احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الاثنين، يونيو 28، 2010

مابتهددش انا ..

من عمايل ايد .... мαησηα بالظبط الساعة 3:42 م


اعتذار اولا .. لـــ  محمد حجاز

سورى تعليقك اتحذف للاسف يا محمد 

مع شوية تعليقات تانية 

كل الحكاية ان الداشبورد هنجت فحذفت كله مع بعضه 

انا اسفة ارجو ان تقبل اسفى 

==========

ثانيا : 

الحقير المش  عارفة ايه ؟

بجد مش عارفة اقول  عليك ايه ؟

معرفش انت جيتلى من اى مصيبة تاخدك

كل تعليقاتك  اللى بتعلقها

بتتحذف ومش انا زفتة اللى انت بتدور عليها

انا مش منى دى اللى انت حاططها ف دماغك

وع فكرة مش هاقفل المدونة 

مهما عملت مش هاقفلها 

ولا هاحط اى برامج تمنع الهكر 

يكفى انى كل يوم بستودعها عند ربنا هو خير حافظ وخير امين عليها 

ومش هاقبل اضافتك ع الفيسبوك ومش هاقفل الاكونت بردو

والحمد لله اظن  خير ما عملت انا انى مابقبلش اكلم حد ع الايميلات 

يعنى معندكش ايميلات تهددنى بيها 

ولا بدى رقم تليفونى لاى حد 

يعنى بردو معندكش مكالمات تهددنى بيها 

فريح نفسك منى خالص

واكتب  اللى انت عايز تقوله 

لحد ماتاكل ف نفسك كده 

خلاص خلص الكلام



15 داقوا الشاى وقالولى رأيهم:

Ramy يقول...

انا مش عارف فيه ايه

الناس بقت كده ليه

محدش عنده احترام لأى حاجة كده ليه حاجة تقرف بصراحة

يا أختى متنرفزيش نفسك السفلة دول متخلفين و هيفضله كده

أرجوكى متضيقيش نفسك ميستحقوش حتى التفكير اساسا

ربنا يحفظك ومعاكى

мαησηα يقول...

ولا انا يا رامى بجد بقت حاجة مستفزة

وع فكرة هو عايزنا كلنا

نقفل المدونات

ونقعد بقه مرعوبين وبتاع

انا حبيت بس اقوله انا مابخافش

واعلى م ف خيلك اركبه

الحمد لله انا عمرى ف حياتى ماعملت

حاجة تخلينى ابقى مكسوفة وانى اترعب

بسببها واعيش نفسى مهددة بيها

الحمد لله الحمد لله كل تصرفاتى واضحة ف

هخاف من ايه ؟؟

ماتقلقش مش متضايقة والله

انا بس مستغربة

نفسى افهم الهدف ايه ؟؟

ناس يمكن عمره ماشافهم بيعمل

فيهم كده ليه ؟؟

اختك جامدة ماتخافش مش ده اللى

يضايقنى ف حاجات تانية اهم تستحق

اتضايق علشانها

---------------

بجد بجد بشكرك ف البوست بتاعك يا رامى

فرحتنى بجد حسستنى انى حاجة مهمة

كده هههههههه

ربنا يخليك ويفرحك ويكرمك

اللهم اميييييين

Ramy يقول...

انا حاسس كده بصراحة ان فيه حد ورا المدونات

كل المدونات بتغير و بتقفل مش عارف حاجة غريبة

بس شوفى بقى (:

اولا احنا معاكى فى اى قرار هتخديه

ثانيا متشكوريش لو سمحتى

ثالثا معقول انتى مش حاسة قد اية بتنورى البلوجر

و مهمة للناس كلها

رابعا كويس ان الواحد شاف هههههه من عندك

كده يبقى انتى اوك و هو هياكل فى نفسه

سامع يا معلم هتاكل فى نفسك

Ana keda يقول...

الله الله الله
يلا يا عبد الرحمن شمر وانزل اتخانق لخالتك يا حبيبى
هههههههه
ايه يا منونة القلق ده
احب اوجه راسلة احنا مش بتوع ايميلات ولا تليفونات ولا مسجات ولا مجات
روقى دمك يا بنتى
والى عاوز يعمله يعمله كلنا عارفين انتى ازاى
ربنا يبعد عنك اى شر يا حبيبتى
وحشانى يا مجرمة

أنا - الريس يقول...

بعد السلام والتحية
ربنا يهدي الجميع
فيه ناس مرضي ..
ربنا يهدينا ويهديهم
حت قفل المدونة دي مش عارف
بعض المدونين بيعلموها ليه
فيه ناس سابت التدوين عشان بعض المرضي
اللي بييقوهم
تقبلي رزالة الغير برحابه ووسع صدر
فلا نامت أعين الجبناء
وربي يهدينا جميعا
تقبلي مروري
ويارب تقبل دعواي مع الرضي عنا اجمعين

م. حجاز يقول...

انا اسمى مكتـــــوب
ههههههههههه

لا طبعا مش زعلان والله يامنونة دا بالعكس انا كنت محتار جدا هو انا ازاى اتحذفت عندك من الفيس بوك والنهارده لقيته بيقولى منونة قبلت اضافتك واكتشفت تالت انى مش عندك فى الفريندز

بس انا كده فهمت ان فيه واحد مصدعك فقولتى بلاها الصنف كله
ههههههههههههه

شكرا ولا يهمك ياما دقت على الراس طبول وربنا يبعده عنك ان شاء الله ولو محتاجه اى خدمه احنا موجودين
ازية خلق الله مفيش اسهل منها
ربنا يبعدهم عنا جميعا

غير معرف يقول...

أوعي تزعلي

الواطي بيتدايق أما يشوف حد محترم

وبعدين هتعرفي الكويس أزاي اذا ما قابلتيش الواطي؟

بالمناسبه أسلخيه بس ما تفقديش اعصابك

عندما نحب يقول...

يعنى انا اسيبك شويه ارجع الاقيكى بتتخانقى

مين ده بس اللى مضايقك و انا اجى اكله بسنانى
و لا تزعل يا جميل و روقى دمك و هاتيلى واحد شاى بالنوعناع لزوم الروقان

بحبك

فكرة من الزمن ده يقول...

بارفو منونا كل اللي بتعمليه صح ولازم كلنا نتمسك بيه
بجد انا مزهولة هو فيه ايه ليه ايه اللي بيحصل للناس ده
ربنا يهدي
تحياتي

мαησηα يقول...

رامى ..

تسلملى بجد ربنا يكرمك ويخليك

النور نورك

هههههههه ايون انا ف وش المدفع

мαησηα يقول...

مرمر ..

انتى جبتى بيدو ولا لسه يا بنتى ؟؟

حبيب خالتو يلا تعالى الحقنى هههههه

ايون طبعا .. احنا ناس جامدين اوى

يارب وعنك يا حبيبتى

انتى كمان وحشانى جدااااااا

يارب تكونى بخير

мαησηα يقول...

محمد حجاز

ههههههههه اه مكتوب شفت

هههههههههههه ايون وربنا صح انت جبت المفيد :(

تسلملى يارب شايلاك للتقيل يا باشا :)

ويبعدهم عنك وعن كل الناس الحلوة الطيبة :)

мαησηα يقول...

هانى ..

لا خالص مش زعلانة

صح كلامك صح والله

حاضر انا والله مافقدتش لسة اعصابى

انا لسه ف مرحلة الكلام بهدوء هههههه

мαησηα يقول...

عندما نحب ..

هههههههه اه لماضة انا شفتى يا لولايتى

منا حكيتلك بقه هههههه

حاضر يا قلبى لا خالص مش زعلانة ورايقة

انا بموووت فيكى وربنا

мαησηα يقول...

احلى فكرة ف الزمن ده ..

يارب يا حبيبتى ومعلش هو اصل

الكلام اللى بيوصل

جارح اوى اوى والله

وصعب جدااااااا

ربنا يهدى يارب ويرحمنا برحمته

اللهم اميييييييييييين

 

ೋ واحــد شـاى ♨ Template by Ipietoon Blogger Template | Gift Idea