احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

الأحد، مايو 16، 2010

زوجى مازال حبيبى .. + تحديث مهم

من عمايل ايد .... мαησηα بالظبط الساعة 1:54 ص





ســـــــــــــــــــــــــــــــارة

اختى وحبيبتى وصاحبتى وكفاءة

" بوست سارة يا وليد علشان تهدى النفوس اوى هههههههه

جميل اوى لما تلاقى حد بيعرف يترجم احلامك ف سطور

جميل اوى لما تلاقى حد بيعرف يفهمك ويعرف انت عايز تعمل ايه بالظبط

او نفسك ف ايه بالظبط

اختى بقه بتعمل معايا كده

اول ما اتولدت كنت انا ف كايرو وهى ف بغداد

ايون اختى بنت رافدين ونيل

يعنى قمة المجد هههههههه

احنا التلاتة كده اولاد رافدين ونيل
علشان كده احنا مالناش زى
:))

كان نفسى اشوفها اوى  اول ما اتولدت بس لحقتها

بعد ماكملت سنة ومن يومها ما افترقناش

كل يوم بشوفها بتكبر بحسها بنتى

وبفرح بيها اوى وبفخر بنجاحها اوى

انا حاسة انى استنفذت اصلا كل طاقة الفرح والقلق فيها هى ومحمد

متهيألى مش هاحس الاحاسيس دى مع ولادى

المهم كان نفسى اوى تكون بنت واخويا كان نفسه تطلع ولد

لما كبرت وشاف خناقنا ع اللبس والحاجات حمد ربنا انها طلعت بنت

ههههههههه لا مش بس علشان كده

حمدنا ربنا كلنا انه رزقنا با احلى بونبوناية ف بيتنا

اها هى بونبوناية بيتنا العزيز

وسارة بقه كانت طول عمرها سارة

شاطورة من يومها ومن يومها وهى بتكتب كانت بتقعد تعمل مجلات

شبه بتاعة ميكى وماجد وباسم

ودايما ترسم ومالية اوضتنا بصور حلوة اوى

كان ومازال حلمها حبيبتى يبقى عندها مؤسسة للنشر

وتعمل جريدة كمان باسمها

وباذن الله ربنا هيحققلها طموحها ده

مش بس علشان هى قلبها ابيض اوى زى الحليب صافى

لا علشان هى تستاهل ده واكتر من ده

كان نفسها

تدخل اعلام وجابت مجموعها بس دادى مارضيش بقه

قالك لع ماعنديش بنات تبات بره

ياعمنا م العيلة كلها ف كايرو

يقولك لع مافيش بنات تبات بره حضنى

وكانت الحكاية بقه دخلت اداب اعلام

قسم صحافة والحمد لله اوشكت ع التخرج باذن الله

وبدات مشاكل القلق الاسرى اللى كلنا مرضى بيه

وخايفين ومرعوبين عليها من

الناس وان حد ياذيها والبلاوى اللى بنسمع عنها

بيبهدلوا فيها الصحفيين

بس رجعنا هدينا كده وروقنا

والحمد لله ثقتنا ف ان ربنا بيحفظها

وان الحمد لله عمرنا ما اذينا حد

بيطمنا عليها وبيسترها معاها

وكمان بركة دعوة ماما

كل يوم الصبح واحنا خارجين تستودعنا عند ربنا

وهو خير الحافظين

و

لانها بجد حد بيحب شغله اوى

حد بيراقب ربنا اوى ف تصرفاتها وحد بيحب الخير للناس

ربنا كرمها وحقق جزء من حلمها الكبير

زوجى مازال حبيبى

و ده بقه حكاية

انا واختى رغايين مع بعضنا بالليل نقعد ن لوك لوك

وكتييييييير اوى بنبقى مستشار

عاطفى او مستشار اى حاجة لاصحابنا

ومنهم اللى طبعا تزوجوا وخلفوا كمان

وكتيييير بنسمع عن مشاكل الناس

توصلنا واحنا بنقعد نجيب ف سيرة الناس بالليل ان

التفكير بعقل شوية وبهدوء ممكن يحل اى مشكلة

وتوصلنا ان اصل كل المشاكل ناتج من ان البيت

اللى اتربوا فيه طرفى المشكلة فيه حاجة مش مظبوطة

مش لا سمح الله حاجة وحشة لأ بس فيه خلل

والخلل بيعمل مشكلة صغيرة تكبر مع الوقت

كنا بنقعد نحلل المشاكل ونحلها

وكنا نقعد نقول انا لما اتجوز هاعمل كذا

بصراحة هى كانت بتجيب افكار لووووووز هههههه

وبعدين قالت انا هاعمل الافكار دى مدونة اهو ننفع بيها الناس

مع ان انا لو مكانها كنت سيبت الدونيا تولع ولا كنت طلعت فكرة واحدة

كنت حوشتهم لجوزى هههههههه

لسه بقه الواحد هيقعد يفكر ف افكار جديدة يبسط بيها جوزوا

هههههههههههه

المهم الحمد لله المدونة بقت كتاب

والكتاب عايزله حفلة توقيع

والحفلة مش هتبقى حفلة غير

بوجود اغلى ناس واحلاهم

واغلى ناس مش هيعرفوا كل ده الا اذا كلنا

قلنا لبعض يعنى مش هاقعد انادى لوحدى انا

هى اختى لو حدى ولا اختكم انتوا كمان الله بقه




المهم من الاخر

مستنينكم باذن الله تعالى

يوم الاربعاء الموافق

19 - 5 - 2010

ف كافيه روستيك - شارع الفاتح برج احمد جمعه - بجوار سوق الجملة


طنطا - الغربية - مصر 

من الساعة 3 ف عز الضهر منك لله ياللى كنت السبب

الى الساعة 6 لما الجو يطرى هنمشى :)))

على فكرة سوق الجملة ده هو الموقف يعنى اللى هيجى باذن الله

هينزل ف سوق الجملة ده الموقف

هيلاقى الكافيه ف وشه اول مابخرج من موقف الجملة


اللى هيتنزلوا من الاتوبيس فيه باذن الله...

ويوصل بالسلامة هيلاقينا مستنين باذن الله

اللى عايز رقم تليفون يبعت ف تعليق 

انا معاكو لاخر لحظة هنا اخر تواجد ليا 

هيكون بكرة الساعة 1 ظهرا 







تاكدو ان فرحتها مش هتكمل غير بوجودكم معاها

ولما تشترى كتاب ربنا هيقعدهولك ف عيالك اه وربنا

التليفونات بقه للاستعلام هابقى اقولكم عليها ف السكرته

مش ناقصين بقه معاكسات


كلمتين لـــ سارة

الف مليون مبروك يا حبيبتى

انتى عارفانى لما بكون بحب حد اوى مابعرفش اتكلم

ولا احكى ف حبه واقول شعر بس انتى عارفة كمان

انا بحبك قد ايه وعارفة فرحتى بيكى انتى قد ايه

وعارفة كويس اوى انى فخورة بيكى قد ايه

وعارفة لو بقتيش احسن من كده كمان هاعمل فيكى ايه

بحبك جداااااااااا
وانتى عارفة الكلمة دى لما بقولها

مابتطلعش غير للغالى يا غالية الغاليين

يا غزالى وبونبوناية عمرى

========= التحذير اياه :) =========

مافيش داعى افكركم ب الدعوة اياها

انتوا عرفتوا خاتمة الكلام لما بكون بتكلم عن حد عزيز عليا

ودى اختى هه

ياللى ناسى وماشى من غير ماتقول ربنا يخليكوا لبعض

بسم الله ماشاء الله

بيتك هيولع بكرة الصبح ع فكرة هههههه



36 داقوا الشاى وقالولى رأيهم:

سمع هوص (Abo 3li) يقول...

ربنا يخليكوا لبعض

بسم الله ماشاء الله

انا خايف علي بيتنا ياختي...


الف مبروووك لسارة... ربنا يكرمها يارب... ومبروووك ليكي انتي كمان يامنونة... انتو الاتنين اصلا من اجمل المدونين... ربنا يحفظكم ويكرمك كل خير يارب...

رحلتنا في الحياة يقول...

الف الف مبروك لسارة وعقبال ما نبارك على الكتاب المليون ليها ونبارك ليكى كمان على كتابك ياجميل

سارة درويش يقول...

يارب اكون انا اول حد يرد عليكي يا منون

ربنا العالم محبتك في قلبي قد ايه

ربنا العالم انا ازاي لحد ما بقيت كبيرة وفي جامعة اهو ومابعرفش انام غير لما تكوني جنبي ولما اكون تعبانة انتي بس تقولي لي مالك برتاح شوية

ربنا يخليكي ليا يا احلى اخت في الدنيا
وربنا يارب يفرحك ويفرحني بيكي فرحة أكبر من كل خوف خوفناه في حياتنا

:*

Ramy يقول...

طب اقول اية وبتنا ميولعش
هههههه

المهم الف الف الف مبروك الكتاب

بجد كان نفسى اجى صدقينى بس انا بعيد قوى عن القاهرة اساسا

بس بأذن اللة انا هشترية لما يكون فى المكتبات

وربنا يوفقها

حقيقى فكرة كويسة

مش انتى مش عاوزة حد يستفاد بالأفكار الحلوة لية

بنات بقى

انا بهرج

مبروك وربنا يوفقها ويحفظكم كلكم


شكرا

فراشة يقول...

اولا بسم الله ما شاء الله ولا قوة الا بالله وربنا يحفظها من كل شر ويخليكم لبعض يا منمنتي :)

ثانيا نفسي آجي بس هو العنوان دا فين؟ القاهره ولا فين
حاسه اني بشبه ع العنوان
اجيب الكتاب منييين يا منمن ومقلتيش الموعد الساعه كام؟

ثالثا مبارك عليكي ياساره وعقبال الكتاب رقم 100 يارب ويارب يفرح قلب بابا وماما بيكم يا منمن انتي وسارا وكل اخواتك

saragebaly يقول...

اولا

ربنا يخليكوا لبعض
بسم الله ماشاء الله

كدة بيتي في السليم والحمد لله ؟؟ :D

ثانيا
الف الف الف مليووووووون مبروك

وعقبال يارب الكتاب التاني والتالت والعاشر
وعقبال ما نبارك بأفتتاح دار النشر كله
وبعدين نبارك ع الجريدة
:D
الف مبروك
ومن نجاح لنجاح أكبر يارب


اسم الكتاب حلو اووووي على فكرة

بالتوفيق يااارب

تحياتي
سارة

Lady E يقول...

هههههههههههه يا نهار أبيض ربنا يخليكو لبعض 10 مرات مش مرة واحدة

الف الف مبروك يا بنوتات

الكتاب عنوانه يشد أوي ، ياريت كنت أقدر أحضر حفلة التوقيع بس للأسف مش هقدر

اتمنى ان يكون في حفلات توقيع تانيه واحضرها

وربنا يسعدك ويسعدها

beautiful mind يقول...

الف الف مبروك لسارة يا منونة
بجد لما عرفت منك الحكاية دي كان نفسي اكون موجود
بس اكيد انتي عارفة ظروفي
ان شاء الله هي بس تشد حيلها وتعمل كتاب تاني
وهكون اول الموجودين
ابعتي تحياتي لساره
وباركيلها بالنيابة عني
ويارب نسمع عنها قريب
صحفية قد الدنيا

мαησηα يقول...

ابو على يا سكرة ..

يارب اللهم امييييييين

ههههههههههههه والله انت عثل

الله يبارك فيك يا جميل يا ابو قلب طيب

انت اللى عثل والله ويارب عقبال ما

احضرلك حفلة توقيع كتابك قريب اوى

ان شاء الله

يارب اللهم امييييييييييين وانت كمان

يا ابو على لك مثل مادعوت لنا به

كان نفسى تيجى ع فكرة اوى كنت

هتنورنا وتشرفنا يا ابو على :(

мαησηα يقول...

ايوشتى ..

الله يبارك فيكى يا قمر

يارب يا حبيبتى وعقبالك انتى كمان يا سكر

تسلميلى يا ايوشتى ربنا يخليكى حبيبتى

مش جاية ولا ايه يا ايوشتى :(

كان نفسى تيجى واشوفك عايزة ارغى معاكى

بالعافية كده هههههههه

мαησηα يقول...

سارورتى .. اميرة قلبى انا

لا مش اول حد حبيبتى بس مش ماعلينا المهم انك

جيتى نورتينى

ولا انا كمان بعرف انام غير وانتى جنبى

بس لازم نتعود يا اوختى كده مش نافعلنا جواز ههههههههه

ولا جوزى ولا جوزك هيستحملوا كده هههههههههه

ربنا مايحرمنيش منك انتى يا سكر حياتى وعطرها

يارب اللهم امييييييييييييييييييييييييين يارب امين امين امين

هنستناكى بقه اوعى ما تجيش هههههههههه

بحبك جدااااااا

мαησηα يقول...

سامى .. هههههههههه

قول ماشاء الله لاحول ولا قوة الا بالله

او ارجع للبوست بتاع بحبك اوى هتلاقى الدعوة فيه

هههههههههههههههه

اها ف الاقصر ربنا معاك ف جهنم الحمرا اللى احنا فيها دى

معرفش انت عايش هناك ازاى اصلا

ان شاء الله متعوضة ف حفلة كايرو

ويارب ساعتها تكون موجود ف كايرو

كنا عايزينك تشرفنا بوجودك والله يا سامى

اه انا فظيعة ما اقولكش علشان كده

مش ماشية الدونيا معايا حلو قلبى مش صافى كده وطيب زى اختى ههههههههههه

يارب اللهم امييييييييييييييين عقبال كتابك قريبا جداااا

ان شاء الله

العفو نورتنى بمرورك العطر

мαησηα يقول...

فراشتى ..

يارب اللهم امييييييييييين

تسلميلى حبيبتى ويخليكى لينا يارب

فى طنطا حبيبتى

ف المكتبات فين معرفش لسه هاعرف كل التفاصيل دى واقولهالكم

باذن الله

انتى ليه مش هتيجى انا زعلت اوى لما قلتيلى انك مش هتعرفى تيجى

حاولى تزوغى من محاضرة وتعالى ههههه انا بعلمك الفشل

بس بجد انا عايزة اشوفك حبيبتى

حاولى حاولى حاولى

الله يبارك ف عمرك يا قمر وعقبالك يارب ان شاء الله ياسكر

ويفرحنا بيكى يا سكر

هستناكى :)

мαησηα يقول...

سارورة .. احلى نبض للحياة

الله يخليكى يا حبيبتى
تسلمى يارب

هههههههههههه اه ف السليم

الله يبارك ف عمرك يا قمر

ان شاء الله يا حبيبتى كله ع الله

ربنا يكرمك يا حبيبتى وعقبال ما اشوفلك كتابك يا قمر

мαησηα يقول...

ليدى .. ازييييك ؟؟

يارب تكونى بخير حبيبتى

هههههههههههههههه اه انا شرانية اوى

بعيد عنك ههههههههه

الله يبارك فيكى يا قمر

تعالى يا شيخة حاولى

ولو مانفعش مستنيك ف حفلة كايرو باذن الله

االلهم اميييين ويسعدك انتى كمان يا قمر

мαησηα يقول...

هيما ..

الله يبارك فيك يا ابراهيم

اها ربنا معاك يارب خسارة بجد انك مش هتكون معانا

باذن الله ربنا يكرمك يارب

الله يبارك فيك حاضر وصل السلام والتبريكات

ان شاء الله تسلم يارب

ميرسى لزوقك يا ابراهيم والله

Ramy يقول...

امتى فى الكايرو ان شاء اللة

وعقبال كتابك انت الأول

وشكرا

سبهللة يقول...

ربنا يخليكوا لبعض

بسم الله ماشاء الله

وبالتوفيق ان شاء الله وانتى وسارة تبقوا احلى عروستين فى الكوشة ان شاء الله

حنين القلب يقول...

ربنا يحفظكم ويخليكم لبعض

الف مليون مبروك يا سارة وعقبال ما اشوفك اكبر كاتبه فى بلدك

كنت اتمنى اجى بس جوزى زى والدكم بيقول لع مش عندنا ستات تخرج بره اسكندريه

هههههههههههههههه

تقبلى مرورى

E73 يقول...

بسم الله الرحمن الرحيم
السلام عليكم ورحمة الله وبركاته

بسم الله ماشاء الله ربنا يخليكم لبعض ويزيد المحبة والود بينكم

أنا نفسي آجي جدًا على فكرة والطريق مش بعيد أبدًا بين المنصورة وطنطا

بس مش عارفة ماما هتوافق ولا لأ لأنها بتخاف عليا جدًا

إدعيلي آجي بجد لأني نفسي آجي وأجيب لنفسي كتاب

وعمومًا عوزة رقم تليفون احتياطي علشان لو ربنا سهل وقدرت آجي أبقى على تواصل لأني برضه لبخة

ربنا يحققلكم كل أحلامكم إن شاء الله

E73 يقول...

هوجعلك دماغك بقى آسفة
لكن لو مقدرتش آجي ممكن أجيب الكتاب منين؟

ولا هو هيتباع في طنطا بس؟!

متيجو تعملوا حفلة توقيع تانية في المنصورة في مكتبة بووك أند بنز

موناليزا يقول...

الف مبروك
وبالنجاح والتوفيق ان شاء الله

غير معرف يقول...

ربنا يخليكو لبعض يارب
والله انا مش من طنطا بس قلبى معاكم الله
واوعدك اشترى الكتاب
وربنا يخليكو لبعض يارب
وتفرحى بيها وبنفسك اكتر
تحياتى

قناه ايما يقول...

ربنا يخليكو لبعض يسا قلبى وما تتحرموش من بعض لبدا

(ست* جنى* الحسن) يقول...

سلامو عليكو..
كان بودى الحضور بس انا ساكنه بعيد شوية
مبرروك لاختك ربنا يكرمها ويجازيها كل خير.
برجاء قبولى صديقة للمدوتة

ghada mOhsen يقول...

ألف مبرووووووك للبنوته العسوله ساره ...

بجد أنا كنت مبسوووطه كتير لما حضرت الحفل .. وشوفت فرحة النجاح في عيون ساره .. ماشاء الله عليها ربنا يحفظها ...

أنا أول مره أدخل مدونتك .. وإن شاء الله مش أخر مره ...
وياريتني شوفتك يوم الحفل .. بس للأسف ماكانش ليا الحظ وأتعرف عليكي ...

بس الجايات أكتر إن شاء الله :) ...

ربنا يخليكوا لبعض يااااارب

... ;) ,,, ;) ...

мαησηα يقول...

سامى ..

والله مش عارفة امتى يا سامى ف كايرو بس اكيد هاعمل هوليلة هنا

الله يخليك يارب عقبال كتابك انت كمان :)

عفوااااا نورتنى

мαησηα يقول...

سبهللة ..

يارب اللهم اميييييين تسلميلى يا رنون

نورتينى حبيبتى جداااااااا

الله يخليكى حبيبتى عقبال ماتفرحى بكتاكيتك الحلوين

يارب اللهم اميييييييين

мαησηα يقول...

حنين القلب ..

الله يخليكى يا حبيبتى يا احلى ام عمر

حمد لله ع سلامتك يا قمر

ههههههههه بردو عى لبانة ف بقهم لع دى ولا ايه ؟؟

نورتينى يا حبيبتى وشرفتينى

بوسيلى عمر كتييير لحد ماربنا ياذن واشوفه :)

мαησηα يقول...

ننوسة ..

ولا يهمك يا جميل اهى كانت فرصة سعيدة

بجد انى اتشرفت بيكى واتعرت عليكى يا عثولة

واحنا جاييييييييييين ماتقلقيش جاااااين المنصورة ان شاء الله

تسلمى يا حبيبتى وبجد نورتينى وشرفتينى

мαησηα يقول...

موناليزا ..

الله يبارك ف عمرك يا حبيبتى

الله يخليكى نورتينى يا جميل

мαησηα يقول...

الشوكة الناعمة ..

تسلميلى يا حبيبتى

ان شاء الله كفاية بجد اهتمامك حبيبتى

الله يكرمك ويخليكى ويفرحك يارب يا حبيبتى

نورتينى وشرفتينى بمرورك العطر

мαησηα يقول...

ست الحسن والجمال .. جنى

وعليكم السلام ورحمة الله وبركاته

انتى اكيد كنتى معانا بقلبك وده بجد

كفاية اوى كانك جيتى حبيبتى

الله يكرمك وميرسى بجد لدعواتك

انا يشرفنى انك تكونى صديقة يا حبيبتى

نورتينى حبيبتى

мαησηα يقول...

غادة يا جميلة ..

الله يبارك ف عمرك يا قمر

والله مش زى فرحتنا بوجودك

لسه سارة موريانى بوستك عنها

بجد تسلمى يا حبيبتى وانا شرفنى انى عرفتك

رغم انك مش شفتينى بس انا اروبة وعرفتك ههههههه

انتى نورتينى حبيبتى ويارب تكون واحد شاى

عند حسن ظنك بيها وبيا يارب

ويخليكى لينا يا سكر

мαησηα يقول...

غادة يا جميلة ..

الله يبارك ف عمرك يا قمر

والله مش زى فرحتنا بوجودك

لسه سارة موريانى بوستك عنها

بجد تسلمى يا حبيبتى وانا شرفنى انى عرفتك

رغم انك مش شفتينى بس انا اروبة وعرفتك ههههههه

انتى نورتينى حبيبتى ويارب تكون واحد شاى

عند حسن ظنك بيها وبيا يارب

ويخليكى لينا يا سكر

Kariman Al Essawy يقول...

أولا بسم الله ما شاء الله طبعا
ثانياً ألف ألف مبروك لسارة وربنا يكرمها ويحقق كل أحلامها إن شاء الله
وربنا يفرحكم دائما يارب وتكونوا فخر لوالديكم دائما إن شاء الله

 

ೋ واحــد شـاى ♨ Template by Ipietoon Blogger Template | Gift Idea