؟؟؟؟

عشقته بطهارة طفله لا تعرف للكذب عنوان

تملك اناي بدون ان اطلب منه شيئ سوى الحب

أتسائل؟؟

هل يفكر بي

ام تركني ليذهب بأحضان غيري

يشتاق الي ام يشتاق لعناق صوت غير صوتي

تقلبني جمرات الغيره على سريري

اشد على يداي واهمسني : كفى يا مجنونه اهدئي

انتِ جنونه

انتِ سوسنة قلبه ودلاله

انتِ مشعلة الحنين في صدره

دمعتي سقطت على خدي

ويلكِ يا جنون ويلكِ

=========================

معرفش مين صاحب الكلمتين دول

بس  عجبونى

قلت اجيبهم هنا يمكن يعجبوكم

مابتهددش انا ..

اعتذار اولا .. لـــ  محمد حجاز

سورى تعليقك اتحذف للاسف يا محمد 

مع شوية تعليقات تانية 

كل الحكاية ان الداشبورد هنجت فحذفت كله مع بعضه 

انا اسفة ارجو ان تقبل اسفى 

==========

ثانيا : 

الحقير المش  عارفة ايه ؟

بجد مش عارفة اقول  عليك ايه ؟

معرفش انت جيتلى من اى مصيبة تاخدك

كل تعليقاتك  اللى بتعلقها

بتتحذف ومش انا زفتة اللى انت بتدور عليها

انا مش منى دى اللى انت حاططها ف دماغك

وع فكرة مش هاقفل المدونة 

مهما عملت مش هاقفلها 

ولا هاحط اى برامج تمنع الهكر 

يكفى انى كل يوم بستودعها عند ربنا هو خير حافظ وخير امين عليها 

ومش هاقبل اضافتك ع الفيسبوك ومش هاقفل الاكونت بردو

والحمد لله اظن  خير ما عملت انا انى مابقبلش اكلم حد ع الايميلات 

يعنى معندكش ايميلات تهددنى بيها 

ولا بدى رقم تليفونى لاى حد 

يعنى بردو معندكش مكالمات تهددنى بيها 

فريح نفسك منى خالص

واكتب  اللى انت عايز تقوله 

لحد ماتاكل ف نفسك كده 

خلاص خلص الكلام

" 1 عفاريت منى "

سالخييييييييييييييييييييييييييييييييييييييييييييير

مدام بدات البوست ب سالخييييييييير يبقى انا رايقة 

ومدام رايقة يبقى هاكتب بوست حلو لان الست مرمر

اللى هى كده وانا بحبها وهى كده  لفتت انتباهى لشئ مهم جدااااااااا 

وقالتلى الناس هتقول ايه البنى ادمة النكدية دى هههههههه 

وكمان بيدو حبيب خالتو مش ناقص اكتئاب كفاية اللى مامته عملاه فيه 

ههههههههههه 

شفتى لما بروق بقلب ع طول ع جنس الحريم يا مرمر 

والبوست اللى قولتلك هيضحكك يارب يكون هيضحكك بجد 

علشان بس تعرفى ان مش جوايا نكد 

وبس هناك اشياء جميلة بس عايزة اللى ينقب ويدور بقه 

المهم البوست ده عن عفاريتى ايووووووووووووون 

انا كنت عفريتة وانا صغيرة وعلشان ابويا وامى غلبوا فيا 

فقرروا يعملولى عفاريت وف الاخر جت ع دماغهم هههههههههههه 

اول عفريت 

الشمامة

  

ايووووووون الشمامة وده كائن خرافى انا تخيلته شبه الفأر ع  وش

الوحش اللى كان ف الجميلة والوحش الكارتون بتاع زمان ده

وديله كان اطول منه وابيض وطرى وبوزو شبه الخنازير 

اللى كانت ف الكارتون بتاع التعلب الاسود هههههههههه 

ده انا اللى عارفة شكلها تهت الله يكون ف عونكم

حاولوا تتخيلوا انا هاطقع نفسى يعنى  :))

ماعلينا الشمامة دى كانت وحش بابا اخترعهولى 

لانى كنت بكسل اغسل سنانى 

قبل ما انام انا بصراحة من صغرى

احب اول ما النوم  يكبس عليا  انام

فكان غسيل سنانى قبل النوم بيكدرنى 

بيطير النوم من عينى وانا ماكنتش بحب  اقعد

ع السرير كده من غير ما انام لان 

بيحصل حاجات هتعرفوها بعدين 

المهم 

كل يوم كنت بغسل سنانى 

و كان بيبقى نفسى اخويا مايغسلش سنانه 

علشان اشوف الشمامة هتعمل فيه ايه ؟ 

كل يوم استنى بابا وماما يطنشو 

اومايغسلوش سنانهم نفسى اشوفها 

الشمامة دى والتقى بيها واسالها انتى 

هتعمليلى ايه يعنى لو ما غسلتش سنانى 

وجيت ف يوم اسود  كان يوم من غير ليلة

ههههههههههههههه 

كدبت  :) عادتى يعنى ولا هاشتريها 

وقلت انا غسلت سنانى يا بابا ورحت داخلة ع السرير 

 

-  طيب مافيش بوسة قبل النوم 

وانا ف عقل بالى اااااااااه عايز تفقسنى يا بابا

عملت نفسى ماسمعتهوش ونمت وانا مانمتش كنت بمثل حضرتى 

المهم بابا قبل ما ينام دخل باسنى وطبعا اكتشف انى ماغسلتش سنانى 

وحس بيا انى صاحية يقوم يعمل ايه ؟ 

راح قايل بصوت عالى يا عينى منى ريحة المعجون 

مش باينة ف سنانها ولا بوقها 

يا عينى ربنا يستر والشمامة ماتجيش تشمها النهاردة 

انا اخدت الكلمتين وقلت ايه ياسلام وايه يعنى

هتعملى ايه يعنى وانا انسان وهى حيوان ضعيف 

" الكلمتين دول كانو ف كارتون واحد اسمه نيلز الله يسامحه 

كان  صديق الحيوانات  الله يسامحك يا نيلز 

المهم نمت غصب عنى وال ايه خير اللهم اجعله خير 

الاقى الست شمامة شرفت 

بتطلع منين الشمامة من بين صوابع رجلينى 

 

انا كنت فاكرة كده 

اتارينى كنت فاهمة غلط 

لما ركزت شوية لقيتها بتطلع من السرير

وبتروح فين ع بوقى وعايزة تاكل رجلى

وعايزة تاكل  ايدى  وعينى وودانى 

انا بقه ابدعت يوميها هههههههههههههههههههه 

عاااااااااااااااااااااااااااااااااااااااااااااااااااااااااااااااااااااااااااااااااا

ع السابع اقسم بالله الجيران صحيوا وكانت هيصة

والكل  " ايش بيكى منى "  

منى مين دلوقتى سيبونى ف حاااااااااااالى

طيب نوديكى للدكتور ابداااااااااااااااا انا ماسكة ف ماما 

والله كنت كاتمة ع نفسها اوى يا عينى 

ومش راضية اسيبها وبصرخ مش بعيط 

بصرخ بغباوة هههههههههههههههههههههه

ومذنبة كل الناس الجيران وبابا وماما 

ف الصالة وابدااااااااااااااااااااا مادخلش اوضتى ولاانام ف سريرى

والمصيبة بقه ايه انى مش قادرة اقولهم انى كدبت

وماغسلتش سنانى هههههههههههههههههه 

والشمامة واقفالى ف السرير 

هههههههههههههههههههههههههه 

والله العظيم كانت ليلة سودااااااااا 

تانى يوم الصبح بابا راح الشغل وهو بيقول

الله يخرب بيت الخلف واللى بيخلفوه 

وامى كانت ياعينى خلاص مش قادرة اعصابها بايظة 

وانا نايمة 

كنا ف العراق  وقتها وهناك المطابخ

بتبقى ف مكان  بعيد شويتين عن باقى الشقة 

ماما  ف المطبخ وانا صحيت 

طبعا ما نسيتش الشمامة 

ولا نسيت هى كانت بتطلع منين ف السرير

المراتب هناك سفنج 

انا مسكت المقص وهاتك يا تقوير ف المرتبة

كل خرم كان طالع منه الشمامة

خرمتها علشان ماتعرفش تيجى تانى

مش خرم دى حفرررررة والله العظيم 

هههههههههههههههههههههههههههههه 

ورحت ع سرير اخويا بحميه منها نفس الاماكن وهات يا تقوير

ومرتبة بابا وماما 

وهووووووبااااااااا ماما دخلت عليا 

ههههههههههههههههههههههههههههههه

يا نهار اسوح وخبطة من بتاعة يا لهوى دى 

وضرب فيا 

هههههههههههههههههههههههههههههههههه

وطبعا لما بابا جه نفس الضرب بس

بشبب تانى لان الاولانى كان مات خلاص 

هههههههههههههههههههههههه 

والله انا لو بنتى كان زمانى رميتنى 

من فوق السطح انا بجد جننتهم 

وكفاية عليكوا ضحك النهاردة بكرة اكمل  بقه 

لسه ف عفاريت تانية 

تصبحوا ع ضحكة تنور قلوبكم قبل وشوشكم 

ع فكرة بابا وماما لحد دلوقتى ميعرفوش انا كنت بعيط ليه ؟

وبصرخ ليه 

يلا بقه يعيشوا ويشوفوا منى 

هههههههههه 

" مـــــنى "

انا للاسف جييييييييت  :((

البوست ده طويل  ومعقد ومكلكع وهيخلى نفسيتك

زى الزفت وازيد شويتين

فيا ريت

نظرا كمان لان الدونيا حر جدااااا

مش هتبقى طالبة معاكوا خنقة

بلاااااااش تقروه او اللى هيقراه يدعيلى مايدعيش عليا

اتفقنا ؟؟


==========================


كــــــــــيـــــــارا

عالم مولان


انتى ايه يا شيخة ؟

ايوة ايه الجدعنة اللى فيكى دى

ليه بجد انتى كده

ليه بتعملى معايا كل ده

ليه بتحبينى كل الحب ده وانا ما عملتلكيش اى حاجة

ومش هيبقى ف ايدى ف اى يوم من الايام انى اعملك حاجة

غير انى ادعيلك

ليه يا كيارا ماسيبتيش لحظة واحدة وانا تعبانة

انا مش عارفة اقولك ايه

غير انى بحبك جدااااا

غير انى اطلب منك تسامحينى لما اقصر ف حقك

لما تبقى محتجالى وماتلاقينيش سامحينى

انا بطمنك عليا بقيت كويسة بس لسه

مابقدرش اتكلم ف التليفون

اول ما الصداع يروح ويبقى مسموح لى امسك

الموبايل هاكلمك باذن الله

 جبتلك شوكولاتة بس ماتاكليهاش غير واحنا سوا

كيارا مش هتعرفى تعيشى ف الزمن ده يا كيارا

ربنا يحميكى ويحفظك وتفضلى طول عمرك كده

حلوة ونضيفة وقلبك ابيض وجدعة

كيارا اوعى تتغيرى


========================


جيسى


انا قفلت اكونت الفيسبوك

ياريتنى ماقفلته  مكنتش عارفة

انى مهمة ف حياة ناس كتير اوى كده

مكنتش اعرف انى رغم  يأسى  وقلة حيلتى بفك عن ناس

خنقتها

مكنتش اعرف علشان انا مش قادرة دلوقتى

افك عن نفسى وعن اعز ناسى الخنقة

مكنتش اعرف ان  ف ناس بتحبك وهى مش عايزة حاجة

غير شقة ف شارع البحر

وعربية

وكتاب زوجى مازال حبيبى هدية  :))

ماكنتش اعرف ان ( ههههههههههههههههههه )

بتفرق معاكى  ومع الناس اللى كلهم سألوا عليا

جيسى عمر الشقى بقى

مايغركيش الاغماء المفاجئ والافلام دى

انا حلوة علشان انتى بتحبينى

انا كمان بحبك اوى

بوسيلى بناتك

( لسه مالقتلكيش الشقة والعربية لما

الاقيهم هنزلك صورهم ههههههههههه )



==================================


ســـــــارة المــــــــشــــد


عاجبك اللى انا فيه ؟؟؟

انتى دكتورة فاشلة ولا انا اللى مريضة فاشلة

ولا احنا الاتنيين زى ماكنت بقولك دايما

اتنين عمى بيعدوا الشارع وال ايه عامليين مفتحيين

عارفة انا وقعت ليه علشان انتى وقعتى

ادينى طاقة يا بنت قلبى

امسكى ايدى اوى

انا جامدة اهون وهافرح وهتفرحى

والله هنفرح وقريب اوى

انتى يا بنتى بحبك اكتر منك

اه حتى هاتى عينى ف عينك كده

اهو اهو شفتى انتى ضحكتى :)))

قفلت الفيسبوك بس معاكى هنا

ومعاكى ف الفون رسايل لحد ما الصداع يروح واقدر اتكلم فون

حاولى تفضى نفسك يوم

حفلة المنصورة كويس انها اتاجلت مكنتش هاقدر اجى

حاولى تعملى المستحيل يوميها اوك

بحبك اوى


==================


مــــامـــــــــــــا


انا اسفة ع اللى حصل منى الصبح

غصب عنى وكان لازم اخرج اللى جوايا

ورغم انك مافهمتنيش

بس انا كنت محتاجة حضنك  ومع ذلك ما رحتش لحضنك

وبعدتك عنى بكل قوتى

كنت محتاجة اعيط ومع ذلك ما عيطتش

مش راضية تخرج دموعى اعملها ايه يعنى ؟؟

ليه بس عملتينى كده

ليه خلتينى قوية ومابضعفش

ليه يا امى

ليه ربتينى كده

مش ممكن نكون انا وانتى وواخواتى وابويا اللى صح

وكل الكون غلط

عاجبك كده ؟؟

ادينى انا بالذات مش عارفة اعيش

ادينى انا بالذات بقيت جامدة زى الصخر

مابقتش انفع اتفتفت من بره

بتقتل من جوه ومش قادرة حتى ابان مفتفتة

مش قادرة اصرخ واقول اه

عاجبك يا امى ادى اخرتها

ادينى مستنية معاكى

وهنفضل مستنيين كتير

علشان الفرح ف الزمن ده عايزله ضريبة

مش هاقدر ادفعها


==================================


سكرة


يا ست العرايس كان نفسى اكون معاكى

النهاردة بس والله العظيم ما قادرة

لما تفوقى وتخلصى من هوجة الفرح دى هاقولك

ربنا يسعدك ويبارك فيكى وليكى

ويجمع بينك وبين محمد ع خير

ويبارك لكم ويبارك عليكم

يارب اللهم اميييييييييييييييين

كان نفسى اكلمك اوى بس ممنوعة من الموبايل


===============================


دودو والانسة بنتها


عاجبنى انتشارك ف النت

هههههههه

بقيتى اروبة اهو

ميرسى لوجودك جنبى وميرسى

لبنوتك اللى ضحكتها تنسى كل هموم الدونيا

يارب اجيب ولد زيها

عسول وجميل كده الله اكبر ربنا يحميها ويخليها ويبارك فيها

قومى روحى بقه :)))


==============================



زمان وانا صغيرة كانت ضوافرى بتتخلع لوحدها

معرفش ليه ؟

وكان الضفر يفضل متعلق ع حتة صغيرة

ويعمل ورم وحركات تقرف

وكان لازم  علشان يكمل خلعه اروح لدكتور

كان الدكتور يقولى عدى من 1 لحد 3

وغمضى عينك مش هتحسى بحاجة خالص

كنت الاقى ماما تقوله لأ

منمن اقرأى الفاتحة

وانتى مغمضة عينك

ربنا معاكى ومش هيخليكى تتوجعى

وكان فعلا بيحصل

انا مكنتش باخد بينج  كنت بخاف من الحقنة تخيلوا طفلة

تتحمل الالم بس لمجرد انها بتقرأ الفاتحة

كنت بنت كويسة اوى وانا صغيرة


======================


زمان كنت بتفنن ف انى اكدب ع بابا

ليه بقه ؟؟

لانه كان دايما شايفنى بتصرف غلط

دايما يقولى انتى اللى عملتى الغلط ده

وانا عارف انك عملتيه وعملتيه ازاى

وانا ابص له وانا ساكتة وعينى بتقوله ازاى يعنى عرفت ؟؟

الاقيه يرد هو بصوت

انا بعرف كل حاجة ببقى ف الشغل وعارف انتى بتعملى ايه ؟

وكل مرة كنت اتعاقب واخد عقاب عمر ماطفل يتخيل انه ياخده

وكنت يومين اتعبهم زعل

بردو نفس فكرة الاحتقان دلوقتى

وجع ف زورى ومافيش لوز ولا صديد

ولا اى حاجة غير وجع وخلاص

وسخونية ودوخة

عارفين كنت بزعل ليه علشان

ازااااااى بابا عرف انا عملت الغلط ده ازاى ؟؟

كنت بحسها اهانة لذكائى وتعبى ومجهودى اللى راح هدر

وانا بعمل الغلط

لحد ماكبرت  يوم  ماتميت ال 27 سنة

لقيت بابا بيقولى يا بنت ال............

انا نفسى افهم انتى كنتى عملتى الحاجة الفلانية دى ازاى

هههههههههههههههههههههههههههههههههههههههه

قعدت اضحك وقعت من كتر الضحك

وقلت له يانهار اسوح هو انت مكنتش تعرف كل ده

يقولى لأ انا هاتجنن واعرف

بصيت له وماقولتلوش انا عملته ازاى

بس ساعتها حسيت انى يااااااه انا مكنتش غبية

هع انا مكنتش فاشلة ف عمايل الغلط ههههههههههه

مابطلتش اعمل حاجات غلط

الا لما كبرت بقه عندى  16 سنة

تقولولى ازاى ده انتى كده كنتى كبرتى اوى

اقولك اه والله انا كنت شقية لحد ما كان عندى 22 سنة

بعدها حصلت حاجة نكستنى

المهم

غلطت بس والله ما فاكرة انا عملت ايه ؟

وبابا زعل منى سنة بحالها مايكلمنيش

وانا حيوانة عادى ولا فارق معايا

كان شيطانى راكبنى اوى

جيت جبت مجموع مهبب بطين

لقيت ماما بقه بتقولى شفتى علشان بابا غضبان عليكى

فربنا غضب عليكى

فجزاكى  بان مجموعك زفت زيك

قالتلى ساعتها قبل ماتعملى اى حاجة ف حياتك

فكرى للحظة

ربنا هيغضب منك ولا لأ

وساعتها هتلاقى نفسك ما بتغلطيش

لان طول ما ربنا غضبان عليكى انتى حالك هيبقى زفت

عمرك ماهتفرحى ولا هتحسى بطعم حاجة حلوة ف الدنيا

غضب ربنا بيمنع البركة

والبركة دى هى الحاجة اللى بتخلى

بصلة المحب خروووف

مافهمتش كلامها وفضلت اغلط

لحد مابقه عندى 22 سنة

وقفت

لانى غلطت

وكان التمن انى كنت هاخسر امى

ف عملية من العمليات

وانا امى دى عندى  هى الدونيا

والنهاردة يا ماما بقولك انتى غلط

وانا اسفة انى بقولك كده

بس تربيتك ليا غلط  ف غلط

وانا الصح  

لا ولا انا الصح

ايه هو الصح واللى المفروض يحصل

اللى المفروض اربى ولادى عليه

انا معرفش !!


==================

زمان كنت ف مدرسة لغات ايووون

قبل ما ننزل مصر ونستقر فيها

كنا ف المدرسة  دى بنروح نادى

مشهور كل مرة ف نادى مختلف

بس ف نادى منهم كانت الميس مش بتخلينا نلعب

كانت بتفضل مخلينا قاعدين نتفرج ع ايه ؟

ع الخيل

هى شكلها كانت بتحب المدرب ولا ايه ؟ هههههههههه

وانا مكنتش فاهمة

اصل ماكنتش بركز غير مع الخيل

خيل كان لونه بنى اواحمر بيقولوا عليه

كان خيل عصبى اوى

وماكنش بيهدى ابدااااااا

مكنش عايز حد يركبه

انا ف  يوم بلغت بيا الشجاعة انى اقوم من مكانى

واقول للمدرب عايزة اركب الخيل ده

قالى نعم يا كتكوتة ويطبطب ع راسى وحاجات كده

وانا اشيل ايده كنت بكره الناس تعملى كده ف الوقت ده لانى

كنت من غير اهلى  كانوا مسافرين وانا لوحدى

فكنت بحس ان الناس بتعطف عليا وانا مابحبش كده

المهم

عمتى كانت محاسبة ف المدرسة دى

وكانت صاحبة الميس

وباين الميس كانت بتكرهنى وبتكره عمتى هههههههههه

وده اتاكدت منه لانها وافقت انى اركب الخيل

وهى شايفاه عصبى  ومتنرفز كانت عايزة تخلص منى

قالى مش خايفة قلتله لا

الحصان اقسم بالله اول ما شافنى  سكت  وبقة هادى

ركبته وكانى فارسة

كده وفاردة ضهرى ف الاول كنت خايفة

وبعدين قعدت اطبطب عليه

وانا رجلى قصيرة مش طايلة البتاع ده

اللى بيتلبس ف الرجلين وانت راكب الحصان معرفش اسمه ايه ؟

فكنت بطبطب عليه بايدى

يقولى طيب اجى اركب معاكى قلتله لا

المدرب بقه مستغرب اوى

انتى ركبتى خيل قبل كده قلتله لأ

انا اول ماركبته ساعتها افتكرت دعاء ماما كانت بتحفظهونى

علشان يحفظنى ويحمينى

لان ماما كانت مرعوبة عليا ف الفترة دى انا بنت

ولوحدى ف مصر اينعم مع جدو وستو بس بردو

شوشو كان بيتنطط ف دماغ ماما

الدعاء هو اللهم اكفينهم بما شئت

ماكنتش بعرف اقوله كده

كنت بقوله ياربى اكفينى بما شئت ههههههه

الحمد لله انه مكفانيش من ع الحصان

كنت بحب الشهر اللى بنروح فيه النادى بتاع الخيل ده اوى

وكنت بحب الحصان ده اوى

وكان الحصان عارف ميعاد وصولنا والميعاد

اللى انا هاجى اركبه فيه

كانت كل البنات تدريبها كاراتيه

 وانا بركب الحصان هههههههه لان البرنامج

اتغير وشكل حد راح فتن ع المدرسة وقال انها بتركننا ف النادى مش

بتشتغل

معرفش ليه افتكرته بس تخيلت  انى ركبته وطلعت بيه

ف طريق مالوش اخر ركباه وهو بيجرى بيا وانا مبسوطة اوى مش

خايفة


=================================
 

زمان كان فيه واحد معايا ف الفصل اسمه احمد

كان بيحبنى هههه اه والله واحنا ف ابتدائى

حطلى جواب ف كتابى وصلته للاستاذ والولد اخد رفد اسبوع

لما دخلت ثانوى لانه كان مشترك ولد حط لى جواب تانى بس كان معاه وردة

بردو اخدت الجواب وصلته للاستاذ كان ف الدرس 

ف اخد اللى فيه النصيب وخلاص

لما اتخرجنا واشتغلت جه الولد ده الحضانة يقدم لابنه

كان واقف قدامى زى المبلول لانه كان معاه مراته

وكان بيترعش والله العظيم خايف لحسن اقوله ازيك

او اساله عن اى حد من زمايلنا ومراته تعمله تحقيق بعد كده

اقولكم ع حاجة من ضمن وحاشتى كنت فرحانة فييه اوى

وهو جبان كده كنت عايزة اقوله الدنيا صغيرة اوى

كل واحد لازم يعمل حساب لحظة زى دى وافرض بقه لوكانت مكانى واحدة تانية

وكانت هتسخف وتحكى ف القديم كان هيبقى منظرك ايه ؟

ساعتها تخيلت لو واحدة ست هى اللى ف اللحظة دى وظهر ف حياتها

حد من اللى كانت بتلعب معاهم زمان وطلع شخص واطى

او مش واطى بس هى بقت متهددة حاسة 

بان ف مصيبة هتحط ع دماغها ف اى لحظة

ساعتها استغربت اوى الناس اللى بتعرف ناس كتير وتقول ده كان لعب عيال

ليه مش بيفكروا زى انا

ولا انا ف الحكاية دى مكبرة الموضوع اوى ؟؟

مش عارفة

===================


زمان لما كنت ف المدرسة الخواجاتى

داخلة الحمام لا بيا ولا عليا

لقيت ولد وبنت بيبوسوا بعض بوسة قليلة الادب

( فرنسية الايحاء انا عرفت ان اسمها كده لما كبرت  )

هههههههههه المهم انا صرخت تقولولى ليه اقولكم معرفش

وجريت الولد بقه راح ساب بوق البونية وراح جاى جرى ورايا

وعايز يضربنى بقلم ف عينى

فانا صرخت تانى قالى اخرسى انا وهى بنحب بعض

وبيضرب تانى راح سن القلم الرصاص دخل ف ايدى

وسكت انا ..

لحد دلوقتى سن القلم ف ايدى

كل مااشوفه اقول يعنى معقول وهما صغيرين فاهمين الحب ده ايه ؟

الحب عندى ده اللى هتقروه دلوقتى


 " لما لقيتك "

عرفت ان الحب الحاجة الوحيدة اللي ممكن تخليني

ادعي ربنا ياخد من عمري ويديلك ..

وادعي ربنا يخفف عنك ويبتليني ..

 ولو لازم حد فينا يتألم يبقى انا وهبقى مبسوطة

عرفت ازاي لما افرح انت اول حد يخطر في بالي

 ولما الدنيا تضيق في وشي انت تبقى البراح

فهمت ازاي الحب بيخلي العشاق مجانين وأطفال

وكمان بيخليهم ز ي الأنبياء ..

قلبهم ابيض وجواهم غفران وتسامح للكون كله

عرفت طعم ومعنى الدنيا والضحكة والفرحة

والشوق والوحشة والوجع .. عرفت معنى الخوف والأمان

والحب اللي بجد

كل دا حصل لي لما لقيتك ..

لأني عمري ما حبيت بجد إلا لما لقيتك

 " ربنا ما يحرمني منك "

 ******

  " لذة طاعتك "

 
 تعرف اني قبل ما اعرفك كان عندي الموت أهون من اني

 اقول حاضر ؟

آه والله ، والف وادور حوالين أي حاجة أي حد يقولهالي

علشان احسس نفسي اني بعملها من دماغي مش بسمع كلامه

لكن معاك .. بقيت بستمتع بجد بإني اسمع كلامك ..

عارف لما تبقى حاسس بلذة وانت بتسجد لربنا وبتطيعه ؟؟

انا بحس كده .. بفرح اوي لما احسك راضي عن حاجة

 عملتها او فرحان بيها

بفرح اوي لما تطلب مني أي حاجة .. لو حتى كوباية ماية ..

بفرح لما تطلب مني أساعدك في شغلك ،

 او اعمل حاجة فيه بدالك

و ياسلاااااااااااام بقى لما اقترح عليك اقتراح وتعمل بيه

حتى لو كان حاجة صغيرة .. ياااااااااااااااه ببقى هطير في السما م الفرحة

 "تعرف .. انا بدعي ربنا دايماً اني اموت وانا مراتك

واموت وانت راضي عني

وياااااااااارب ربنا يحققهالي ياااارب "

****

 " يااااااااه قلبك أبيض أوي "

كتيييييير أوي بزعلك وانت بطيبة قلبك بتسامح

وبتحبني .. وبتتعب علشاني

كتييييييير أوي اتعبك بجناني وعصبيتي وسوء ظني

وانت قصاد كل دا بردو بتحبني وبردو بتسامحني وبردو

بتستحملني يااااااااااااااه بجد انا عمري ما هلاقي زيك في الدنيا

وبجد بحبك اوي ونفسي ولادي يبقوا زيك

يبقى قلبهم زي قلبك أبيض زي الحليب وكبيييييير قد السما


من  " كتاب زوجى مازال حبيبى "

وبردو الاقى

سؤال بيطرح نفسه ارضا ف راسى كل ما اقرأ الجزئية دى

هل كل اللى بشوفهم مشبكين ايدهم ف ايد بعض ف الشوارع

والجناين ورامين بعض ف احضان بعض

فاهمين الحب زى منا فهمته كده زى ما الكتاب قال

ولا هو ايه الحب ف دماغهم

طيب هو انا كده فاهمة الحب صح ولا

انا غلط مابقتش عارفة اوصل لاى حاجة




====================

كل الكلام اللى فوق ده

ذكريات كلام نفسى احكيه لحد يفهمه

كلام كان نفسى احكيه لصاحبى وحبيبى وجوزى

كلام محدش من عيلتى يعرف عنه حاجة

كلام من جوايا

كلام طلعته يمكن الاقى  " منى "

فاضلى شوية ايام واكمل 29 سنة

عملت ايه فيهم وصلت لايه ؟

حتى  " انا " ضيعتها  " منى "

===============

 " منى يا منى  "

- انتى عارفة يعنى ايه " منى "

- .............

- يعنى امنيات يعنى احلام حلوة

- تؤ  " منى "  يعنى امل بعيد المنال

- .............

ياريتنى ماكان اسمى  " منى "

الحمد لله

الحمد لله يا جماعة مامة عاشقة النقاب قامت بالسلامة وروحت البيت كمان

وبقت ف احسن حال 

نسأل الله ان يتم شفائها ع خير ويحفظها ويبارك فيها ويبارك ف عمرها 

انا والله كان نفسى اساهم ف الموضوع ده بس انا ف طنطا

وصعب انزل كايرو

واصلا كمان عندى شوية ظروف مكعبلة ف البيت خليتنى ماكنتش متابعة الموضوع من اوله 

بس الحمد لله بفضل دعواتكم بعد ربنا سبحانه وتعالى شفاها الله واتحسنت حالتها 

وده يطمعنى بصراحة ويخلينى استغلكم 

ايوووووووووووون 

واقولكم ادعولى

وادعوا لاختى وامى بالشفا

وسامحونى ع عدم المتابعة اليومين دول 

بكرة ربنا يعدلها واتابع معاكم باذن الله 

دمتم بود 

بحبكم ف الله 

إنِّي أُريدُك...

أنا لا أُريدُكِ قَطْرَةَ الماءِ

التي ..

تُطْفي الظَّمَأْ

إنِّي أُريدُكِ نَهرَ مِلحْ

لأُحِسَّ أني

كُلَّما مِنهُ ارْتَوَيتُ

بِأنَّ شَوقي قد بَدأْ

عبد العزيز جويدة

  

Every day I love you ....

I don't know, but I believe
 That some things are meant to be
 And that you'll make a better me
 

 Everyday I love you

 I never thought that dreams came true
 But you showed me that they do 

You know that I learn something new
 

 Everyday I love you

'Cos I believe that destiny
 Is out of our control 

(don't you know that I do)
 And you'll never live until you love
 With all your heart and soul.

It's a touch when I feel bad
 It's a smile when I get mad 

All the little things I am

 Everyday I love you

 

Everyday I love you more
 Everyday I love you

 'Cos I believe that destiny
 Is out of our control
 (don't you know that I do)
 And you'll never live until you love
 With all your heart and soul

 If I asked would you say yes?
 Together we're the very best
 I know that I am truly blessed
 Everyday I love you
 And I'll give you my best
 

 Everyday I love you
 

انا قريبة عم عبد النبى ..

 

 

 

انا ماليش انى اتفرج ع تليفزيون بتفرج لييه ؟؟

ال ايه النهاردة وانا بشوف 90 دقيقة اثناء تناول وجبة العشاء

الاقيهم قالبين الدنيا اكتر من ربع ساعة ع مين ؟؟

ع الحج عم عبد النبى المعمر اللى ف دبى

مش عارفة ليه الموضوع استفزنى اوى

يعنى معمر وعادى بتحصل ايه يعنى ف ناس اكبر منه

عايش ف دبى بقاله اكتر من 60 سنة المفترى

وقولت عديها يابخته ونقيت عليه بصراحة

 

قلت زمانه عمل ع قلبه فلوس قد كده 

ده الراجل ده هو اللى خلص خير الامارات ههههه

انما بقه لحد ما الاقى ال ايه واحد 

 

من السعودية بيتصل ويقول ده خالى

وواحد تانى يتصل يقول ده ابويا

وعيلة من قنا تقول ده بتاعنا 

 

وعيلة تانية من سوهاج تقول لا ده بتاعنا

وال ايه الاستاذ الفاضل معتز الدمرداش زعلان وحيران اوى

وربنا وربنا شعب موكوس وخايب ويستاهل كل اللى بيجرى فيه

ابسط حل للحيرة يعنى ف اختراع سبحان الله

اسمه ال DNAيعنى دلوقتى بالصلاة ع النبى

يقدروا يعرفوا كل قطة من قطط القطة 

 

اللى مرمية ف شارعنا جاية من انهى قط

مش هيعرفوا بنى ادم بحاله جاى من انهى عيلة

هيخلوا الواحد يخرج عن شعوره والله

بلااااااش دى ده لو كان حرامى ولا كان ميت

ولا كان مريض وبيموت وماحليتهوش اللضى

كان شعب مصر كله اتخانق عليه كده

لا اله الا الله

وكل واحد معتز يقوله ايه الدليل انه قريبك

اسمعوا بقه اللى ينقط 

 

واحد يقوله امى كانت بتحكيلى عليه اححححححححم

عدوها عدوها

واحد تانى يقوله الصور اححححححححححم

 

لا بقه ماتعودهاش

ازاى يعنى الصور اللى اساسا زمانها اتحللت تثبت ان ده قريبهم

الطم ع وشى .. انتحر واعمل الموضة

 

اللى ماشية اليومين دول ف البلد

ولا اعمل ايه ؟؟

وشاغلين بالكوا ليه اصلا بيه

ومعتز محسسنى انه حكاية

والله امى الست الغلبانة قالت بمنتهى البساطة

 

ده اكيد كان هربان من تاااار

بس الست تيما حبيبتى حلت الموضوع بمنتهى البساطة

شعب خايب واعلام خايب والله بلد بايظة ع راى دادى

بعديها خبر

ان فيه بيت شوية مجانين عاملينه مصحة نفسية لمعالجة الادمان

وهو اساسا بيت للتعذيب

بيعذبوا فيه البنى ادمين ال ايه بيعالجوهم

والخبر بكل التقرير والتصوير والهيصة دى كلها بالظبط

3 دقايق ومعتز يجى يقولك ايه ؟

انا معرفش اى حاجة غير انه بيت ف ابو النمرس باين

نسيت اسمها البلد

احححححححم بجد بجد بجد

 

منتهى الاهتمام بالبلد واخبارها

يعنى شوية شباب زى الفل مرمين ف البيت ده اصلا

واصلا بيتعالجو من الادمان ونروح منها لقضية تعذيب

ومش مهم ايه يعنى الخبر ده عم عبد النبى اهم

اه يانا يا امه تعاليلى

ع فكرة بقه انا قريبة عم عبد النبى والله خالى اسمه عبد النبى

وانا بقه عندى دليل مادى قوى شهادة ميلاده ووفاته

وماليش دعوة بقه عايزة نصيب امى واخواتى ف الميرااااااث هه بقه

بلاش طيب يسفرنى انا وابو العيال المستقبلى نشتغل ف دبى ويبقى كتر خيره

المهم انى قريبته والاقربون اولى بالمعروف

ولا ايه ؟؟

كانت معكم منونا المفقوع مرارتها عااااااااااااااااا

من امام كمبيوتر ابو جهل

ف بيتنا

قــــــل لــــــى ...

قل لي لغة ...

لم تسمعها امرأة غيري ...

خذني .. نحو جزيرة حب ..

لم يسكنها أحد غيري ..

خذني نحو كلام خلف

حدود الشعر

قل لي : إني الحب الأول

قل لي : إني الوعد الأول

قطر ماء حنانك في أذنيا

إزرع قمراً في عينيا

إن عبارة حب منك ..

تساوي الدنيا ...

يا من يسكن مثل الوردة في

أعماقي

يا من يلعب مثل الطفل على

أحداقي

أنت غريب في أطوارك مثل

الطفل

أنت عنيف مثل الموج,

وأنت لطيف مثل الرمل ..

لا تتضايق من أشواقي

كرر . كرر اسمي دوماً

في ساعات الفجر .. وفي

ساعات الليل قد لا أتقن فن

الصمت .. فسامح جهلي ..

فتش . فتش في أرجاء

الأرض فما في العالم أنثى

مثلي...

أنت حبيبي . لا تتركني

أشرب صبري مثل النخل ..

إني أنت ..

فكيف أفرق ..

بين الأصل ,

وبين الظل ؟

المتألقة دائـــما

سعاد الصباح

 

لولايتى .. كل سنة وانتى لولايتى ..

اكشن خامس مرة 

وبقولك يا علا بجد معرفش ايه بيحصل 

اكتب البوست خمس مرااااااااااااات ليه يعنى هه 

الرحمة حلوة هههههههههه

لولايتى كنت بقول ايه


 انه يوم السعد والهنا النهاردة 

ليه بقه علشان قمر الصيادلة كلاتهم 

عيد ميلاده النهاردة 

تقوليلى مين اقولك 

انها انسانة جميلة ام قلب اخضر 

وعيون عسلية شقية مدوبنى فيهم 

محدش يشك ف حاجة والله العظيم يا لولايتى عيونك خطفونى

ووالله العظيم يا لولايتى انى رغم ان تليفونى


 بيفصل ف وشك كل ماتكلمينى 

وعمرنا ماقفلنا برضانا زى بقيت المخاليق ههههههههه 

ورغم انى طلعت ندلة معاكى جداااااااا


 وعمرك ما احتاجتينى ولقيتينى زى ماوعدتك 

ورغم انى مخلصالك رصيدك ف اللوك لوك


 الا انى بمووووووت فيكى 

وبجد نفسى اعمل ديليت لكل ولاى حاجة


 ممكن تضايقك ف الدنيا دى 

لولايتى كل سنة وانتى قمر الحلوين

لولايتى كل سنة وانتى غير الكل 

فى قلوب الكل 

لولايتى كل سنة وانتى منورة الناحية اليمين ف قلبى 

ايون الباقى محجووووووووووووووز ايه ؟؟

هتطمعى هههههههه كفاية عليكى كده 

كل سنة وانتى حبيبتى وحبيبة كل الناس 

ومعانا منورانا بوجودك يا ام احلى طلة ف الدنيا 

ويارب السنة اللى رااحت تكون راحت بكل المر اللى ف عمرك

والسنة اللى جت دى تكون جت بكل الفرح والهنا اللى ف عمرك 

يارب يارب 

لولايتى انك لتعلمين ان هديتك ع الجهاز اللى بااااااااااااااااااااااظ 

عاااااااااااا

وانك لتعلمين ان تاخيرى عنك ما هو الا بسبب ان مامتى تعبانة شويتين

سامحينى ع تقصيرى معاكى يا حبى 

وخدى الكادوهاية دى مؤقتاااااااااا يا اوختى 

عـــــــــــــــــــلا 

انا بــــــــــــــحــــــبـــــــــــــــــــك

قد كده  :)