احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأربعاء، يناير 05، 2011

♥♥♥♥♥♥♥♥

من عمايل ايد .... мαησηα بالظبط الساعة 6:15 م





الصورة دى النهاردة عمرها 29 سنة 

بالظبط 

كان عندى 6 شهور 

دى صورة اول خطوة ليا ف الدنيا

واول وقعة ليا ف الدنيا 

انا وقعت وماما هى اللى شدتنى

وسندتنى

وقوتنى لحد ماوقفت ع رجلى 
 
وقالتلى  قومى هتقدرى تقومى

ولما قمت ووقفت 

قالتلى برافوا منمن 

وبابا واقف بعيد بيصور 

••˚◦◦˚••˚◦◦˚••˚◦◦˚••˚◦◦••

29 سنة
لا انا بطلت وقوع 

ولا انتى بطلتى تشدينى

وتسندينى

 وتقوينى لحد ما اقف ع رجلى من تانى 

تعبتى معايا اوى 


••˚◦◦˚••˚◦◦˚••˚◦◦˚••˚◦◦••


29 سنة 


مافيش غير دعواتك اللى بتحمينى 


من ولاد الحرام و تبعد عنى كل اللى عايز يأذينى 


مافيش غير قلبك الحنين

اللى بيحسنى وقت ما اكون فى ضيق 


مافيش غير ايديك القوية دى 

اللى بتطبطب عليا 


••˚◦◦˚••˚◦◦˚••˚◦◦˚••˚◦◦••


29 سنة 

وانتى النور اللى بينور طريقى

وانتى البلسم اللى بيطيب وجعى 


وانا مغلباكى وانتى صابرة عليا اوى


••˚◦◦˚••˚◦◦˚••˚◦◦˚••˚◦◦••


مستكترين عليكى حبى ليكى 


وهو حبى ليكى هيوفيكى 

نقطة ف بحر حبك ليا

وعطائك ليا 


مستغربين ليه بحبك اوى 

واكتر من اى حد ف الدنيا 


مش عارفة ليه مستغربين 


المفروض ان النوع الوحيد من الحب  اللى لا

يدعو للاستغراب هو حبى ليكى 

••˚◦◦˚••˚◦◦˚••˚◦◦˚••˚◦◦••


مش هاقول غير انهم مجانين

ومش فاهمين 


ومش حاسين يعنى ايه بنت تحب امها 

لانهم عمرهم ماجربوا 


الاحساس 


مش هالومهم بس مش هاريحهم

مش هاستبدل حبك ابداااااا 


••˚◦◦˚••˚◦◦˚••˚◦◦˚••˚◦◦••


ربنا يخليكى ليا ويخلينى ليكى 


طول العمر انا اقع وانتى تسندينى 


وبدعواتك يقوينى 

وما انكسرش ابداااااا

ولا اكسرك 


••˚◦◦˚••˚◦◦˚••˚◦◦˚••˚◦◦••










ربنا يقدرنى ويرزقنى بشغل كويس


علشان اقدر افرحك 


ربنا يباركلى ف عمرك وف صحتك 


••˚◦◦˚••˚◦◦˚••˚◦◦˚••˚◦◦••


امتنان يمكن يجى يوم وتقرأيه يا امى


ويمكن يجى يوم وتسمعينى وانا بقوله ليكى



19 داقوا الشاى وقالولى رأيهم:

Ramy يقول...

مش قولنا نغير النغمة بقى (:

و شايك مظبوووط على فكرة

و الله طبيخك أتقدم يا أختنا العزيزة مانونا (:

كفاية تهريج بقى نضحك شوية

يا خرابى على الصورة

ربنا يخليكوا لبعض

و يخليها سندك بعد ربنا دايماً

سلملنا على الوالدة كتيييير

و ميحرمكمش من بعض

ربنا معاكى دايماً

(:

كل سنة و انت طيبة

мαησηα يقول...

اول مرة اشوف الرقم ده 10 مرة

واحدة اونلاين

ههههههههههههه

ودينى اللى هيتريق ع صورتى

وانا صغنونة هاوريله

هادعى عليه وهيطلع ف عياله

انا كنت حبوبة اوى واى حد

يبصلى اضحك

وكنت موكوسة مستعجلة ع المشى اوى

ادينى اتنيلت مشيت عملت

ايه بقه ولا حاجة

وككنت مستعجلة ع الكلام

كملت سنة كنت بمشى وبتكلم جبارة

هههههههه حتى وانا عيلة كت جبارة

мαησηα يقول...

رامى ...

انا غيرت النغمة يا استاااااااااااااذ

انت اللى نسيت النغمة القديمة

البركة فيك انت اللى شجعتنى بجد

انى اكتب

ميرسى يا رامى

الفضل ليك بعد ربنا ف انى اتحسنت ف الكتابة

يارب اللهم امين

ع فكرة والله بجد سلامك وصل ومامتى بتدعيلك

كتير جدااااااااااا

بتقولك كل سنة وانت طيب وبخير

وانا بقولك كل سنة وانت اطيب

sony2000 يقول...

:))))))))))))
لكل سنه وانتو طيبيييين
بس خلاث:)
يااااااربنا
كنت عثوله خالص
ايه اللي حصل بس
يلا خير

موناليزا يقول...

إيه ده يامنمن..أنتى من أيام الأبيض والأسود :)

ربنا يخليكم لبعض ياحبيبتى ويفرحكم يارب قريب

adel يقول...

ربنا مايحرمكوا من بعض
ولا يحرم بعض منكم :)

richardCatheart يقول...

الله عليكى يا منونه

يارب تعيش وتسندك وتعيشى وتفرحى قلبها بيكى

واوعى تستبدلى حبها ابدا

ربنا يخليكم لبعض

لــــ زهــــــراء ــــولا يقول...

ايه الجمال ده يا منمن ياقمراية ما شاء الله عليكيِ حلو الارنب اللي مرسوم على هدومك كنتِ شايلاه لوحدك ؟ ولا نصه وقع منكِ هههههههههه
ربنا يخليلك ماما ويخليكِ ليها
لولا

Antika يقول...

قشعرتينى اصلا D: !
كل سنة وانتى احلى يا مُنمُن
ربنا يخليها سنة جميلة عليكى .. ويخليلك مامتك يا رب ويحميكى ليها :)

P A S H A يقول...

‏:)
ربنا يبارك لك فيها ويفرحها بيكي إن شاء الله

Tamer Moghazy يقول...

منوووونا..
والله العظيم انت سكر..
ايوا..سكر..
سمعتيها صح :)
ويااااا بخت ماما بيك.
ربنا يخليكوا لبعض..
وانت كمان قولي (ويخليك لفريدة)
ايوا... بس قولي كده (';')

мαησηα يقول...

سونى ..

وانتى طيبة يا اوختى بس ليه ؟؟

ههههه الله يسامحك يا بنت منا مزة وحلوة

وزى الفل اهون يا بنت

عقابا ليكى مافيش شوكولاته ولا مصاصة لما نتقابل

мαησηα يقول...

موناليزا ..

ههههههههههههه الله يسامحك يا اوختى

اه بعيد عنك منا عمالة اقولكم

عجزت عجزت محدش مصدقنى

لازم تحرجونا يعنى هههههه

мαησηα يقول...

عادل ..

الله امييييييين ربنا يخليك يارب ويكرمك

ولا يحرمك من حبايبك ابداا يارب

мαησηα يقول...

قطتى ..


اللهم اميييييييييييييييييين

ابدا لن يحدث ذلك ابداااااا ان شاء الله

мαησηα يقول...

لولا ..

ههههههههههههه انتى مركزة اوى كده ليه يا اوختى وربنا ما اخدت بالى منه غير لما قولتيلى عليه هههههههههههه

والله انتى سكر

لا قدرت اشيله لوحدى شوفتى ؟ انا شطورة

يارب اللهم امييييييييين يارب

мαησηα يقول...

انتيكا ..

هههههههههه معلش يا انتوكتى سماااح النوبة دى

وانتى جميلة يا واطيب يا منمنتى بردو

ويخليكى ليا يارب يا حلوتى

اللهم اميييييين يارب

мαησηα يقول...

باشا ..

الحاجة بتسلم عليك والله

الله يباركلك ويخليك يارب تسلملى يارب

мαησηα يقول...

تيموووو ..

ههههههههههه

الله يخليك ايون سمعتها تسلم يا تيمو

اللهم اميييييييين

ويخليلك فريدة قلبك ياااااارب اللهم امين

 

ೋ واحــد شـاى ♨ Template by Ipietoon Blogger Template | Gift Idea