعيش قد اللى عشته ..

يمكن

بس هيبقى حلو زى اللى عشته ولا اوحش منه

****

بيقولوا اتمنى امنية ..

مش هاتمنى اللى اتمنيته السنة اللى فاتت

هاقول يارب املى فيك كبير اوى انك تغيرنى للاحسن

يارب املى فيك كبير اوى انك ترزقنى الرزق الحلال الطيب

يارب املى فيك كبير اوى تحققلى املى الوحيد

زيارة بيتك العظيم

يارب ماتحرمنى من اغلى الناس عندى

يارب ماتحرمنى من ضحكتى ولا ضحكة كل حبايبى

يارب قوينى كمان وكمان انى اكون اقوى كمان وكمان

ع المصاعب .. والتحديات

يارب خلينى لكل اللى بيحبونى وخليهم ليا يارب

يارب ياعلى يا عظيم يا كريم اغفرلى ذنوبى ..

ونقى قلبى من الحسد والحقد والغيرة

ارحمنى يارحيم عند الممات ..

اللهم امييييييييييييييييييييييييييييييييين

****

هلال معايا .. بس كان نفسى تكون سماء كمان معايا

واتصور معاهم الاتنين

سما وحشتنى اوى اوى

****

بس بقه كل سنة وانا طيبة وانتوا طيبين

ومعايا دايما كل سنة بتقروا البوست ده بشكل جديد

وباحساس جديد

****

ناس كتير اكيد مستغربة ليه انا مهتمة اوى كده بيوم ميلادى

وناس كتير بتقولى المفروض تزعلى ع سسنة عدت منك

بس انا فرحانة اوى انا بحب كل حاجة جديدة

وبكرة هابدأ سنة جديدة ان شاء الله

غير ده كله محدش قدى

محدش عنده اصحاب زى اصحابى

مش هاقول عليهم اصحابى هاقول عليهم اخواتى

لو حكيت عنهم مش هاوفيهم حقهم

بس هاقولهم بحبكم اوى وانتوا عارفين انا بحبكم قد ايه

كفاية بقه ايه الرغى ده كله يخرب عقلى

كل حد قرا البوست يروح يجيبله واحد قطعة جاتوه وازازة حاجة ساقعة

ع حسابه ويقولى كل سنة وانتى طيبة يا منونا ههههههههه

عيش وقتك ..