احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الخميس، يونيو 24، 2010

" مـــــنى "

من عمايل ايد .... мαησηα بالظبط الساعة 1:10 ص



انا للاسف جييييييييت  :((

البوست ده طويل  ومعقد ومكلكع وهيخلى نفسيتك
زى الزفت وازيد شويتين

فيا ريت

نظرا كمان لان الدونيا حر جدااااا

مش هتبقى طالبة معاكوا خنقة

بلاااااااش تقروه او اللى هيقراه يدعيلى مايدعيش عليا

اتفقنا ؟؟


==========================


كــــــــــيـــــــارا

عالم مولان


انتى ايه يا شيخة ؟

ايوة ايه الجدعنة اللى فيكى دى

ليه بجد انتى كده

ليه بتعملى معايا كل ده

ليه بتحبينى كل الحب ده وانا ما عملتلكيش اى حاجة

ومش هيبقى ف ايدى ف اى يوم من الايام انى اعملك حاجة

غير انى ادعيلك

ليه يا كيارا ماسيبتيش لحظة واحدة وانا تعبانة

انا مش عارفة اقولك ايه

غير انى بحبك جدااااا

غير انى اطلب منك تسامحينى لما اقصر ف حقك

لما تبقى محتجالى وماتلاقينيش سامحينى

انا بطمنك عليا بقيت كويسة بس لسه

مابقدرش اتكلم ف التليفون

اول ما الصداع يروح ويبقى مسموح لى امسك

الموبايل هاكلمك باذن الله

 جبتلك شوكولاتة بس ماتاكليهاش غير واحنا سوا



كيارا مش هتعرفى تعيشى ف الزمن ده يا كيارا

ربنا يحميكى ويحفظك وتفضلى طول عمرك كده

حلوة ونضيفة وقلبك ابيض وجدعة

كيارا اوعى تتغيرى


========================


جيسى


انا قفلت اكونت الفيسبوك

ياريتنى ماقفلته  مكنتش عارفة

انى مهمة ف حياة ناس كتير اوى كده

مكنتش اعرف انى رغم  يأسى  وقلة حيلتى بفك عن ناس

خنقتها

مكنتش اعرف علشان انا مش قادرة دلوقتى

افك عن نفسى وعن اعز ناسى الخنقة

مكنتش اعرف ان  ف ناس بتحبك وهى مش عايزة حاجة

غير شقة ف شارع البحر

وعربية

وكتاب زوجى مازال حبيبى هدية  :))

ماكنتش اعرف ان ( ههههههههههههههههههه )

بتفرق معاكى  ومع الناس اللى كلهم سألوا عليا

جيسى عمر الشقى بقى

مايغركيش الاغماء المفاجئ والافلام دى

انا حلوة علشان انتى بتحبينى

انا كمان بحبك اوى

بوسيلى بناتك

( لسه مالقتلكيش الشقة والعربية لما

الاقيهم هنزلك صورهم ههههههههههه )



==================================


ســـــــارة المــــــــشــــد


عاجبك اللى انا فيه ؟؟؟

انتى دكتورة فاشلة ولا انا اللى مريضة فاشلة

ولا احنا الاتنيين زى ماكنت بقولك دايما

اتنين عمى بيعدوا الشارع وال ايه عامليين مفتحيين

عارفة انا وقعت ليه علشان انتى وقعتى

ادينى طاقة يا بنت قلبى

امسكى ايدى اوى

انا جامدة اهون وهافرح وهتفرحى

والله هنفرح وقريب اوى

انتى يا بنتى بحبك اكتر منك

اه حتى هاتى عينى ف عينك كده

اهو اهو شفتى انتى ضحكتى :)))

قفلت الفيسبوك بس معاكى هنا

ومعاكى ف الفون رسايل لحد ما الصداع يروح واقدر اتكلم فون

حاولى تفضى نفسك يوم

حفلة المنصورة كويس انها اتاجلت مكنتش هاقدر اجى

حاولى تعملى المستحيل يوميها اوك

بحبك اوى


==================


مــــامـــــــــــــا


انا اسفة ع اللى حصل منى الصبح

غصب عنى وكان لازم اخرج اللى جوايا

ورغم انك مافهمتنيش

بس انا كنت محتاجة حضنك  ومع ذلك ما رحتش لحضنك

وبعدتك عنى بكل قوتى

كنت محتاجة اعيط ومع ذلك ما عيطتش

مش راضية تخرج دموعى اعملها ايه يعنى ؟؟

ليه بس عملتينى كده

ليه خلتينى قوية ومابضعفش

ليه يا امى

ليه ربتينى كده

مش ممكن نكون انا وانتى وواخواتى وابويا اللى صح

وكل الكون غلط

عاجبك كده ؟؟

ادينى انا بالذات مش عارفة اعيش

ادينى انا بالذات بقيت جامدة زى الصخر

مابقتش انفع اتفتفت من بره

بتقتل من جوه ومش قادرة حتى ابان مفتفتة

مش قادرة اصرخ واقول اه

عاجبك يا امى ادى اخرتها

ادينى مستنية معاكى

وهنفضل مستنيين كتير

علشان الفرح ف الزمن ده عايزله ضريبة

مش هاقدر ادفعها


==================================


سكرة


يا ست العرايس كان نفسى اكون معاكى

النهاردة بس والله العظيم ما قادرة

لما تفوقى وتخلصى من هوجة الفرح دى هاقولك

ربنا يسعدك ويبارك فيكى وليكى

ويجمع بينك وبين محمد ع خير

ويبارك لكم ويبارك عليكم

يارب اللهم اميييييييييييييييين

كان نفسى اكلمك اوى بس ممنوعة من الموبايل


===============================


دودو والانسة بنتها


عاجبنى انتشارك ف النت

هههههههه

بقيتى اروبة اهو

ميرسى لوجودك جنبى وميرسى

لبنوتك اللى ضحكتها تنسى كل هموم الدونيا

يارب اجيب ولد زيها

عسول وجميل كده الله اكبر ربنا يحميها ويخليها ويبارك فيها

قومى روحى بقه :)))


==============================



زمان وانا صغيرة كانت ضوافرى بتتخلع لوحدها

معرفش ليه ؟

وكان الضفر يفضل متعلق ع حتة صغيرة

ويعمل ورم وحركات تقرف

وكان لازم  علشان يكمل خلعه اروح لدكتور

كان الدكتور يقولى عدى من 1 لحد 3

وغمضى عينك مش هتحسى بحاجة خالص

كنت الاقى ماما تقوله لأ

منمن اقرأى الفاتحة

وانتى مغمضة عينك

ربنا معاكى ومش هيخليكى تتوجعى

وكان فعلا بيحصل

انا مكنتش باخد بينج  كنت بخاف من الحقنة تخيلوا طفلة

تتحمل الالم بس لمجرد انها بتقرأ الفاتحة

كنت بنت كويسة اوى وانا صغيرة


======================


زمان كنت بتفنن ف انى اكدب ع بابا

ليه بقه ؟؟

لانه كان دايما شايفنى بتصرف غلط

دايما يقولى انتى اللى عملتى الغلط ده

وانا عارف انك عملتيه وعملتيه ازاى

وانا ابص له وانا ساكتة وعينى بتقوله ازاى يعنى عرفت ؟؟

الاقيه يرد هو بصوت

انا بعرف كل حاجة ببقى ف الشغل وعارف انتى بتعملى ايه ؟

وكل مرة كنت اتعاقب واخد عقاب عمر ماطفل يتخيل انه ياخده

وكنت يومين اتعبهم زعل

بردو نفس فكرة الاحتقان دلوقتى

وجع ف زورى ومافيش لوز ولا صديد

ولا اى حاجة غير وجع وخلاص

وسخونية ودوخة

عارفين كنت بزعل ليه علشان

ازااااااى بابا عرف انا عملت الغلط ده ازاى ؟؟

كنت بحسها اهانة لذكائى وتعبى ومجهودى اللى راح هدر

وانا بعمل الغلط

لحد ماكبرت  يوم  ماتميت ال 27 سنة

لقيت بابا بيقولى يا بنت ال............

انا نفسى افهم انتى كنتى عملتى الحاجة الفلانية دى ازاى

هههههههههههههههههههههههههههههههههههههههه

قعدت اضحك وقعت من كتر الضحك

وقلت له يانهار اسوح هو انت مكنتش تعرف كل ده

يقولى لأ انا هاتجنن واعرف

بصيت له وماقولتلوش انا عملته ازاى

بس ساعتها حسيت انى يااااااه انا مكنتش غبية

هع انا مكنتش فاشلة ف عمايل الغلط ههههههههههه

مابطلتش اعمل حاجات غلط

الا لما كبرت بقه عندى  16 سنة

تقولولى ازاى ده انتى كده كنتى كبرتى اوى

اقولك اه والله انا كنت شقية لحد ما كان عندى 22 سنة

بعدها حصلت حاجة نكستنى

المهم

غلطت بس والله ما فاكرة انا عملت ايه ؟

وبابا زعل منى سنة بحالها مايكلمنيش

وانا حيوانة عادى ولا فارق معايا

كان شيطانى راكبنى اوى

جيت جبت مجموع مهبب بطين

لقيت ماما بقه بتقولى شفتى علشان بابا غضبان عليكى

فربنا غضب عليكى

فجزاكى  بان مجموعك زفت زيك

قالتلى ساعتها قبل ماتعملى اى حاجة ف حياتك

فكرى للحظة

ربنا هيغضب منك ولا لأ

وساعتها هتلاقى نفسك ما بتغلطيش

لان طول ما ربنا غضبان عليكى انتى حالك هيبقى زفت

عمرك ماهتفرحى ولا هتحسى بطعم حاجة حلوة ف الدنيا

غضب ربنا بيمنع البركة

والبركة دى هى الحاجة اللى بتخلى

بصلة المحب خروووف

مافهمتش كلامها وفضلت اغلط

لحد مابقه عندى 22 سنة

وقفت

لانى غلطت

وكان التمن انى كنت هاخسر امى

ف عملية من العمليات

وانا امى دى عندى  هى الدونيا

والنهاردة يا ماما بقولك انتى غلط

وانا اسفة انى بقولك كده

بس تربيتك ليا غلط  ف غلط

وانا الصح  

لا ولا انا الصح

ايه هو الصح واللى المفروض يحصل

اللى المفروض اربى ولادى عليه

انا معرفش !!


==================

زمان كنت ف مدرسة لغات ايووون

قبل ما ننزل مصر ونستقر فيها

كنا ف المدرسة  دى بنروح نادى

مشهور كل مرة ف نادى مختلف

بس ف نادى منهم كانت الميس مش بتخلينا نلعب

كانت بتفضل مخلينا قاعدين نتفرج ع ايه ؟

ع الخيل

هى شكلها كانت بتحب المدرب ولا ايه ؟ هههههههههه

وانا مكنتش فاهمة

اصل ماكنتش بركز غير مع الخيل

خيل كان لونه بنى اواحمر بيقولوا عليه

كان خيل عصبى اوى

وماكنش بيهدى ابدااااااا

مكنش عايز حد يركبه

انا ف  يوم بلغت بيا الشجاعة انى اقوم من مكانى

واقول للمدرب عايزة اركب الخيل ده

قالى نعم يا كتكوتة ويطبطب ع راسى وحاجات كده

وانا اشيل ايده كنت بكره الناس تعملى كده ف الوقت ده لانى

كنت من غير اهلى  كانوا مسافرين وانا لوحدى

فكنت بحس ان الناس بتعطف عليا وانا مابحبش كده

المهم

عمتى كانت محاسبة ف المدرسة دى

وكانت صاحبة الميس

وباين الميس كانت بتكرهنى وبتكره عمتى هههههههههه

وده اتاكدت منه لانها وافقت انى اركب الخيل

وهى شايفاه عصبى  ومتنرفز كانت عايزة تخلص منى

قالى مش خايفة قلتله لا

الحصان اقسم بالله اول ما شافنى  سكت  وبقة هادى

ركبته وكانى فارسة

كده وفاردة ضهرى ف الاول كنت خايفة

وبعدين قعدت اطبطب عليه

وانا رجلى قصيرة مش طايلة البتاع ده

اللى بيتلبس ف الرجلين وانت راكب الحصان معرفش اسمه ايه ؟

فكنت بطبطب عليه بايدى

يقولى طيب اجى اركب معاكى قلتله لا

المدرب بقه مستغرب اوى

انتى ركبتى خيل قبل كده قلتله لأ

انا اول ماركبته ساعتها افتكرت دعاء ماما كانت بتحفظهونى

علشان يحفظنى ويحمينى

لان ماما كانت مرعوبة عليا ف الفترة دى انا بنت

ولوحدى ف مصر اينعم مع جدو وستو بس بردو

شوشو كان بيتنطط ف دماغ ماما

الدعاء هو اللهم اكفينهم بما شئت

ماكنتش بعرف اقوله كده

كنت بقوله ياربى اكفينى بما شئت ههههههه

الحمد لله انه مكفانيش من ع الحصان

كنت بحب الشهر اللى بنروح فيه النادى بتاع الخيل ده اوى

وكنت بحب الحصان ده اوى

وكان الحصان عارف ميعاد وصولنا والميعاد

اللى انا هاجى اركبه فيه

كانت كل البنات تدريبها كاراتيه

 وانا بركب الحصان هههههههه لان البرنامج

اتغير وشكل حد راح فتن ع المدرسة وقال انها بتركننا ف النادى مش

بتشتغل

معرفش ليه افتكرته بس تخيلت  انى ركبته وطلعت بيه

ف طريق مالوش اخر ركباه وهو بيجرى بيا وانا مبسوطة اوى مش

خايفة


=================================
 

زمان كان فيه واحد معايا ف الفصل اسمه احمد

كان بيحبنى هههه اه والله واحنا ف ابتدائى

حطلى جواب ف كتابى وصلته للاستاذ والولد اخد رفد اسبوع

لما دخلت ثانوى لانه كان مشترك ولد حط لى جواب تانى بس كان معاه وردة

بردو اخدت الجواب وصلته للاستاذ كان ف الدرس 
ف اخد اللى فيه النصيب وخلاص

لما اتخرجنا واشتغلت جه الولد ده الحضانة يقدم لابنه

كان واقف قدامى زى المبلول لانه كان معاه مراته

وكان بيترعش والله العظيم خايف لحسن اقوله ازيك

او اساله عن اى حد من زمايلنا ومراته تعمله تحقيق بعد كده

اقولكم ع حاجة من ضمن وحاشتى كنت فرحانة فييه اوى

وهو جبان كده كنت عايزة اقوله الدنيا صغيرة اوى

كل واحد لازم يعمل حساب لحظة زى دى وافرض بقه لوكانت مكانى واحدة تانية

وكانت هتسخف وتحكى ف القديم كان هيبقى منظرك ايه ؟

ساعتها تخيلت لو واحدة ست هى اللى ف اللحظة دى وظهر ف حياتها

حد من اللى كانت بتلعب معاهم زمان وطلع شخص واطى

او مش واطى بس هى بقت متهددة حاسة 
بان ف مصيبة هتحط ع دماغها ف اى لحظة

ساعتها استغربت اوى الناس اللى بتعرف ناس كتير وتقول ده كان لعب عيال

ليه مش بيفكروا زى انا

ولا انا ف الحكاية دى مكبرة الموضوع اوى ؟؟

مش عارفة

===================


زمان لما كنت ف المدرسة الخواجاتى

داخلة الحمام لا بيا ولا عليا

لقيت ولد وبنت بيبوسوا بعض بوسة قليلة الادب

( فرنسية الايحاء انا عرفت ان اسمها كده لما كبرت  )

هههههههههه المهم انا صرخت تقولولى ليه اقولكم معرفش

وجريت الولد بقه راح ساب بوق البونية وراح جاى جرى ورايا

وعايز يضربنى بقلم ف عينى

فانا صرخت تانى قالى اخرسى انا وهى بنحب بعض

وبيضرب تانى راح سن القلم الرصاص دخل ف ايدى

وسكت انا ..

لحد دلوقتى سن القلم ف ايدى

كل مااشوفه اقول يعنى معقول وهما صغيرين فاهمين الحب ده ايه ؟

الحب عندى ده اللى هتقروه دلوقتى


 " لما لقيتك "

عرفت ان الحب الحاجة الوحيدة اللي ممكن تخليني

ادعي ربنا ياخد من عمري ويديلك ..

وادعي ربنا يخفف عنك ويبتليني ..

 ولو لازم حد فينا يتألم يبقى انا وهبقى مبسوطة

عرفت ازاي لما افرح انت اول حد يخطر في بالي

 ولما الدنيا تضيق في وشي انت تبقى البراح

فهمت ازاي الحب بيخلي العشاق مجانين وأطفال

وكمان بيخليهم ز ي الأنبياء ..

قلبهم ابيض وجواهم غفران وتسامح للكون كله

عرفت طعم ومعنى الدنيا والضحكة والفرحة

والشوق والوحشة والوجع .. عرفت معنى الخوف والأمان

والحب اللي بجد

كل دا حصل لي لما لقيتك ..

لأني عمري ما حبيت بجد إلا لما لقيتك

 " ربنا ما يحرمني منك "

 ******

  " لذة طاعتك "
 
 تعرف اني قبل ما اعرفك كان عندي الموت أهون من اني

 اقول حاضر ؟

آه والله ، والف وادور حوالين أي حاجة أي حد يقولهالي

علشان احسس نفسي اني بعملها من دماغي مش بسمع كلامه

لكن معاك .. بقيت بستمتع بجد بإني اسمع كلامك ..

عارف لما تبقى حاسس بلذة وانت بتسجد لربنا وبتطيعه ؟؟

انا بحس كده .. بفرح اوي لما احسك راضي عن حاجة

 عملتها او فرحان بيها

بفرح اوي لما تطلب مني أي حاجة .. لو حتى كوباية ماية ..

بفرح لما تطلب مني أساعدك في شغلك ،

 او اعمل حاجة فيه بدالك

و ياسلاااااااااااام بقى لما اقترح عليك اقتراح وتعمل بيه

حتى لو كان حاجة صغيرة .. ياااااااااااااااه ببقى هطير في السما م الفرحة

 "تعرف .. انا بدعي ربنا دايماً اني اموت وانا مراتك

واموت وانت راضي عني

وياااااااااارب ربنا يحققهالي ياااارب "

****

 " يااااااااه قلبك أبيض أوي "

كتيييييير أوي بزعلك وانت بطيبة قلبك بتسامح

وبتحبني .. وبتتعب علشاني

كتييييييير أوي اتعبك بجناني وعصبيتي وسوء ظني

وانت قصاد كل دا بردو بتحبني وبردو بتسامحني وبردو

بتستحملني يااااااااااااااه بجد انا عمري ما هلاقي زيك في الدنيا

وبجد بحبك اوي ونفسي ولادي يبقوا زيك

يبقى قلبهم زي قلبك أبيض زي الحليب وكبيييييير قد السما


من  " كتاب زوجى مازال حبيبى "

وبردو الاقى

سؤال بيطرح نفسه ارضا ف راسى كل ما اقرأ الجزئية دى

هل كل اللى بشوفهم مشبكين ايدهم ف ايد بعض ف الشوارع

والجناين ورامين بعض ف احضان بعض

فاهمين الحب زى منا فهمته كده زى ما الكتاب قال

ولا هو ايه الحب ف دماغهم

طيب هو انا كده فاهمة الحب صح ولا

انا غلط مابقتش عارفة اوصل لاى حاجة





====================

كل الكلام اللى فوق ده

ذكريات كلام نفسى احكيه لحد يفهمه

كلام كان نفسى احكيه لصاحبى وحبيبى وجوزى

كلام محدش من عيلتى يعرف عنه حاجة

كلام من جوايا

كلام طلعته يمكن الاقى  " منى "

فاضلى شوية ايام واكمل 29 سنة

عملت ايه فيهم وصلت لايه ؟

حتى  " انا " ضيعتها  " منى "

===============

 " منى يا منى  "

- انتى عارفة يعنى ايه " منى "

- .............

- يعنى امنيات يعنى احلام حلوة

- تؤ  " منى "  يعنى امل بعيد المنال

- .............

ياريتنى ماكان اسمى  " منى "







29 داقوا الشاى وقالولى رأيهم:

мαησηα يقول...

كنت ف فرح قريب وشفت زمايلى كلهم

بنات وشباب كل شلتى اللى اتجوزوا بعض

كلهم كانوا بيستعجبوا وسالونى

انتى مااتجوزتيش ليه لحددلوقتى

لقيتنى بقولهم يدىالبلوة للى هيستحملها

وانا بلوة كبيرة اوى

جوزى صعبان عليا

حاسة انى هاتعبه اوى

يارب لو كاتبلى حد هيقدر يستحملنى

يارب اتجوز لو مش هيستحملنى

يارب ما اتجوز

وافضل كده احسن بدل مااعذب حد

مالوش ذنب بيا

يارب اللهم اميييييييين

غير معرف يقول...

بعد البوست دا أحسن عقاب ليكي تتجوزي

وتشوفي اللي أحنا شايفينه

يا رب تتجوزي

خدي من قلبي وصري

أع ـقل مـ ج ـنـونــة يقول...

منونة حبيبتي

ايه الحزن دا كله

كل دا شيلاه ف قلبك ؟

يااااه يا منونة بجد انا عارفة انك يمكن خرجتي شوية من اللى جواكي

بس هاتتعبي كل ما تقري البوست دا

كمان يامنونتي ياحبيبتي --> وبعد اذنك لو الجزئية دي هتضايقك متنشريش الكومنت <--

لاحظت ان نص البوست في مجاهرة بمعصية !

طبيعي ان انتي بشر زي اي بني ادم ف الدنيا

طبيعي ان يكون ليكي اخطاء

المهم انتي دلوقتي ايه ؟

بس كمان ليه تجاهري بمعصيتك زمان ؟

مش عارفة حديث الرسول عليه الصلاة والسلام : كل امتي معافون الا المجاهرون ؟

لو تقدري ولو ينفع وانا عارفة اني اقل من اني انصح بنوتة طيوبة جميلة اوووووووي بجد بحبها اوووووووووووي وربنا يعلم ..

لو تقدر تعدي البوست وتستغفري ربنا يكون احسن ياحبيبتي

عشان متاخديش ذنب بكل واحد يدخل يقرا الكلام دا ويعرف منونة واخطائها

عارفة ان دي فضفضة .. كنتي محتاجالها اكيد ..

بس عشان متزعليش ربنا منك

وياست البلوة الكبيرة لو كنت راجل كنت هاستحمل اجمل واحلي بلوة ف الدنيا

اعذريني مقصرة معاكي وبجد الامتحانات عاملة عمايلها معايا ومخلياني كارهة نفسي

منعزلة بيني وبين نفسي والكمبيوتر واحيانا الورق والكتب وبس :D

فكي بئة .. هاه :(

عاشــــــ النقاب ـقــــة"نونو" يقول...

والله انتي ست البنات عارفة من الصعب تلاقي حد عارف عيوبه ايه هي لانه لو عارفها برضه عارف ازاي يحلها او عارف على الاقل انها عيوب انما النصيبة اللي عارف انه معيوب وعادي جدا
كونك انك بتصلحي والحمد لله ربنا اكرمك واتغيرتي كتير دة في حد ذاته نعمة
ربنا يهديلك الحال ويهدينا واياكم يارب اجمعين
ماما بخير الحمد لله والف مليون سلامة عليكي شفاك الله وعفاك يارب
احبك الذي احببتني فيه
كل عام وانت احلى بنوتة وربنا يريح قلبك يارب

أنا - الريس يقول...

حمد لله علي السلامة
ياراجع من السفر
الغيبة طولت أنا قريت البوست كلمة كلمة وحتي التعليق الأول .. ربنا يكون في العون .. عجبني جدا صراحتك في حجات كتير
وفكرتني لما كان ابويا بيركبني المهرة كان اسمها " رابحة " كانت أيام
بس انتي شجاعة لأنك ركبتي بعد التوكل .
برضوا مش هقولك إلا الأم لأن احيانا بنزعل من بعض - لأنها قلبها طيب - وكل لما افتكر ان الواحد مرهون دخوله الجنة برضا امه أزعل واخاف انها ممكن تكون مش راضية عني .

وتحية للأشخاص اللي سألوا عنك طبعا العبدلله مكنش منهم .. بس بجد حمدلله علي السلامة ,,

ورغم صراحتك إلا إني زعلت من حاجة انتي كتبتها لأن في حجات متتكتبش .. ودا مجرد رأيي لا غير .. حتة البنت والواد دي .. لأن مش كل الحب بيكون مبني علي الرغبة .. ودول حتي لو في الثانوي أو الجامعة لم يصلوا أن يجمعوا صورة عن الحياة ولم ينضجوا بعد النضج الكافي ..

وبجد ربنا يغفر ليكي جميع ذنوبك لأنك انتي حسيتي بالندم علي عمل أي ذنب .. فان شاء الله رحمة ربنا ومغفرته ورضوانه تشملك .. ويجعل بنات المسلمين قرة أعين اهليهم .. ويخلي ليكي اي حد بتحبه .. وعلي فكرة أنا في نهاية البوست مكنتش فاهم انك متجوز ولا مش متجوزة .. بس لو متجوزة ربنا يجعل زيجتك زيجة مباركة من عنده .. ولو مش متجوزة .. يرزق بابن الحلال اللي انت عايزاه يستحملك ..
وتحياتي

أبــــو ضـــيــاء يقول...

انا زي ما انتي عارفه قليل لما تصفح المدونات ... وزعلت قوي لما جيت النهارده ولقيت الكلام ده

اولا ألف سلامة عليكي , وان شاء الله هتقومي زي الحصان ... س انتي اسمعي كلام الدكاترة ... انا عارف اننا غلسين س لازم تسمعوا كلامنا

ثانيا ... الحمد لله انك قلتي الفيس عد ما انا قفلته , لانك جد تعملي جو عالفيس جميل جدا , ولو كان حصل العكس كنت هاتضايق

ثالثا ... ربنا يكرمك بابن الحلال ان شاء الله ... والصبر جميل :)

رابعا ... علاقتك ربنا مش لازم تبقى علنية كده ... دي حاجة بينك وبينه , ماحدش ليه دعوة بيها , فنصيحة مني , ياريت تمسحيها ... وهو ادرى بحالك , ورحيم وتوا غفور , ربنا ده عظيم قوي :)

خامسا وأخيرا ... هتلاقي كلمات كتير ناقصة حرف " الباء " في تعليقي عشان الزرار بيعلق ... اعذريني عليهم :)

غير معرف يقول...

هو دا الحب بجد واكتر من كدا كمان

ربنا يسعدك يارب ويفرح ايامك ويرزقك بابن الحلال اللى يكون فاهم الحب زيك كدا

فراشة يقول...

ألف سلامة عليكي يا منى
ربنا يشفيكي ويخفف عنك كل ألم وحزن

ربنا يخليكي لكل الناس اللي بتحبك ويخليلك كل الناس اللي بتحبيها يارب

مش عارفه أقولك ايه اول ماقريت "حتى " انا " ضيعتها " منى "

تنحت قوي أصلي بقولها لنفسي بقالي فتره
وكمان كل شوية اتمعن ف اسمي كدا وكلي ايمان ان كل واحد له نصيب من اسمه

ربنا يسعدلك ايامك ويفرحلك قلبك يارب

мαησηα يقول...

هانى ..

ههههههههههه الله يسامحك

طيب قولى اتجوزى واتهنى مش اتجوز ويكون

عقابى الجواز انا ناقصة مش كفاية

اللى شفته ف نص عمرى

لسه هاشوف تاااااااااااانى لا كده

كفاية اوى

мαησηα يقول...

رامى ..

ماتقلقش انا دايما عاملة اشراف ع التعليقات افضل علشان الهكر والاعلانات
وغيره ..

انا الحمد لله دلوقتى احسن بكتييييير
النهاردة قايمة زى الفل

انا اسعد انى فضفضت هنا مش بلاقى غيرها المدونة اللى بتسمعنى من غير ماتقولى هش كفاية بقه خنقتينى

انا مش فضفضت انا فضحت نفسى فضايح

لا تزعل .. ماحدش كان هيقدر يساعدنى غير منى ف كان لازم الاقينى
ومع انى ما لاقتنيش بس ارتحت كتير

ولا تغضب .. يا عم سيبها ع الله محدش كان يعرف تعبى انا كنت متعمدة ان محدش يعرف ماكنتش عايزة تعاطف من حد كنت عايزة قسوة
بيقولك لا يفل الحديد الا الحديد ههههه
القسوة اللى جوايا كانت محتاجة قسوة
بس ف ما تشيلش نفسك ذنب ياابنى عادى

الناس بتبقى ماشية وربناوحده عالم هى بتبقى عاملة ازاى وجواها ايه

هههههههههه ضحكتنى ع الموقف اللى حكيته ههههه لا انا كنت مخربة جوه البيت هابقى احكيلكوا هنروح من بعض فين
ادينا قاعدين

هو جيل التمنينات ده باينه كان عبقرى شقاوة :)

يا ابنى مسمحاك والله انا اصلا مازعلتش منك ولا زعلت من اى حد ماكنش حد يعرف انى تعبانة والله
كيارا وجيسى وسارة دول لانهم تقريبا
مابيفاروقنيش لحظة رغم بعد المسافات
بس لكن بردو لو مكانش فى تليفونات ماكنوش عرفوا

خيييييييييييييييييييير انا كويسة الحمد لله

وميرسى بجد ع تعليقك ومحاولة تخفيفك عنى

ربنا يرزقك ببنت الحلال اللى تكون نصك الحلو بجد اللى يعوضك عن مرار الدنيا
قول امين

غير معرف يقول...

منمن

صباح الخير
أولا بدعيلك ربنا يتم شفاكى على خير وتقومى بألف صحه وتستعيدى صحتك ان شاءالله

منمن بحيكى على صرحتك المتنهيه وجميل من الانسان انه يشوف عيوبه فين وايه الأخطاء اللى عملها ويحاول ميكررهاش

يارررررررررررب تتجوزى وان شاء الله هتلاقى ابن الحلال اللى يستحملك
وتربى اولادك على نهج الاسلام والتربيه الصالحه

ومتزعليش من نفسك ومصالحتك وصراحتك مع نفسك دا شىء جميل يدل على انك انسانه طيبه ونظيفه من جواكى ياقمر

ربنا يسعدك يامنمن ويسعد كل البشر
ويشيل ويزيح عنك يارب اى أسى و هم

وأسمع عنك اخبار جميله المره الجايه وتقدرى تمسكى الفون وتتكلمى ويروح عنك الصداع وتمارسى حياتكم بشكل طبيعى
ربنا يقومك بالسلامه

دمتى بخير وصحه
اللهم امين يارب العالمين


وربنا يخليلك ماما ومتنحرميش منها يارب

мαησηα يقول...

ريمو حبيبتى ..

انا بقيت كويسة الحمد لله

والله النهاردة انا زى الفل

لا مازعلتش من كلامك بس كان ليا غرض بجد كان ف ناس مش عايزين يسمعونى كنت عايزة اوصلهم انى مش حلوة اوى كده مش ملاك ولا حاجة انا زى زيهم ويمكن ابشع
كمان كان ف دماغى ان ف ناس ممكن تكون بتعمل الغلط اللى انا كنت بعمله لما تشوفه مكتوب ولما تشوفه اد ايه بيعذب اللى بيعمله بعدين يمكن تتوب يمكن يعملوا ستوب ف حياتهم ويفتحوا صفحة جديدة ف حياتهم صفحة نضيفة

ف ناس كتير سمعنا عن قصص توبتهم وايه هى معاصيهم بالظبط
اشمعنى هما ماقلناش بيجاهروا ؟
ده سؤال بجد فهمينى النقطة دى لان كان ف بالى ان اللى بكتبه ده زيهم بالظبط
بقول المعاصى مش مجاهرة والله

كمان انا كنت ف الجزئية اللى قبلها قلت انا كنت بغلط
خفت الناس تفتكر انى عملت حاجة وحشة اوى بقه حاجات غلط من اياها
فقلت اقول انا ايه الغلط اللى كنت بعمله
بس يا ستى

وعموما الناس اللى كنت عايزاها تسمعنى قرأت الكلام فحذفته انا بقه خلاص

يابنتى والله انا عذراكى ومسمحاكى ماتحسسونيش بالذنب كلكم بقه ههههههه
مش هافضفض تانى معاكم

ربنا يوفقك يا حبيبتى ويكرمك ويعديلك السنة دى ع خير

انا فكييييتت وربنا وبقيت زى الفل اهو والله العظيم

انا بحبك اوى يا بت يا ريمو

мαησηα يقول...

نونو ..

رغم انك واضح انك متدينة بس الوحيدة

اللى ما قالتليش انتى جاهرتى بذنوبك

غريبة دى ؟؟ هههههه

انا بحبك اكتر منك ع فكرة وقلتلك

معرفش ليه حبيتك رغم ان اللى

بينا تعليقات

الحمد لله انا بردو مهما كنت احسن

من غيرى كتير

الحمد لله ان ماما بقت كويسة يا حبيبتى

ربنا يخليهالك ومايحرمكيش منها ابداا

خليها تدعيلى اوعى تنسى يا نونو

اللهم امييييييين

وانتى طيبة يا جميلة

мαησηα يقول...

الريس عندينا يا هنايا ..

الله يسلم عمرك يا ريس

قرات فضايحى قصدك ههههه

صراحتى هى اكبر عيب فيا للاسف ومش

عارفة اغيره :(

اها انا بحب الخيل اوى

بحب عزتهم بحب قوتهم

بحب حريتهم وانطلاقهم

لو مكنتش انسان كنت اتمنى اكون حصان

والحمد لله انى انسانة

انا كنت بزورك دايما كنت هتعرف منين

انى تعبانة وبعدين انا تعبى كان اغرب

تعب ممكن تشوفه ف حياتك

انا كنت ببقى قاعدة بكتب تعليق

ويلاقونى فجاة اغمن عليا

عايزة اقولك انى اتهديت من كتر ماكنت

بقع ع الارض هههههههه

وبابا وماما تعبوا من شيلى لا وايه

كلبظت كمان ههههههههه

فكرتنى .. امبارح بابا يقولى انتى كام

كيلوا يا منى قلتله 60

قالى نعم هتستعبطى هههههههه

اذا كنت انا 60 وماكنتش قادر اشيلك

هههههههه

بس يا عينى اكمن اعصابهم كانت بايظة

علشانى ماكانوش بيقدروا يشيلونى

امى الحمد لله راضية عنى

هى فاهمة اللى فيا وعرفته وقالتلى

ساعتها عرفتى انا كنت خايفة عليكى

ليه ؟

ربنا يخليهالى ويباركلى فيها ويحفظهالى

وتعيش لحد ماتشوف ولاد محمد وسارة يارب

اللهم امين

اللهم امييييييييييييييييييين

يسمع منك كل دعواتك الحلوة دى

لا مش متجوزة لانك بردو شكلك بعد

ماقرات التعليق ماعرفتش بردو

ههههههههه

لو متجوزة ماكنتش هابقى فاضية اقعد

مع نفسى ياريس

ربنا يعينك ع شغلك ويكرمك ويغفرلك

بكل نقطة عرق ذنب يارب اللهم اميين

نورتنى يا ريس

мαησηα يقول...

ابو حميد .. فينك يا رحالة ؟

ف بالى بقالك يومين بتيجى ف دماغى بالحاح شديد معرفش ليه ؟
يارب تكون بخير يارب

اها اعلم ذلك جيدا ..
ليه زعلت انا اسفة لو زعلتك

اولا : الله يسلم عمرك يارب ويخليك لحبايبك .. انا تعبت من الادوية يا احمد
واخيرا رحت لدكتور بالصدفة كان زميلى
ف ثانوى تخيل تحس كل حاجة بتجيبلى الذكريات القديمة ههههه
لقيته بيقولى ولا هاكشف ولا هاعيد انتى زورك مافيهوش حاجة بس احكى اللى جواكى لحد يفهمك ويسمعك
احكى حتى لو حاجة هتتكسفى منها
بس احكى
ولقيتنى لوحدى لسه بقول لماما ع حاجة بسيطة كده طلعت فيا مواعظ وقعدت تنصحنى كانى عيلة صغيرة مش هاعرف اتصرف ف حياتى
خليتنى اتنرفزت عليها وقلتلها يا ماما انا مش صغيرة ماتخلينيش اندم انى بحكيلك
وسكت ماكملتش وكان نصيبكم الاسود انى نزلت البوست ده

صدقنى بقيت كويسة جداااااااااااااااااااا
جداااااااااااااااااااااااااااااااااااااااا
معرفش ليه ؟
نمت كويس اوى قايمة نشيطة مبسوطة مرتاحة الحمد لله الحمد لله

ثانيا .. بفكر افتحه تانى الفيس بوك تسلملى يا ابو حميد وجودك كان بيبقى احلى والله كنا مفتقدينك بفيديوهاتك ولينكاتك وتعليقاتك الحلوة المهذبة

هافتح الفيس بوك تانى ان شاء الله
وهارجع منونا تانى ان شاء الله ترجع من امتحاناتك تلاقينى منورة الفيسبوك ههههه

ثالثا : يارب اللهم اميييييييين
حاضر انا صابرة اهو
ههههه والله صابرة

رابعا : مسحتها لانها ادت غرضها اللى كنت عايزاه منها الجزئية دى والحمد لله اللى هدانى ويارب يهدينى كمان وكمان يارب اللهم امييين ونعم بالله

خامسا : وليس اخرا .. هههههههههههههه ضحكتنى وربنا ضحكتنى لا ولا يهمك انا ما اخدتش بالى انه مش موجود

نورتنى يا ابو حميد ماتغيبش علينا كده ابقى طمنا عليك من وقت للتانى

мαησηα يقول...

يا ريس انا نسيت ارد ع الجزئية اللى علقت لى عليها

اولا : ده للاسف بيحصل ف المدارس

ثانيا : الحب لازم يكون فيه رغبة مش علشان انا قلت ان ده الحب يعنى خالى من الرغبة

بس الرغبة دى لازم تكون ف حدود شرعية ومش كل اللى بشوفهم ف الشوارع مخطوبين ولا متجوزين

بس هى دى النقطة اللى كنت عايزة اوضحها

مش نغلط ونقول اصلنا كنا بنحب

معلش ايه هو الحب ده اللى يخليك تعمل حاجة تزعل منك ربنا
مهما كانت رغبتك

لما تكون ف علاقة حب بينك وبين واحدة
غير لما تكون بينك وبين مراتك والا بقه ايه الفرق بين الارتباط العادى والجواز ؟؟

بس هو ده اللى انا بفكر فيه وقتها
لما بشوف الناس دى

بس يا سيدى الريس

мαησηα يقول...

حنونة وحشتينى اوى حبيبتى

اللهم امييييييييييييييين

لا مافيش يا حنين حد هيعرف يفهمنى

ويستحملنى فكك منى ف الدعوات دى

ركزى ع اخويا واختى هههه

محمد وسارة

تسلميلى يا حنون نورتينى حبيبتى

мαησηα يقول...

منمن ..

وحشتينى لسه شايفة اوفلايناتك دلوقتى

بقالى فترة مافتحتش الميل

يارب اللهم امييييييييييين

دعواتك دى حلوة اوى انا بحبها وبدعى

زيها للناس اللى بحبهم

تسلميلى يارب اللهم امين

انتى كمان مؤمنة بان ليكى حظ

ف اسمك ربنا يستر

ربنا مايجعلنا نصيب ف اسامينا

يارب اللهم امين

اهو انتى كمان ههههههه

نورتينى يا منمن طمنينى عليكى

وسامحينى يا حبيبتى ع تقصيرى معاكى

اديكى شايفة اهو انى كنت تايهة بس

Kiara يقول...

اول جزء عنى هقولك انتى عملتيلي كتييييييييييييييييير جدا يامنون بس دا تواضع منك وعمري ماحتاجتك ومش لاقيتك وبحبك اووووووووووووووووي فوق ماتتخيلي والف الف مليون سلامة عليكي ياحبي

*********
يابت احنا بنحبك انتي مش عارفة قيمة نفسك بس

اما فيما يخص حبيبة قلبي منى فدا يبين انك عارفه نفسك كويس اوي ومنى مش تاهت منك بجد
وبعدين ايه ياريتك مش يبقي اسمك منى دي هضربك :)

*********

الحب اللي بجد هو اللي قلتيه واكتر يامنون لكن النوع التاني دا مش حب اطلاقا بجد

**********

انا بحبك بجد وربنا يشفيكى يااااااااااااااااارب ويجمعك باللي قلبه يستاهلك

richardCatheart يقول...

منونه طبعااااااااااااا اتخضيت عليكى جدااااااااااااااااا

ربنا معاكى يارب ونطمن عليكى

بصى يا منونه ايه ياعنى مشيتى بدماغك
وعملتى اللى انت عايزه تعبتى واتخبطتى ووقعتى

ماهو بردو اللى ماممشيش بدماغه جراله كده

بس الفرق بينك وبينه انك استمتعتى
واتعلمتى عن اقتناع

تربى عيالك ازاى دى بقى مابتتقلش
اكيد فى اساسيات بس الاتجاه اللى بتوضحهولك الايام بالرغم من عندم اعجابك بطريقه مامتك فى تربيتك ومن وجه ظرك انها غلط
الا انى متأكده انك هاتخدى من طريقتها كتير بس هاتخلطيه بطرقتك واسلوبك اللى طلعتى به من الدنيا هتخلطيه بثقافتك اللى هى اكيد مختلفه عنها
بس هى الجوهر الاساسى فى الثقافه دى

منونه زى ما بنتعب فى الدنيا زى مابنستمتع حتى واحنا بنغلط بنستمتع

خليكى قويه صلبه عارفى معها وماتخليش الدنيا تغلبك
حتى لو تعبتى مره استريحى وكملى

عجبنى باقى البوست بذكرياته بقوه وضعفه وحبه
وعجبنى اوى الحصان

ربنا يطمنى عليكى يارب
ويفوك كربك وكربنا يارب

فكرة من الزمن ده يقول...

ايه يامنونا ده بس
كل ده جواكي
طلعي طلعي
ويارب يرضى عنك وعننا كلنا يااارب
وامهاتنا ترضى عننا
واكيد هي مسمحاكي
وموش غلطانة
لان القوة مش تخلي حد يطمع فيكي ولا عدو يفرح فيكي بعد الشر
حتى لو كنتي من جواكي بتتالمي
فاموش يفيدك ان تكوني باينة هشة من برا لناس ممكن نفسها ضعيفة زمتقدرش
قولي اللي جواكي في الوقت اللي انتي تحبيه بس
وخليكي باينة قوية ومتماسكة طول الوقت مع الناس اللئام
ويارب يجمعك بالزوج الصالح اللي يستاهلك
ويتحملك وتتحمليه
لانه لو انتي فيكي عيوب
اكيد هو كمان حايكون فيه عيوب
ولا ملائكة تمشي على الارض
تحياتي

سارة درويش يقول...

صحيح انا فعلاً اختك بقالي عشرين سنة واول مرة اعرف الحاجات اللي في البوست دي !

البوست كله ما وجعنيش قد ما وجعتني كلمة ياريتني ما كان اسمي منى
كل واحد ليه حظ من اسمه يا منى
وان كنتي حلم بعيد المنال فانتي مش مستحيلة المنال واللي يستحق يوصلك بس هو اللي بجد عايز يوصل لك لأنه بجد بيحبك

ماتحاوليش تفهمي يعني ايه الحب ، ولا هو زي ما احنا فاهمين ولا زي ما هم فاهمين
الحب هو اللي انتي تحسي انه حب بس .. وماتهتميش هم شايفين ايه

والله يا منى هيجي يوم تفرحي فيه فرحة كبيرة اووووووي قد الدنيا

عارفة انا ساعات كتير بعتب زيك ع ماما واقولها ليه ربيتيني كده ؟
بس لما الاقي الناس تقول لي انتي ماشاء الله عليكي ربنا يحميكي يابخت اهلك بيكي بفرح اوي وبعرف انهم كانوا صح في شوية حاجات

أع ـقل مـ ج ـنـونــة يقول...

حلو سؤالك يا منونتي

تصدقي مخدتش بالي قبل كدا من الموضوع دا :D

ماتيجي نسأل عنه .. بس نسأل مين وفين وازاى :D


سيبك انتي .. انا بحبك اكتر

اولفك لوفا ف البلد مساره --> عارفاها دي؟ :D

خدي امووه كبيرة :D

لــــ زهــــــراء ــــولا يقول...

السلام عليكم ورحمة الله وبركاته

ازيك يا منمن يارب الان تكوني افضل وبخير وسعيدة...انا مش عارفة ايه اللي حصلك بس عرفت الان انك تعبانة الف سلامة ع القمر..ربنا يبعد عنك كل شر ويقرب منك كل خير ويسعد قلبك وايامك ..مصدعتش لما قريت البوست كان طووويل بس استمتعت بذكرياتك وحكيك وافكارك وعنادك...ربنا يخلي كل حبايبك...بس انتي لخبطتيني خااااالص هو انتي بتناجي حبيب لسة ملقيتوهش ولا لقيتة ولا ايه؟ انا اتلخبطت خاااااااالص...ومرة تانية الف سلامة ع القمراية ):

لولا

م. حجاز يقول...

الف سلامة عليكى يامنونة ويارب يارب يرزقك بابن الحلال اللى ربنا يكون فى عونه بقا هههههههههه

وانا بقرأ البوست مشغول جدا وكل ما اقول هاسيب البوست وكفاية كده الاقى نفسى كملت ومش عايز اسيبه خالص لحد ما وصلت للنهاية
عارفه ليه اصلى حسيبت ان الكلام طالع من القلب اوى

حسيت ان الكلام وخد طريق رايح بس... حسيت انك نفسك تقول الكلام ده اناس انتى بتحبيهم... حسيت ان كان نفسك من زمان تسمعيهم الكلام

يالله ربنا يكرمك ويابختهم اللى انتى فضلتى تعدى فيهم دول وبمناسبة يارتنى ما كنتى منى احب اقولك فى نهاية البرنامج
ان فى ناس كتيــــــــــــر اوى نفسهم يكونوا منى

تسلمى

мαησηα يقول...

الحب الجميل ..
صباح الفل ..
اولا : يارب اللهم اميييين تسلميلى يا حبيبتى
صراحتى دى مشكلتى وهتضيعنى والله مش
حلوة انى صريحة اوى كده
اها تمام وانا بحاول والله ماكررهاش
يارب اللهم اميين

ههههههه بردو طيبة ونضيفة اهو شفتى
اومال انا مش حاسة كده ليه ؟

يارب اللهم امين تسلميلى حبيبتى ولك مثل مادعوتى لى به

طمنينى عليكى انتى؟؟ يارب تكونى بخير ونفسيا كويسة دلوقتى يارب

мαησηα يقول...

كيارا ..

اها اول جزء عنك حبيبتى ..

ولاعملت اى حاجة انتى اللى بتدينى اكتر

من حقى بكتير

انا بحبك اكتر منك يا منون والله

الله يسلم عمرك يا قلبى

***

من غير ضرب حاضر انا منى

ومنى دى حاجة حلوة اوى ههههههههه

اومال ليه هو اللى ماشى وبينجح

والحياة معاه بتبقى حلوة اوى

ليه الحرام حلو ف عيون الناس ؟؟

يارب اللهم امين يا منون انا

وانتى وكل الناس الحلوة الطيبة

====================

قطتى ..

سلامتك حبيبتى من الخضة انا اسفة معلش

صح والله كلامك تمام

وفعلا انا من النوع اللى لازم امر

بالتجربة علشان اتعلم

مش بتعلم من الكلام و النصايح وخلاص

لازم اجرب بنفسى

اربى عيالى ازاى دى مشكلة حياتى

قلقانى جدااا

لدرجة انى لما بيتقدملى حد بقلق وبطنى

بتكركب من قلقى ف انى هابقى ام فاشلة

:(

عجبانى تربية ماما بس حاسة انها مش

مخليانى قادرة اعيش ف الزمن ده

انا حاسة انى عايشة ف المدينة الفاضلة

:) واحنا مش ف المدينة الفاضلة يا

قطتى :(

حاضر ياقطتى هاقوى وابقى صلبة وهعافر

ادعيلى اوى اوى

بحبك جدااااا ع فكرة والله

يارب اللهم امييييين

======================
احلى فكرة ف الزمن ده ..

اها ولسه فيه جوه تااااانى يا

فكرة والله

يارب اللهم اميييييين

والله يا بنتى كلامك زى الفل وزى السكر

حاضر هابقى قوية اوى

ربنا يخليكى يا فكرة ويريح قلبك

وبالك زى ما ريحتينى كده

يارب اشوفك احلى بنوتة ف الدنيا كلها

=====================

اختى سمو الاميرة سارة

هههههههههههه ياه تصدقى 20 سنة

دول كتار

اوى صحيح

اها يا بنتى مش بقولك انى شفت كتييير

سلامتك من الوجع يا عمرى انا

صحيح يا سارة انا مش مستحيلة بس

مبقاش فيه حد

عند خلق ولا صبر يستحمل ويعافر

علشان يوصل ليا او لغيرى

يعنى انا صح الحب احساس اكتر من

انه كلام وافعال

يارب ياسارة يفرحنى ويفرحك يارب

اللهم امييييييين

اها والله معاكى حق الجملة دى بتحسس

الواحد بفخر ما بعده فخر

نورتينى سموك

================
ريمو .. هههههههههههه

لا انا مشهاسكت واعرف الاجابة ان

شاءالله

هههههههه اه عارفاها جداااااا

هههههه

انا الوفك اكتر ماانتى فاكرة

هاتى ههههههههه

=================
لولا ..

وعليكم السلام ورحمة الله وبركاته

ههههههههههه الحمد لله انه البوست عجبك حبيبتى

وما نكدش عليكى الحمد لله

يارب اللهم اميييييييييييين

انا وانتى وكل الناس يا حبيبتى يارب

امممممم .. هو فيه حبيب بس بعيد :(

بعيد ف كل حاجة مكان وزمان

وظروف مهببة

حاجة صعبة يعنى ههههههههه

الله يسلم عمرك يا عمرى انا

==============

محمد حجاز ..

الله يسلمك يامحمد ربنا يخليك ويبارك فيك

اها والله من جوايا اووووى

والله يا ابنى انت الوحيد اللى فهمت

الغرض من البوست

انا فعلا عايزة اسمعه لناس نفسى كانوا

يقعدوا وزى ما سمعتهم

وماقلتلهموش اى كلمة جارحة او

قاطعتهم يسمعونى

يسمعوننى ومايقولوش لا انتى غلط

خيييييير خييييييير اناانكتب عليا اسمع وبس

ما اعتقدش ان ف ناس لوعرفت منى دى

عايشة ازاى

يحبوا يكونوا منى

الحياة مش بيت وفلوس وباب مقفول

عليك يا محمد

الحياة فيها حاجات اهم من ده كله

الناس دول بيناموا من غير ما

يكعوروا نفسهم

كانهم اجنة ف بطن امهاتهم

مش بيحسوا ف عز الحر بالبرد لدرجة

الرعشة

منى عايشة موت يا محمد للاسف

نورتنى واسعدنى تعليقك جدااااااا

мαησηα يقول...

كيارا ..

اها اول جزء عنك حبيبتى ..

ولاعملت اى حاجة انتى اللى بتدينى اكتر

من حقى بكتير

انا بحبك اكتر منك يا منون والله

الله يسلم عمرك يا قلبى

***

من غير ضرب حاضر انا منى

ومنى دى حاجة حلوة اوى ههههههههه

اومال ليه هو اللى ماشى وبينجح

والحياة معاه بتبقى حلوة اوى

ليه الحرام حلو ف عيون الناس ؟؟

يارب اللهم امين يا منون انا

وانتى وكل الناس الحلوة الطيبة

====================

قطتى ..

سلامتك حبيبتى من الخضة انا اسفة معلش

صح والله كلامك تمام

وفعلا انا من النوع اللى لازم امر

بالتجربة علشان اتعلم

مش بتعلم من الكلام و النصايح وخلاص

لازم اجرب بنفسى

اربى عيالى ازاى دى مشكلة حياتى قلقانى جدااا

لدرجة انى لما بيتقدملى حد بقلق وبطنى

بتكركب من قلقى ف انى هابقى ام

فاشلة :(

عجبانى تربية ماما بس حاسة انها مش

مخليانى قادرة اعيش ف الزمن ده

انا حاسة انى عايشة ف المدينة الفاضلة

:) واحنا مش ف المدينة الفاضلة

يا قطتى :(

حاضر ياقطتى هاقوى وابقى صلبة وهعافر

ادعيلى اوى اوى

بحبك جدااااا ع فكرة والله

يارب اللهم امييييين

======================
احلى فكرة ف الزمن ده ..

اها ولسه فيه جوه تااااانى يا فكرة والله

يارب اللهم اميييييين

والله يا بنتى كلامك زى الفل وزى السكر

حاضر هابقى قوية اوى

ربنا يخليكى يا فكرة ويريح قلبك

وبالك زى ما ريحتينى كده

يارب اشوفك احلى بنوتة

ف الدنيا كلها

мαησηα يقول...

اختى سمو الاميرة سارة

هههههههههههه ياه تصدقى 20 سنة دول كتار

اوى صحيح

اها يا بنتى مش بقولك انى شفت كتييير

سلامتك من الوجع يا عمرى انا

صحيح يا سارة انا مش مستحيلة بس مبقاش فيه حد

عند خلق ولا صبر يستحمل ويعافر علشان يوصل ليا او لغيرى

يعنى انا صح الحب احساس اكتر من انه كلام وافعال

يارب ياسارة يفرحنى ويفرحك يارب اللهم امييييييين

اها والله معاكى حق الجملة دى بتحسس الواحد بفخر ما بعده فخر

نورتينى سموك

================
ريمو .. هههههههههههه

لا انا مشهاسكت واعرف الاجابة ان شاءالله

هههههههه اه عارفاها جداااااا هههههه

انا الوفك اكتر ماانتى فاكرة

هاتى ههههههههه

=================
لولا ..

وعليكم السلام ورحمة الله وبركاته

ههههههههههه الحمد لله انه البوست عجبك حبيبتى

وما نكدش عليكى الحمد لله

يارب اللهم اميييييييييييين

انا وانتى وكل الناس يا حبيبتى يارب

امممممم .. هو فيه حبيب بس بعيد :(

بعيد ف كل حاجة مكان وزمان وظروف مهببة

حاجة صعبة يعنى ههههههههه

الله يسلم عمرك يا عمرى انا

==============

محمد حجاز ..

الله يسلمك يامحمد ربنا يخليك ويبارك فيك

اها والله من جوايا اووووى

والله يا ابنى انت الوحيد اللى فهمت الغرض من البوست

انا فعلا عايزة اسمعه لناس نفسى كانوا يقعدوا وزى ما سمعتهم

وماقلتلهموش اى كلمة جارحة او قاطعتهم يسمعونى

يسمعوننى ومايقولوش لا انتى غلط

خيييييير خييييييير اناانكتب عليا اسمع وبس

ما اعتقدش ان ف ناس لوعرفت منى دى عايشة ازاى

يحبوا يكونوا منى

الحياة مش بيت وفلوس وباب مقفول عليك يا محمد

الحياة فيها حاجات اهم من ده كله

الناس دول بيناموا من غير ما يكعوروا نفسهم

كانهم اجنة ف بطن امهاتهم

مش بيحسوا ف عز الحر بالبرد لدرجة الرعشة

منى عايشة موت يا محمد للاسف

نورتنى واسعدنى تعليقك جدااااااا

 

ೋ واحــد شـاى ♨ Template by Ipietoon Blogger Template | Gift Idea