الى د . عصام شرف مع خالص تحياتى ....

انا بحب التوقيت الصيفى ومش عارفة الناس مابتحبوش ليه ؟

ده كفاية ان اليوم بيبقى طويل ومشرق كده 

وبعدين يعنى انا واحدة قانون البيت عندى انى لو خرجت لازمن 

ولابد ارجع المغرب  يعنى  ف التوقيت الشتوى ده عفرتة لليوم 

ولا هالحق اخرج ولا هالحق اقعد معاهم واشبع منهم 

كمان الواحد يسهر ويشبع سهر وينام ويقوم براحته

وف الاخر يلاقى يادوب لسه الضه مأذن 

انما التوقيت الشتوى الواحد يسهر ويجى قوم بقه

يلاقى المغرب هتأذن واليوم خلص :( 

ولما كنت بشتغل كنت بروح الشغل وارجع اصلى وانام واشبع نووووووم 

وبعدين اقوم  الاقى يادوب لسه العصر  مأذن

مبقالوش ساعة الواحد يخلص ويفضى ويقعد يقرأ

ف الروف ع المرجيحة كده ماهو لسه بدرى بقه 

وقت المغربية ده بيبقى بيجنن ف الصيف 

انما التوقيت الشتوى ده الواحد يرجع من الشغل اصلااااااا العصر 

ولا بلحق ارتاح ولا بلحق اقرا ولا بلحق اقعد شوية ع المرجيحة ف الروقان 

وبعدين صدر قرار جمهورى باننا نقعد ع الكمبيوتر لحد المغرب بس

وانا مابلحقش بقه اقعد ف ظل التوقيت الشتوى المهبب ده

عااااااااااااااااا

وبعدين كمان انا عايزة اشتغل وكل مواعيد الشغل متاخرة وطبعا 

قوبلت كل عروض الشغل ده بالرفض من قبل البيت 

ازاااااااااااى ادخل البيت بعد المغرب 

انما ف التوقيت الصيفى هيبقى لسه بدرى  :( 

لا انا احتتتتتتتتتج وبشدة بقه ماليش دعوة انا عايزة التوقيت الصيفى 

الهى يسترك يا دكتور عصام وانت حلو كده وبتاكل فول وطعمية زينا كده عادى يعنى 

ارجوك تعملنا التوقيت الصيفى هو التوقيت الرسمى لمصر 

طيب لو مسترخمينه وسطنوه هههههه

يعنى ولا شتوى ولا صيفى مرجحوه ف النص كده

 ماهو لو ينفع تغير مواقيت الصلاة وتخلى المغرب تأذن 

الساعة عشرة بالليل انا معنديش اى اعتراض هههههه 

انما مش هينفع 

اعمل انا ايه بقه دلوقتى كده ظلم ع فكرة 

وبعدين هتقولى اقنعى باباكى يغير توقيت الدخول للبيت 

هاقولك ده انت

تغير مصر كلها اسهل اه وربنا 

اسألنى ده ابويا بقاله 30 سنة اهو وانا اعرفه اكتر منك 

مــــــــــنــــــــــى

صباحكم سكر جميعا .. 

اولا احب اشكر كل اللى دعا ليا ف الفترة اللى فاتت 

عارفة كان فيه كتير متابعين 

بعتذر انى وجعتلكم قلبكم بس كان غصب عنى 

ثانيا ده شكر خاص جداااا 

لــــ "  تيمو  "  اللى دايما بيبقى 

أسف ع الازعاج  

:) 

ميرسى بجد ليك انت عارف ليه ؛ )

الهى يخليلك فريدة قلبك يارب 

وشكر خاص بردو لــــ " رامى " 

اللى ع طول فاتح

  بابى 

لينا

ربنا يخليلك ملاكك وحاضر انا بسمع الكلام اهو 

وكمان الجميلة الرقيقة منمن 

" كلمات من حياتى "

ميرسى اوى اوى وانتى بردو عارفة ليه  ؛ )

وكمان الجميلة جدااا قلبا وقالبا 

كراكيبو 

وحشتينى اوى ع فكرة

( ملحوظة مهمة : الصورة دى بخط يدى كنت بحاول احب اسمى )

أمَّا أَنا ’ فأقولُ لاسْمي: دَعْكَ منِّي

وابتعدْ عنِّي

 فإني ضقتُ منذ نطقتُ

واُتَّسَعَتْ صفاتُك !

 خذ صفاتِكَ وامتحنْ غيري ...

حملتُك حين كنا قادرَينْ على

عبور النهر مُتَّحدين

(( أَنت أنا  ))

 ولم

أَخْتَرْكَ يا ظلِّي السلوقيَّ الوفيَّ’

 اُختارك الآباء كي يتفاءلوا بالبحث عن معنى.

ولم يتساءلوا عمَّا سيحدُثُ للمُسَمَّى عندما

يقسو عليه الاسمُ

 أَو يُمْلي عليه كلامَهُ فيصير تابعَهُ...

فأين أَنا ؟

وأَين حكايتي الصُّغْرَى وأوجاعي الصغيرةُ ؟

وينظر قارئ

في اسمي

 فيبدي رأيه فيه: أُحبُّ مسيحَهُ الحافي

 وأما شِعْرهُ الذاتيُّ في وَصْفِ الضباب, فلا !...

 ويسألني: لماذا كنت ترمقني بطَرْفٍ ساخرٍ .

 فأقول : كنت أحاور اُسمي: هل أَنا صِفَةٌ؟

فيسألني: وما شأني أنا ؟

أمَّا أَنا  فأقول لاسمي: أَعْطِني ما ضاع من حُرِّيَّتي !

                                                                                   للــرائع "  محمود درويش "

   ♥♥♥♥  ــــــــ  ♥♥♥♥

سألونى الناس عنك يا حبيبى 

قولت لهم هو  سيدى  ينطقنى منى العمر 

فأكون له  احلى  مافى العمر 

                                                                منى درويش

   الاحد : 10  / ابريل / 2011                            
                                                                            

*****







لسه بدعيلك ربنا يفرح قلبك

قد انا مابحبك





****

ممكن محدش يعمل كومينتات ع البوستات النكد اللى فاتت 

وش بيتحايل عليكم ويقول بليييز بلييييييييز

                                    
                            

كل ماتكبر تحلى .. وتصير احلى واحلى ..

كل سنة وانتى ست الحلوين

مش هاقعد اقولك كلام لان الكلام مش هيوفيكى حقك

ولا هيوصف بحبك قد ايه ؟

اصل اصعب حب بجد اللى انتى تقدرى توصفيه ف كلام

انا بس هاقولك 

 

كل سنة وانتى اختى

 

واختى دى يعنى سندى وامانى

 

صديقتى الصدوقة اللى عمرى

 

ماهلاقى حد يخاف عليا ويحبنى قدها 

 

جبتلك كام كادوهاية اختارى منهم اللى يعجبك

اتمنى بجد انى ف يوم ربنا يكرمنى ويرزقنى 

 

بفلوس كتير علشان اشتريلك

واحد علشان تبقى تتفسحى بيه وقت ماتحبى

مش نأجر واحد لمدة ساعة وخلاص

نفسى اقدر احققلك حلمك ده ف يوم


بينى وبينك انا كنت عايزة اتجوز واحد من بتوع مجلس الشعب

بس بعد الثورة مش نافع بقه مش هيجيب همه ههههه

فقررت اتجوز تاجر مخدرات هههه

او اشتغل صبى اسطى البتاع ده هههههههه

علشان يعملى خاطر وابقى اركبك فيه كل شوية

كل سنة وانتى كل احلامك حقيقة 

 

باذن الله يا بونبوناية بيتنا

نسيت اقولك امبارح

" ولا منك كمان "

مش نسيت انا قولت اما اسكت بقه علشان نبطل

سح

شوية ده عيد ميلاد يعنى مناسبة حلوة

يعنى حكم احنا عيلة نكد


افعصى       هنا     لو سمحتى 

كل سنة وانتى جنبى واحلى 

كن صديقى ..

إحساس لا يوصف لبشاعته
ان تقوم بتغيير كل عناوينك
وارقام هواتفك
وكأنك بذلك تحكم على نفسك
بالسجن الانفرادي
وبالنفي...
بعيدا عن اناس تحبهم ويحبونك
وتغلق محطات الانتظار بينك وبينهم
وتحرم نفسك من متعة انتظار صوت
يعيد اليك الحياة
التي غابت
اليوم ...فعلتها
واصدرت حكما بالنفي علي

*****

(هنا ) أقف!!

ولاأعلم *إلى أي مرحلة من مراحل الحزن تُشير كلمة ( هنا )
أو إلى أي بقعة من بقاع العمر يؤدي تتبع ( سهمها )!
لكني أعلم جيدا أن ( هنا ) هي مرحلة مرهقة جدا من الشعور
بقعة متوغلة في الحزن حد السواد !





وأنا أكتب الآن كلمة ( هنا ) / أُشير إلى منتصف قلبي تماما !
*حيث كانت تُقيم قبيلة من الصحبة والأحبة والرفاق!
وغادر كل منهم بحكاية مختلفة
فبقيت خلفهم الحكايات كالمنازل المهجورة /

ملونة الجدران بألوان مواقفهم*
*حتى تحول داخلي إلى مدينة من الحكايات*
*لكل حكاية لون مختلف /

وحزن مختلف / وألم مختلف / وذكرى مختلفة !
فحكايات أحرص على ترميمها وتجديد طلائها
وأخرى أنتظر انهيار أخر بقاياها !
لــ أقذف بها مني !

فالحياة أقصر من الجلوس على أطلال حكاية

*حزنها طويل*الأمد!

لهذا لم أتعلق في الحياة يوما
كنت دائما أتعامل مع الحياة على انني عابرة سبيل*
*فكنت أحاول قدر استطاعتي ان لاألتصق بأمكنتها أو تفاصيلها
إلى الحد الذي يرهقني التفكير فيه بوداع ماالتصقت به !
أو الحد الذي يجعلني أحبو وهنا" / وأنا أودع أحدهم !





لكن الحياة تعلقت بي*!
*تعلقت بي للدرجة التي يتحول فيها الموت

لدى البعض إلى أمنية مشتهاة
كالأماني المستحيل
التي نقضي عمرنا في طهوها واشتهائها / ولانتناولها أبدا !



فهناك من يتحول الموت في داخلهم 

إلى أمنية رائعة
فالموت صديق حميم / وأمنية دافئة 

/ لــ أولئك الذين ينتظرونه بشغف !
أولئك الذين يزفون أنفسهم للموت بلا تردد!
ولايصل الى هذه المرحلة من الموت إلا اشخاص خذلتهم الحياة

*لدرجة النفور منها/ والشعور بالغربة فيها!

أو أرواح لمحت وجه الحياة الحقيقي وهي مستيقظة من النوم**!

الوجه الذي يخلو من الرتوش والمساحيق !

الوجه الذي يُشعرك كم هي ( دنيا) هذه الدنيا !

   هذه الكلمات لمن وحدها التى استطاعت ان تكتبنى

شهرزاد الخليج

 

F.R.I.E.N.D.S

 

خليها ترجع ماهى خلاص عرفت ان الناس بتحبها 

وعرفت غلاوتها عند الناس 

ياااااااااااااااااااه عليكوا وجعتونى اوى بالجملة دى

  فارقتكم

علشان مش عايز حبى ليكم يتحول لكره

ومع ذلك بردو مافيش فايدة 
مصريين ع انكم توجعونى تانى وتالت ورابع 
يااااااه للدرجة انتوا مش حاسين بيا ؟؟ 

للدرجة دى انا تافهة ف نظركم ؟؟

للدرجة دى اتلخص بعدى عنكم ف كلمتين 

عايزة تحس بقيمتها ؟؟

للاسف انا عارفة قيمتى كويس اوى 
وعارفة ان الناس بتحبنى كويس اوى 
وعارفة ان فيه ناس كتير مفتقدة وجودى 

لو كنت عايزة احس بقيمتى وبحب الناس

ماكنت بعدت وقفلت كل حاجة ممكن توصلنى بالناس 

مدام انا مريضة بالمرض ده يبقى لازم ارضى غرورى 

واسيب الاكونت مفتوح علشان اشوف مين بعتلى مسج

ومين سأل عنى ومين ماسألش 

كنت فتحت الكومينتات هنا وانا عارفة كويس 

اوى كانت هتوصل لكام كومينت

كنت رديت ع تليفونى وسمعت كلمتين ف حقى حلوين 

وسمعت الجملة المشهورةاوى ف الموقف ده 
الدنيا من غيرك مالهاش طعم 


 انا بعدت وقفلت كل حاجة بس 
علشان انا بحبكم
ومش عايزة اكتشف حاجات تانى تكرهنى فيكم 

الحد اللى انا وصلتله كافى اوى

انا مش ملاك ولا حاجة بس انا اتعاملت معاكم بصفو نية
واخلاص وحب واهتمام 
ومالقتش تقدير لده 
قلت يمكن اكون انا السبب 
يمكن انا وجعتهم ف يوم فحبوا يخلونى اجرب 
بعدت اصفى حساباتى مع نفسى 
اشوف انا امتى وجعتكم 
مالقتش لحد دلوقتى مالقتش للاسف  
فاكرين نجاة وهى بتقول لخير هذا  الحب ارحل 
انا عملت كده 
رحلت 
علشان انا اللى اعرف قيمة نفسى عن نفسى 


بعدت علشان اكتشفت انى اكبر مغفلة ف الدنيا 
وانى فاهمة الصداقة غلط خاااااالص



بعدت وماطلبتش من حد يوقف حياته علي وجودى

الحياة مش هتقف  بغيابى لانى ببساطة ولا حاجة 
واللى متأثرين 
علشانى معلش بكرة تخفوا 
واللى عايزين اراجوز يضحكوا من خفة دمه 
دوروا هتلاقوا اراجوز غيرى 
واللى عايزين بير حزن يرموا فيه احزانهم وهما مطمنين 
هيلاقوا
واللى عايز يعمل نفسه بطل ف رواية من اختراعه
ويوهم نفسه انى بطلته يدور ع غيرى هيلاقى
واللى عايزين يستعبطونى بحكم انى طيبة
وماليش خبرات ف الدنيا هيلاقوا غيرى   

واللى.. واللى .. واللى .. 

بس رجاء سيبونى شوية مع نفسى 

وياريتكوا انتوا كمان تراجعوا نفسكوا بخصوصى شوية 

اظن من حقى !! 

انا محتاجة جدا لميناء سلام !!

*****


وحعتينى عليكى اوى عارفة ليه ؟
علشان لقيتك زى عبيطة 
والدنيا دى مش عايزة العبيط 
دى عايزاكى تبقى بنت ستين ف سبعين 
قليلة الادب 
ومش محترمة علشان تقدرى تعيشى وتفرحى 


بزمتك مش حاجة تقرف وتوجع القلب ؟؟  




*****


انا وش الخير والسعد ع كل اللى اعرفهم 
بجد دى حقيقة 
الا على نفسى
ياريتنى ماحبيتك قد مابحب نفسى 
يمكن كان زارك الفرح ف يوم 
بدعيلك كل صلاة ربنا يفرح قلبك قد منا بحبك