احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، ديسمبر 27، 2010

الى مــــاسة قلب التدوين .. ..

من عمايل ايد .... мαησηα بالظبط الساعة 10:59 ص




انا عارفة ان الكلام ده متأخر اوى

وانه المفروض كان يبقى بدرى عن كده

بس كل شئ باوانه 

طيب انتى بقه عارفة ان انتى الوحيدة 

اللى  قرات مدونتها من الالف الى الياء ..

اه عارفة صحيح منا قولتلك  :)

*****

طيب عارفة انى   من اول مرة كلمتك

فيها حسيتك دخلتى قلبى خبط لزق كده ايووووووون 

طيب عارفة ان الحاجة الوحيدة 

اللى مفرحانى بوجودى ف طنطا هى انتى 

*****

طيب عارفة انا ببقى قد ايه مطمنة

وانتى موجودة ف اى مكان  بنكون سوا فيه

وانى بتعلم منك كتير اووووووووووى 

*****

طيب عارفة انا قد ايه بزعل لما بلاقيكى متضايقة او تعبانة 

طيب كمان عارفة انك بجد بجد

من  اهم حسنات 2010  وبعتبر بجد 

انى كسبت كتير اوى لما  عرفتك 

*****

طيب عارفة انا بحب ضحكتك قد ايه ؟ 

طيب اما انتى عارفة مش بتضحكيها ليه ؟ 


*****


طيب بصى عارفة ان بجد اللى سماكى

صدق ف تسميتك بجد 

عارفة ليه ؟ 

اصل  انتى عاملة زى الماسة بالظبط 

صلبة وقوية اوى 

ايون لمعلوماتك الماس بيقطع الحديد 

انا اصلى كنت علمى هههههه 

بتقدرى تقاومى اى خدوش  ناتجة 

من تعاملات بنى ادمين مابيقدروش اللى بيتعاملوا معاهم

وكمان انتى  رقيقة اوى زى شكل  الماسة بالظبط 

والاهم بقه انك بجد غالية اوى اوى اوى 

ومحدش يقدر تبقى ف قلبه الا البنى ادم اللى يقدر 

قيمتك ويعرف قد ايه الجوهرة اللى ف قلبه  دى اصيلة  وغالية


*****

عارفة انا قد ايه فخورة بانك متبنيانى  روحيا

ورغم ان فرق السن بينا مش كبير الا انك فعلا قادرة تحتوينى اوى 

وقادرة تفهمينى اوى

عارفة ان ادق اسرارى مش مع مخلوق غيرك 

 عارفة ان خوفك عليا ده بخلينى طايرة ف السما 

عارفة انك طول الوقت فاهمة احساسى بالظبط 
ساعات بتبقى فاهمانى اكتر منى 


*****


ممكن تكونى عارفة كل ده لكن اكيد 

مش عارفة انا بحبك قد ايه 

واكيد مش عارفة انا فخورة قد ايه بانك مامتى الصغنونة 

واكيد مش عارفة انك اغلى هدية هدانى بيها ربنا السنة دى 


حبيت اختم بيكى السنة 

ليكون ختامها مسك


*****

ومن موقعى هذا احب اهديكى يا مامتى 

 اغنية 

كايدة العزال انا من يومى 

ايوة اه 

:))

لا بجد دوسى



*****

شكر خاص جداااااااااا

للعزيز شريف باشا 

لانه  هو اللى جمعنى بمامتى 

ميرسى يا شريف من هنا لحد حداكم 



ملحوظة  انا والله حاولت ارد ع تعليقات 

البوست اللى فات بس التعليقات رافضة تتنشر 

مش عارفة ليه

:(( 



17 داقوا الشاى وقالولى رأيهم:

richardCatheart يقول...

هو انا اه صحيح مش عارفه انت بتتكلمى عن مين

بس مبسسسسسسسسسسسسسوطه اوى بكلمك

اجمل حاجه انك تلاقى حد كده تتر مى فى حضنه وتلوكى ويفهمك ويطمنك وتتطمنى به

ربنا يكرمكم ببعض ويعمر صدقتكم يا مننونه يارب وحشانى يا منو

أنا - الريس يقول...

ياريت فيه حد يكون بيعز الواحد
كدا
زي ما انتي بتعزي ماستك العزيزة
اتمني لكي ولها .. خير الهناء
والسعادة
التي لا يتخللها
شقاء

مع السلاموا عليكوووو

همس الاحباب يقول...

امممممممم عروستى
لو قلتلك مين تدفعى كام
ما هى ماسة واحدة بس فى التدوين
ربنا يديم المعروف ما بينكم ويجمعكم دايما فى طنطا والقاهرة على خير
كل سنة وانتم بخير

Remas يقول...

طيب اقول ايه بس
اقول ايه وانتى خليتني مش عارفه ارد بجد
ولا عارفه اكتب حاجة اعبر لك بيها اد ايه البوست دا غالي عندي

اد ايه انا في حالة مش عارفه ولا قادرة اوصفها من وقت ما قريته امبارح

كل شويه اقراه واكتب كومنت واجع اسيله تاني

انا مش هاقول انا بحب زي بنوتي بالظبط

لان كلمة ( زي ) دي مش صح خالص
انا بحبك لانك بنوتي فعلا

بنوتي اللى لما بتغيب يوم قلبي بيقلق عليها وبتوتر وبحس ان الدنيا كلها سودا ومقفولة

بنوتي اللى اتمنيت بجد تكون معايا 24 ساعة

البوست دا يعنى لى الكثير والكثيييييييير فوق ما تتخيلي

خليتي دموعي تنزل من التأثر والفرح

عارفة
عمري ما اقلقك عليا تاني ولا هابطل ضحكتي لانك بس بتحبيها

انا بحبــــــــــــك

بشاركك شكرك لشريف لانه من عرفني على اجمل واحلى بنوتة في الدنيا

فرحانة انك في حياتي
فرحانة انك بنوتي الحلوة اللى بموت فيها وبتخاف عليا وبخاف عليها

ربنا يخليكي ليا ومش يحرمني منك ومن قلبك الحلو ومن احساسك الجميل يا عيون مامي انتي

P A S H A يقول...

الأخت الفاضلة / البنفسج الحزين نشرت بوست دلوقت جميل قوي يا منى بجد باعتبره من أمتع وأعمق ما قرأت من فترة طويلة :)
تفصيلة جوه تفصيلة جوه تفصيلة صور متداخلة جوه إطار كبير :)
كنت بافتكر إن اهتمامي بالتفاصيل من أسوأ عيوبي بس اكتشفت حاجة حلوة مؤخرا خليتني فخور جدا بالتفاصيل .. إن فيه ناس بجد كل ما بتعرفيها أكتر بتكتشفي تفاصيلها الجميلة أكتر وأكتر وبتنبهري بيهم أكتر وبتبقي مستمتعة وفخورة جدا لإنك لسه قادره تشعري بالجمال والرقي ده وتحسي بقيمته وتتعاملي بيه .. وبتعرفي إنك في اكتشافك للعمق والثراء الانساني في الشخصيات الكنوز دي .. بتكتشفي جوانب كتير حلوة فيكي ماكنتيش واخده بالك منها :)
انتي يا منى وريم ورغدة من النوع ده بجد .. صورة إنسانية كبيرة لتفاصيل كتيرة مدهشة :)
لديكن القدرة على الإبهار بسمو أخلاقي ورقي انساني فوق الوصف :)
والله العظيم فخور بإني أخيكم ومدين لكم بالكثير جدا جدا جدا
ربنا يكرمكن جميعا ويفرح قلوبكن دائما ويحفظكن من كل سؤ ويجمعكن على طاعته اللهم آمين
لك مني وافر الشكر والتقدير والاحترام
‏:)
في حفظ الله
- بالمناسبة سموك صح ! فين دعواتك الجهنمية على الناس الحقودية ؟
سيبي لي أنا بعد إذنك الطلعة دي :)
إلهي يا رب اللي يحسدنا الأندر بلوجر بتاعه يقع وتبقى فضيحته بجلاجل ههههههههههههه

Ramy يقول...

علشان مرضتش عليه اول مرة يعنى حاضر

(:

اصل دة كان ردى برضه

ربنا يديم المحبة دى

انا فاكرها على فكرة من يوم ابو الريش

(:

Tamer Moghazy يقول...

مممممممم..
متهيالي قلبي حس انت بتتكلمي عن مين من اول العنوان يا منونا..
ومتاكد انها فعلا تستاهل كل الكلام الحلو ده..
وبجد يابختك بيها..
ويا بختها بيك..وبحبك وحنانك ده كله ..
ربنا يديم عليك الحب ده :)

Psycho Hanem يقول...

أجمل إحساس بالوجود إن يكون فيه حد بيحب حد أوي كده ... يكون بيحبه من غير أي أسباب أو مصالح
بيحبه عشان هو هو ... مش حد تاني

ربنا يديم محبتكم ويراعيها في مرضاته

وصحيييح بقا ..
مين هي مااسة التدويييين ؟؟ :)

мαησηα يقول...

قطتى ..

اظن عرفتى بقه لما ركزتى
برافوا ياقطتى

يارب اللهم امين يا قطتى

انها ريم مامتى حبيبتى

мαησηα يقول...

بسام الجميل ..

اكيد انا بعزك كده والله واكتر صدقنى

يارب اللهم امييييييييين

تسلم يارب منورنى دايما ياجميل

мαησηα يقول...

همس الاحباب الغالى ..

هههههههه ده انت الوحيد اللى متاكدة انك تعرفها هههه

يارب اللهم امييييييييين يا خالد تسلم يارب

мαησηα يقول...

ريم .. مامتى الجميلة

مش تقولى خااااااالص حاجة

انا عايزاكى بس تمسحى

دموعك الغالية دى

وتبتسمى الابتسامة

اللى انا بموت فيها دى وبس ياستى

يارب يخليكى ليا يا مامتى يارب ومايحرمنيش منك ابدااااااا قولى امين

мαησηα يقول...

باشا ...

يالهوتى احنا فينا كل ده يا شريف ؟؟

ده انا غنية جدااااااا بقه ههههههه

تسلم يا شريف بجد احنا اللى فخورين بيك اخ كريم وصديق عزيز علينا

يارب يسعدك ويهنيك ويفرح قلبك دايما بكل الحلو

هههههههههه ايون برافوووووووا عليك اصلى كنت بكتبه بسرعة ههههه فنسيت ادعى عليهم

мαησηα يقول...

رامى ...

هههههههههه لا والله ده انا كنت بجرب كده حاجة واتنشر تانى معللش

وبعدين اه صحيح يعنى ينفع احط بوست ومايتزينش بكومينتك يا رامى ينفع يعنى ؟؟؟

ههههههههه اها ربنا يراب يخليك ويكرمك ويعزك يارب

мαησηα يقول...

رامى ...

هههههههههه لا والله ده انا كنت بجرب كده حاجة واتنشر تانى معللش

وبعدين اه صحيح يعنى ينفع احط بوست ومايتزينش بكومينتك يا رامى ينفع يعنى ؟؟؟

ههههههههه اها ربنا يراب يخليك ويكرمك ويعزك يارب

мαησηα يقول...

تيموووو ..

تسلملى يا تيمو

اها هى فعلا اللى انت عرفتها ارووووب انت يا تيمو هههههههه

يارب ويديم المعورف بينتنا نحن الثلاثة ياباشا

мαησηα يقول...

Psycho Hanem

احم احم .. مش بعرف انطق اسمك يا اوختى بتعقدينى عااااااااا

ماعلينا المهم انك منورانى يا قمر

هى ريم .. مدونة رسايل بلا بريد يا سكر

اينعم والله العظيم حبى ليها لله ف الله

الله يديمها علينا محبة يارب اللهم امييييين

 

ೋ واحــد شـاى ♨ Template by Ipietoon Blogger Template | Gift Idea