احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، يونيو 05، 2010

انا قريبة عم عبد النبى ..

من عمايل ايد .... мαησηα بالظبط الساعة 11:09 م

 
 
 
انا ماليش انى اتفرج ع تليفزيون بتفرج لييه ؟؟

ال ايه النهاردة وانا بشوف 90 دقيقة اثناء تناول وجبة العشاء

الاقيهم قالبين الدنيا اكتر من ربع ساعة ع مين ؟؟

ع الحج عم عبد النبى المعمر اللى ف دبى

مش عارفة ليه الموضوع استفزنى اوى

يعنى معمر وعادى بتحصل ايه يعنى ف ناس اكبر منه

عايش ف دبى بقاله اكتر من 60 سنة المفترى

وقولت عديها يابخته ونقيت عليه بصراحة
 
قلت زمانه عمل ع قلبه فلوس قد كده 

ده الراجل ده هو اللى خلص خير الامارات ههههه

انما بقه لحد ما الاقى ال ايه واحد 
 
من السعودية بيتصل ويقول ده خالى

وواحد تانى يتصل يقول ده ابويا
وعيلة من قنا تقول ده بتاعنا 
 
وعيلة تانية من سوهاج تقول لا ده بتاعنا

وال ايه الاستاذ الفاضل معتز الدمرداش زعلان وحيران اوى

وربنا وربنا شعب موكوس وخايب ويستاهل كل اللى بيجرى فيه

ابسط حل للحيرة يعنى ف اختراع سبحان الله

اسمه ال DNAيعنى دلوقتى بالصلاة ع النبى

يقدروا يعرفوا كل قطة من قطط القطة 
 
اللى مرمية ف شارعنا جاية من انهى قط

مش هيعرفوا بنى ادم بحاله جاى من انهى عيلة

هيخلوا الواحد يخرج عن شعوره والله

بلااااااش دى ده لو كان حرامى ولا كان ميت

ولا كان مريض وبيموت وماحليتهوش اللضى

كان شعب مصر كله اتخانق عليه كده

لا اله الا الله

وكل واحد معتز يقوله ايه الدليل انه قريبك

اسمعوا بقه اللى ينقط 
 
واحد يقوله امى كانت بتحكيلى عليه اححححححححم

عدوها عدوها

واحد تانى يقوله الصور اححححححححححم
 
لا بقه ماتعودهاش

ازاى يعنى الصور اللى اساسا زمانها اتحللت تثبت ان ده قريبهم

الطم ع وشى .. انتحر واعمل الموضة
 
اللى ماشية اليومين دول ف البلد

ولا اعمل ايه ؟؟

وشاغلين بالكوا ليه اصلا بيه

ومعتز محسسنى انه حكاية

والله امى الست الغلبانة قالت بمنتهى البساطة
 
ده اكيد كان هربان من تاااار

بس الست تيما حبيبتى حلت الموضوع بمنتهى البساطة

شعب خايب واعلام خايب والله بلد بايظة ع راى دادى

بعديها خبر

ان فيه بيت شوية مجانين عاملينه مصحة نفسية لمعالجة الادمان

وهو اساسا بيت للتعذيب

بيعذبوا فيه البنى ادمين ال ايه بيعالجوهم


والخبر بكل التقرير والتصوير والهيصة دى كلها بالظبط

3 دقايق ومعتز يجى يقولك ايه ؟

انا معرفش اى حاجة غير انه بيت ف ابو النمرس باين

نسيت اسمها البلد

احححححححم بجد بجد بجد
 
منتهى الاهتمام بالبلد واخبارها

يعنى شوية شباب زى الفل مرمين ف البيت ده اصلا

واصلا بيتعالجو من الادمان ونروح منها لقضية تعذيب

ومش مهم ايه يعنى الخبر ده عم عبد النبى اهم


اه يانا يا امه تعاليلى

ع فكرة بقه انا قريبة عم عبد النبى والله خالى اسمه عبد النبى

وانا بقه عندى دليل مادى قوى شهادة ميلاده ووفاته

وماليش دعوة بقه عايزة نصيب امى واخواتى ف الميرااااااث هه بقه

بلاش طيب يسفرنى انا وابو العيال المستقبلى نشتغل ف دبى ويبقى كتر خيره

المهم انى قريبته والاقربون اولى بالمعروف

ولا ايه ؟؟

كانت معكم منونا المفقوع مرارتها عااااااااااااااااا

من امام كمبيوتر ابو جهل

ف بيتنا

16 داقوا الشاى وقالولى رأيهم:

أع ـقل مـ ج ـنـونــة يقول...

اهدي يامنونتي ياحبيبتي

انا داخلة علي امتحانات بكرة ومش عاوزة اقلق عليكي وانا في داخل اللجنة :D :D

وبعدين هنقطع ع بعض ليه ؟

عب نبي دا يبئة عمي <_<

متخليش قرشين يخسرونا بعض ياحبيبتشي :D :D

Ramy يقول...

اهم حاجة خرجت بيها من البوست

ان لسة الجهاز بااااايظ

كتر خيرك يبقى اخبار وجهاز

كدة بقت المدونون فى الأؤض يجو يشوفو المعاناة اللى فيها المدونين

أة والله معاناة

بس بوست بيبين سعة افق المصرين ورؤية مستقبلية ازاى ان مستقبل اى عيلة من دول اللى اتصلوا مرتبط بعم عبد النبى

حقيقى عمار يا بولندا

(:(:(:

فاتيما يقول...

سلامة مرارتك يا منونتى

متتفرجيش يا أمى و ريحى بالك

انا من شوية بقلب ف الكنوات لقيت محمود سعد (بحبه جدااا) بيتكلم عن واحد فرنساوى منع فيلم اسرائيلى من دور العرض اللى بيملكها ..و بيدعوا العرب لتكريمه و بتاع ...و الوقوف جنب القضية الفلسطنينية...حلو ؟!!!
لا مش حلو
لأنى منى الشرقاوى راحت طالعة زى الخازوق كدا و قايلة مصر بتوجهات الأبصر ايه فتحت المعبر و كل حاجة تمام و بتوصل ...قوم انا لقيت مرارتى هيحصلها اللى حصلك فقولت على اييييه؟؟
يوسف عاوزنى
و مالها موجة كوميدى فيها مسرحية
و بعدها نايل كوميدى فيها برضو مسرحية ..بلا توك شو بلا فقع مرارت


خلى بالك من نفسك يا بنتى
احنا عاوزينك

واخدة بالى انا م الغنوة المصاحبة للبوست
بس عاملة مطنشة ..هاه
طواااايب

بوستا و حضونات يا حبيبتى

لــــ زهــــــراء ــــولا يقول...

منونا

بصى بكل هدوء تعالى نتفق ان بعض من وسائل الاعلام تجيب الضغط والسكر والزيت والدقيق هههههههههه

بصراحه ناويه بكره الصبح ان شاء الله اعمل اتصالات مع عيلتى كلها يمكن عمو عبد النبى يطلع قريبنا او حاجه
اقولك على حاجه احلى انا اصلا كان جاى لى شغل فى دبى واتفركش عاااااااااا
يبقى اونكل عبد النبى اللى من عيلتى اكيد هو اللى كان جايب الشغل

بجد هم يبكى وهم يضحك

اه يا امه ضحكت من جهلها الامم

منونا الاقيكش معاكى رقم موبايل حد يوصلنى بعمو عبد النبى

زهـــــــــراء

سمع هوص (Abo 3li) يقول...

هههههههههههههههه... انا كمان قريب عبنبي... والدليل ممكن احلف... طالما فيها ميرااث...

يامونمون متحرقيش دمك... اتعودي وانتي بتتفرجي علي التلفزيون او بتقري الاخبار تسيبي مررتك في المطبخ... حافظي عليها... مش كلنا هنعرف نسافر المانيا لو حبيتي تشيليها علشان نزورك...

VÖltaa يقول...

هههههههههههه

عجبتنى اوى اححححححححححححم دى

هههههه

قلم رصاص يقول...

انا عمك عبد النبي يابنتي

سامعكوا جايبين في سيرتي
احب اعرفكم اني مش هدي لحد حاجة من فلوسي
انا عضمه كبيره ولازم اتجوز واحده حليوه كدا في اخر ايامي

هو يعني الواحد لسه هيعيش له 30 او 40 سنه ؟
ههههههههههههههه

اصل انا ربنا خد مني كل حاجة واداني الصحه !
__________

البوست تحفه بجد يامنونا

والله تنفعي تكتبي مسرحيات
هههههههههههههههه

تقبلي مروري وتحيتي

لجين أبو الدهب يقول...

احنا بلد كده ..

كتر الفضى يجيب كل الشلل ده ..

بدل ما نهتم بأمورنا وازاى نصلحها

نقعد ندور على زيد وعبيد ومين تيه ومين لسه حى

:(((

мαησηα يقول...

ريمو .. .. حبيبتى

اهو انا ريلااااااااااكس خالص اهون

هههههههههه

لا ماتقلقيش يا حبى انا كويسة

هههههههههه عم عبد النبى يبقى عمك وهو خالى

يبقى انتى بنت خااااالى اهلا اهلااااا

والله ادى الفايدة الوحيدة اللى

الواحد طلع بيها من المووضوع ده

تعالى ف حضنى حبيبتى ههههه

ههههههههه لا يا بنتى تغوور الفلوس

كفاية اننا مع بعضينا :D

мαησηα يقول...

سامى .. عااااااااااااااااااا

اه شوفت الدنيا عاملة فيا ايه

انا ناقصة يعنى عاااااااااا

اه هو بالظبط الكلام الكبير اللى انت

قولته ده يا سامى ههههههه

هههههههه ابتسم ف أنت ف بولندا

نورتنى يا سامى وربك يسترها على اختك

اللى خلاص عقلها طااار

мαησηα يقول...

تيما يا تيما

الله يسلمك يا حبيبتى

كانت غلطة ومش هتتكرر وحياتك عندى

ههههههههههههههههههه

عبقرية الاعلاميين ف مصر تتوهج "حلوةتتوهج دى "

انا عارفة صحيح مالها موجة كوميدى

ههههههههه حاضر يا تيما انا اهون

مخلية بالى منى خالص اهون

ههههههههههه والله العظيم دى من

زمااااان بس انتى ماكنتيش

بتبقى مركزة تؤ تؤ

مش اللى ف دماغك خااالص هههههههه

انتى كمان بوسيلى تيما كتييييير

мαησηα يقول...

زهرا ..

نعم :)

هههههههههه اه والله مش بعضها انها كلها

يا اوختى والله

ههههههههه الله وهتبقى انتى كمان

قريبتى هييييه

هههههههههه اه يبقى هو الندل

بيستندل من اولها

اه والله بتقولى حكم يا زهرا والله

هابقى ابعتلك الرقم ف

الخباثة ههههههه

لحسن نبص نلاقى كل من هب ودب

يقولك ده قريبى

نورتينى يا احلى زهراااا

мαησηα يقول...

ابو على يا سكرة ..

هههههههههههه اهلا اهلا وانا اقول انت

سكرة ليه اتاريك قريبى يا

ابو على ههههه

حاضر ههههههه ليه ده حتى التامين

الصحى بقه ف المانيا هههههههه

والدولة موفرالكم كل حاجة

انت اللى هتبخل عليا بقه والبخل

يطلع معايا ههههههههه

мαησηα يقول...

فولتا .. ههههههههههه

ايون هى بالظبط شبه

انا حران اوى

واخدلى بالك انت هههههههههههه

мαησηα يقول...

لجين ابو دهب ..

كده اللى هو ايه ؟؟

اللى انا عارفاه وانتى عارفاه :(

اها واى فضى مش فضى وقت دهفضى عقول

وده ابشع انواع الفضى :((

ربنا يرحمنا برحمته

وبعدين ابتسمى انتى ف بلدنا :))

мαησηα يقول...

ريسنا .. قلم رصاص

هههههههههه اهلين يا عمى

ههههههههههه شفت يا ريس الشعب اللى

باااااااااااظ وانت مشغول عنه

اظن وزير الاعلام عايز شدة ودن ههههههه

تسلم يارب ده من زوقك يا ريسنا

امممممم ممكن افكر ف الموضوع :)

نورتنى يا ريس

 

ೋ واحــد شـاى ♨ Template by Ipietoon Blogger Template | Gift Idea