احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأربعاء، مايو 26، 2010

ســــــــتــــــــــة ...

من عمايل ايد .... мαησηα بالظبط الساعة 12:20 ص


انا جـــــــــــــــه

وحشتكوا انا عارفة معلش والله كنت مشغولة كنت بحاول اكون موجودة

يلا خييييييييييير

اولا : بشكر بجد كل حد اهتم وتقدم بتهنئة ف تعليق او اتصال او تفضل  بالحضور

فى حفل توقيع كتاب زوجى مازال حبيبى

ربنا يكرمكم بجد ويفرحكم زى مافرحتوها وفرحتونى

وان شاء الله فيه حفلتين ف كايرو والمنصورة باذن الله هنستناكم تنورونا

ولما يتحدد الميعاد اكيد هابلغكم 

ثانيا : بعتذر جدااااااا جداااااااااا للجميلة " الحب الجميل "

صاحبة مدونة  مجرد انسانة

لانى بجد بقيت بايخة جداااااااا واتاخرت ف انى اجاوب ع  التاج

بس غصب عنى والله كانت ظروف شوية  شغلانى 

المهم نيجى بقه للتاج 



انا اول مرة فى حياتى احس ان رقم 6 ده رقم كبيييييير ومش قليل كده 

لا ده ليه مكانه مش قليلة وسط الارقام 

ولا كنت اعرف انه صعب اوى كده مع انى كنت دايما 

وانا صغنونة بتلغبط فيه هو وال 2 

ورغم انه كان رقم اساسى ف نتيجة الـــــ 7 سنين خدمة 

ف كلية تجارة بتاعتى هههههه 

( حدانا بكاليوريوس التجارة بــ 7 سنين ايه ف اعتراااااااااض  )

الا انى بردو ماكنتش اعرف انه مهم جداااااا وكبير جدااااااااا كده 

عمرى ماحسيت بده كله الا لما جالى التاج ده 

يانهار اسوووووح ال 6 اسرار عن نفسى وانا لو كنت اعرفهم كان ده بقه حالى 

المهم من يوم ماجالى وانا  بافكر فيهم ومش عارفاهم نوهائى

واخيراااااااااااااااااا هجاوب 

ونقول اولا : من وين جالى التاج ؟؟ 

جالى من ست النساء " الحب الجميل

ثانيا : تحدث عن سته اسرار قد لايكتشفها من يقابلك للمره الاولى ؟

ونقول نمبر وان : انا شخص عصبى جدااااااااا هادى جداااااااااا 

ايوووووووووون 

اى حد يشوفنى لاول وهلة يفتكر بقه انى ملااااااااااك

فاضلى حبة ويطلعلى جناحين 

انما بس تحصل هفوة تنرفزنى اتحوووووول انا بقه

ابقى  حد عصبى وبيزعق اوى 

بس ما البث ان اهدى واروق بمجرد ما حد قريب منى يقولى  اهدى يا منى 

اهدى انا  عاملة زى ما اكون عاملة مفتاح اون واوف ههههههه اه والله 

يلا ربنا يصبركوا عليا 

نمبر تووووو : بخـــــــيلة .. احم احم 

ايووووون بخيلة او بمعنى اصح حريصة جداااااااااا 

مش بحب اصرف الفلوس الا فى حاجة تستحق تتصرف فيها 

مثلااااااااا انا باشحن خطين تليفونى كل شهر كل خط بعشرة جنية مصرى ههههههه 

خلصوا ف يوم خلصوا ف اخر الشهر مش هاشحن الا لما اقبض تانى 

ماينفعش اصرف ف خروجة 100 جنيه مدام ينفع استمتع باقل من كده 

من الاخر بحسبها صح اعيشها صح 

هههههههه ومع ذلك دائما مفلسة ازاى معرفش عااااااااااااااا

نمبر ثرى : بحب اللحمة الضانى والكوارع والفسيخ والرنجة 

ايوووووووووووون عمر ماحد يتخيل اول مايشوفنى 

انى باكل الاكلات دى والله العظيم 

ومش كل البنات بتقول انها بتاكل الاكلات دى 

وكانها اكلات للرجال فقط هههههههه 

نمبر فووور : مابعرفش احل مشاكل حد 

عاااااااااااااااااااااااااااااااا انا هاروح لامى مع اول مشكلة هتقابل جوزى 

عاااااااااااااااااااااااااااااااااااااااااااااااااااااااا 

مع انى والله امثل دور اسامة منير ف حياة كل اللى يعرفونى 

ويقعدوا يعينى يحكولى ويحكولى وممكن ابان مش مهتمة او مش مركزة او 

بسمع من هنا واطلع من هنا " بشاور ع ودنى " 

انما والله انا بجد ببقى شايلة همهم اوى

وقاعدة افكر لدرجة انى فعلا بسرح افكر ف حل 

ومع ذلك مابعرفش احل اى مشكلة مهما كانت بسيطة او معقدة 

تعالوا بقه اول ما تخلص المشكلة تلاقى مخى اشتغل

والحلول طلعت حلاوة هههههههههههه 

ماتعرفوش هى زرجنة وخلاص مخى غاوى


يحرجنى مع الناس ولا ايه معرفش ؟؟ 

نمبر فايف : زعلى وحش وحش وحش  تلاتة وحش 

لو زعلت من حد انا بعزه جدااااااااا

بيبقى صعب عليا جداااااااااا ع قد غلاوته انى اصالحه 

بس بضعف قدام سما وهلال :) مابقدرش ازعل منهم 

والمشكلة بقه انى لما بزعل من حد تلاقينى نسيت كل حاجة حلوة عملها معايا 

القلب الاسود بيطلع بردو بزورار اوف واون 

نمبر ستة : اخيرااااااااااااااااا 

انا حد ملول بحب التغيير والتجديد والابتكار 

مابحبش النمطية ولو مليت من حاجة بهملها وبكرهها 

وبسيبها بقه وابعد عنها

علشان كده كل يوم والتانى تلاقونى بغير المدونة 

مابقدرش اقعد كده بستايل حبة كتار 

ولا صورة ولا ستيتس مابجدرش يا ولاد عااااااااااا 

زغروووووووووووووتة بقه خلصت التاج هييييييييييه 

انا بحب التاجات جدااااااااا بس التاج ده باينه توبنى هههههه 

مابعرفش اتكلم عن نفسى توااضعى يمنعنى هههههههههه 

عايزة اقول ان لما وصلت للسطر ده اكتشفت شوية اسرار تانيين ممكن يعملوا 

مدونة لوحدهم وانا اللى كنت فاكرة نفسى خاوية من الاسرار اتارينى 

بيييييييييييير  يلا بقه حصل خير 

المفروض بقه اباصيه لــــ 6 من المدونيين واروح اسيبلهم خبر ف مدونتاهم 

ويارب محدش يتضايق انى بعتله التاج


 اظن ليكم مطلق الحرية ف الاعتذار عن التاج 

ونقول 

1 /  شريف باشا مدونة هجايص 

2  /  وليد دوغرى مدونة هى وظروفها 

3  /  سامى  مدونة بابى 



6  /   ام بيدو مدونة تعبت بجد 

بالشفاااااااااا ان شاء الله 


انا اخترتكم انتوا لانكم اكتر ناس واخدة عليها 

وكمان علشان كسلاااااااااااانين عايزة انشطكم بصراحة 

اللى مش عايز يجاوب براحته واللى هيجاوب 

يدبس فيه  لــ 6 تانيين  وش شرير اووووى


تصبحوا ع خير بقه طولت عليكوا معلش 





28 داقوا الشاى وقالولى رأيهم:

أع ـقل مـ ج ـنـونــة يقول...

ان شاء الله اول كومنت :D

أع ـقل مـ ج ـنـونــة يقول...

يارب اكون واخدة اول تلت تعليقات كدا
ههههههه
رخامة بئة
بس حبيت اقولك انك عثل والنيحمة :D

أع ـقل مـ ج ـنـونــة يقول...

بصي مهما كنتي عصبية
بخيلة
اون واوف
مش عارف ايه
اولفك لوفا في البلاد مساره :D

ههههههههههههه

وانبي عثل يا منونتي

ومبروك لسااااااارة
وان شاء الله حفل توقيع الكتاب ف كايرو اكووووووون فيه ^^,

Ramy يقول...

اولا ازيك

ثانيا بقى كدة بس انا كنت حاسس صدقينى ان البوست دة مش هيعدى على خير

خلاص انا بأذن اللة هجاوب

وشكرا جدا على معزتك

وبعدين انا كسول

دة انا بجرى طول اليوم بين المدونات

لما خسيت النص

ههههههههه

شكرا على التاج

بوست جميل

Ana keda يقول...

مسخرة
انتى مسخرة والله يا منونة
جامدة اوى ملاك وبجناحين دى
والفسيخ
رقيقة رقيقة يعنى
هههههههههههه
فقر والله ضحكتينى يا بنتى
ربنا يخليكى ليا يا ستى وتعيشى وتبعتى

فراشة يقول...

ايه الاجابات الصريحه دي يا منونتي

انا مبحبش الناس اللي زعلها وحش بس عشان خاطرك هحبهم :)

مساكي شيكولاته :D

قناه ايما يقول...

مهما كان فى شخصيتك بس شخصيه جميله مع انى ماشوفتكيش بس حاسه كده من اسلوبك
وان كمان بحب الرنجه وربنا يوفقك

saragebaly يقول...

انتي بجد مشكلة :D

يمكن انا زييك في نمبر فايف
ايووووووة النمبر دة بعيييينه بغباوته بوشه العكر :D D:

تحسي كدة ان الدماغ وقت الزعل فيها مخيخ صعيدي
او تحسيها مقفولة ومزربنة بقفل مصدي منتهي الصلاحية
ومفتاح القفل لقى نفسه ملهوش أهمية قام طفشاااااان :D

بس بجد انتي عثل عثثثثل عثثثثثثل

ومبروك كومان لسارة

دمتـِ بحب يا مانونا

الشاعر الفنان أحمد فتحى فؤاد يقول...

أولا الف الف الف مبروك كتابك الجديد و عقبال الكتاب الألف
و يا رب من توفيق إلى توفيق و نجاح إلى نجاح

ثانيا : أعرف واحد خذ كلية تجارة فى تسع سنين ... أقولك هو مين ؟

ثالثا إجاباتك متميزة و موفقة جدا

دمتى بألف خير و سعادة

P A S H A يقول...

سكرررررررررر يا منى
D:
روحي يا شيخة إلهي ربنا ما يحرمنا منك اللهم آمين

طب ينفع سموك أجاوب هنا ع السريع ؟

متشكـــر قوي لذوقك .. طبعاً دي مدونة أختي يعني مدونتي .. وأنا حر فيها .. إعترضي بقى .. نياهاهاها

1- ما باحبش أنطق اسمي عشان حرف الفاء .. باحس إنه زي المطب الصناعي في بُقي هههههههههه

2- ما باحبش أسلم على سيدات خالص .. باسلم عليهن مجاملة .. إنما أحضان وقبلات أوك .. نو بروبليم :D

3- صموت وخجول جداً في الحقيقة .. وباتكسف لما حد يضطرني أتكلم .. لإن صوتي واطي جداً .. فباضطر أبذل مجهود عشان اللي قدامي يسمعني .. وأنا باكره الصوت العالي أصلاً والدوشة .. بيوتروني جداً .. وكمان مش باعرف أتكلم مع اتنين في نفس الوقت خالص .. باتشتت وباسرح وبافقد تركيزي

4- أكتر حاجة ممكن تلفت نظري في أي حد أقابله لأول مرة .. حذائة .. جزمته لا موأخذه !! بالذات السيدات .. أسيب الست كلها وأركز في جزمتها هههههههه .. ساعات باحصل على إنطباعات من شكل الأحذية .. عشان كده كان نفسي أشتغل بتاع ورنيش (بجد مش هزار)

5- ما باحبش حد يركز في عيني وهو بيكلمني .. باحس إنه بيخترقني وبيحاصرني بنظراته .. بابقى عاوز أفقعها له أخليها له عروة جاكتة وأحسرة عليها نياهاهاها

6- أنا إنسان مزاجي جداً .. وما عنديش وسط خالص ! .. يا إما تلاقيني فرحان ومبسوط ومتفائل وديناميكي .. يا إما تلاقيني كئيب وإنطوائي ومنعزل وكسول ومع نفسي !

قشطة كده يا كبيرة ؟

شطور أنا سموك ؟؟

مش هادبس حد في البتاع ده عشان حرام .. رغم إن الشيطان بيوزني وأنا مش عاوز أحرجه ! بس ياللا زي بعضه.

**********************

ربنا يكرمك يا منونه يا رب ويوفقك ويرضى عنك ويعافيكي ويرزقك ويفرح قلبك ويروق بالك ويسترك ويحفظك ويحفظ بنات المسلمين جميعاً من كل سؤ . اللهم آمين آمين آمين

- ألف ألف شكر على حسن الإستضافة .. ربنا يجازيكي عننا جميعاً ألف خير


خالص تحياتي وعميق احترامي وتقديري

في حفظ الله


"غير معرف"

نياهاهاهاها

سلام يا أختي الفاضلة

:)

beautiful mind يقول...

منونااااااااااااااا
اخيرا كتبتي حاجه
يابنتي غيبتك طولت
اكتر حاجه استغربتلها وشدتني انك بخيله
يعععععععع
يابخيله
هههههههههههه
بس يابخته اللي امه داعيه عليه وهيتدبس فيكي
اكيد اكيد يعني هايبقي مليونير بعد كام سنه
ههههههههههه
اوعي تغيبي كدا تاني بقي
وسلميلي كتير السلام علي سارة
وقوليلها الكتاب روعه
يلا
تصبحي علي خير

Ramy يقول...

اولا انا جاوبت على التاج هة هة

ولزمن وحتمن ولابد

تعلقى بقى المردة

ههههههه

ثانيا

حلو قوى شريط الأخبار دة

و لتانى مرة بقول اهو
الأغنية الجديدة جميلة قوى

شكرا بفكرك انا كتبت التااااااج

سمع هوص (Abo 3li) يقول...

بصي لما تخلصي العشرة جنيه قوليلي وانا هبعتلك رصيد... نيهاهاهانياهاها...
والله انتي عسل يامونمون...
ومع اني صعب اتواجد فكريا او نفسيا مع حد عصبي اوي... انما انتي برضه عسل.. ههههههههههه...

بعكسك... عندك اعتراض؟؟؟

قلم رصاص يقول...

بخيله
وكمان بحتبي اللحمة الضانى والكوارع والفسيخ والرنجة

هههههههههههههههههه

دا انتي لـُـقطه يابنتي

هههههههههههههههههه

احمدك يارب انك محدفتيش التاج دا علي

مع اني كنت فاكر نفسي قريبك

باعتبارك رئيسة الوزراء يعني

ههههههههههه

بوست جميل اوي

تقبلي مروري

мαησηα يقول...

ريمو .. حبيبتى ربنا مايحرمنيش منك ابدااااا

انتى اجمل واحلى وارق بكتيييير

الله يبارك ف عمرك يا حبيبتى عقبالك

وان شاء الله غصبن عنك هتكونى موجودة ههههه

انا بحبك اوى

غير معرف يقول...

اجاباتك واسلوبك عاجبني اوي
بجد انتي حد زي العسل :)))))

мαησηα يقول...

سامى ..

اولا : الحمد لله انا بخير عايشة اهون لسه :)

ثانيا : ههههههههه

ليه اهو عدى وبقه زى الفل اهو وانت جاوبت ومية مية

تسلم يارب

ههههههه اها مش بشوف جديد عندك والغرض من التاج اننا ننزل جديد

ف المدونات غير التعرف ع اهم خصائص المدونيين هههههه

علشان نعرف نتعامل مع بعضينا من غير حزازيات وكده

مرورك اجمل نورتنى يا سامى

мαησηα يقول...

مرمر .. احلى ام بيدو ف الدنيا

ههههههههههههههههههه

بس عثل انا يا مرمر والله

ههههههههههه اه شفتى رقتى يا خراشى

هههههههههه انا بحب ضحكتك يارب ما انحرم منها ابداااااا

قولى امييييييييييين

يارب ويخليكى انتى كمان ليا وتعيشى وتتعبيلى

بحبك انا يا مرمر وياريت تبعتيلى ايميل او رقم تليفون

اطمن بيهم عليكى

بوسيلى بيدو حبيب خالتوووو

мαησηα يقول...

فراشة ..

ههههههههه ايون يا بنتى احنا

مانعرفوش نخبى حاجة واللى عاجبه يشيييييييل

اللى مش عاجبه بالسلاااااااااااااامة

هههههههههههههه

امممممممم والله يا منمن بيبقى غصب عنى

لانى ببقى بحبهم اوى فبتصدم والصدمة بتعمل

قفلة سوداااااااا جوات منى يا اوختى بعيد عنك

هحاول ما اكونش كده وعد منى ليكى :)

مساكى ياسمين صافى يا حبى

мαησηα يقول...

رسالتى ..

يارب يخليكى يارب يا حبيبتى

كسفتينى اوى انا حلوة اوى بوجودكم ف حياتى والله

وبسؤالك عنى وانا وحشة معاكى خالص ومقصرةف حقك

بس والله معرفش فى ايه اخرج من نقرة اقع ف دحديرة

كل يوم فيه ظرف مختلف متجدد هههههههه

معلش بكرة اروووق وابقى زى الفل وافضالك يا جميل

ميرسى بجد ليكى ع زوقك معايا تسلميلى حبيبتى

عليا ليكى عزومة رنجة تحفة ان شاء الله

мαησηα يقول...

سارة .. احلى نبض للحياة

هههههههههههه الله يسامحك ههههههه

هههههههههه ربنا يكفيى الناس شرنا هههههه

هههههههههه انتى اعثل منى ده كفاية تفسيرك المنطقى جدااااا

للقفلة اللى بتحصل ف دماغى ههههههه

انتى سكر سكر سكررر

الله يبارك فيكى حبيبتى عقبال كتابك يارب

ودمتى معانا بدفئ كلماتك يا قمر

мαησηα يقول...

الشاعر الفنان احمد فتحى فؤاد ..

الله يبارك فيك يارب

مش كتابى الحقيقة هو كتاب اختى :)

بس احنا واحد يعنى

ههههههههه بخصوص ثانيا لا انا عرفته بلاش تسيحله هنا

ان الله ستير حليم ههههههه

تسلم يارب ده من زوقك والله

ودمت متألق باجمل اشعارك يا استاذ احمد

мαησηα يقول...

شريف باشا ..

الله يسكرك يا شيخ روح هههههه

اللهم اميييييين ميرسى يا شريف

ينفع ما انت جاوبت واللى كان كان

فاكر ان محدش هيقرا اجاباتك هع ع مين

كل الناس بتيجى هنا ع فكرة وهتتفضح هتتفضح

هههههههههه غريبة اجاباتك بجد بس حلوة

اكتشفنا فيك حاجات جديدة ههههههه

يارب اللهم امييييييييييين

ميرسى ع دعواتك يا شريف ربنا يكرمك يارب

ويرزقك مثل ما دعوت لى به

نورتنى واسعدنى مرورك الطيب

мαησηα يقول...

ابراهيم ..

ااااااااااه اخيرا كتبت يا ابراهيم

معلش والله انا فعلا مشغولة جداا مابلحقش حتى انام

هههههههههههه ذلنى بقه لا انا فعلا صعبة اوى

ف موضوع الفلوس ده كانو اصحابى ف جامعة

بيتعقدوا منى والله

هههههههههههه الله يسامحك يتدبس فيا هو يطول اصلا اصلا

حاضر مش هاغيب بس انت ادعيلى

الله يسلم عمرك يارب الله يخليك من زوقك والله

انت قرأته ولا ايه ؟؟؟

وانت من اهل الخير

نورتنى يا ابراهيم

мαησηα يقول...

سامى ..

اولا انا شفت والله يا سامى وكتبت تعليق بس

اللى حصل انه الجهاز انفجر معرفش انت كنت حاطط ديناميت ولا ايه ؟

ههههههههههه

اتفضله شريط الاخبار مايغلاش عليك

تسلم يارب ده من زوقك اتفضلها بردو

мαησηα يقول...

ابو على يا سكررررررة ..

ههههههههههههههه

اتريق اتريق هههههههه يا ابنى انا بحسبها صح

علشان اعيشها صح ههههههههه

الله يخليك يا ابو على تسلملى يارب

والله العظيم انا هادية جداااااااااا

بس بتعصب لو حاجة حصلت عصبتنى بس

دونت وورى منى

ههههههه لا ما عنديش ياباشا

اختك الصغنونة حلاوة اكيد تبقى عثل

мαησηα يقول...

الريس ..

ههههههههههه

شفت وزيرة اقتصاد مية مية

هههههههههه والله كنت هاحدفه

بس قلت هو الريس فاضى بقه

هيقولى انا مش بتاع تاجات ويحرجنى

فمرضيتش لكن المرة الجاية هاحدفه والله وعد منى

ههههههههههه

تسلم يارب مرورك الاجمل

мαησηα يقول...

جوجو .. حبيبة قلبى

تعرفى بجد انا نفسى اشوفك جدااااااا

انتى اعسل منى ربنا يخليكى ليا

انا بحبك جداااااا ع فكرة

 

ೋ واحــد شـاى ♨ Template by Ipietoon Blogger Template | Gift Idea