احدثكم من مصرنا الجديدة .. مصر العزة .. مصر الكرامة .. مصر الحلوة من النهاردة دي بلدك انت ماترميش زبالة فى الشارع ماتكسرش إشارة ماتدفعش رشوة ماتزوّرش ورقة اشتكي أي جهة تقصر في شغلها ما تمشيش عكسى ما تدخلش من باب الخروج في المترو ، ما تعاكسش البنات ماتقولش "وانا مالى" و راعى ربنا فى شغلك فرصتك تبني بلدك بإيدك انـشـر الحـمـله وسـاهـم في صناعـه مستقبل جديد للمصريـين قبل ماتمشى ادعى لمصر وشباب مصر

السبت، مارس 24، 2018

بــــوح

من عمايل ايد .... мαησηα بالظبط الساعة 11:57 م

تاني يوم من غير ادوية خالص اللهم لك الحمد والشكر .. يارب قويني

*اخيرا ظبطت الفرن والكيكة ماباظتش

*النهاردة فيه ابن وسخة اتحرش بيا وشتمته قلتله يا ابن الوسخة ياحيوان قدام الناس كلها ودي اول مرة ف حياتي انطق الشتيمة انا اكتبها زي الشاطرة انما انه يوصلني لانها تطلع مني ف ده جبااار
عيطت وطول اليوم متكدرة ومتضايقة ومخنوقة اني مضربتوش معرفش ماضربتوش ليه 😞
انا زهقت م البلد دي 😞 انا  يوميا بشتم او اضرب متحرش اقسم بالله مافي يوم بيعدي بسلام
انا تعبت اوووي وزهقت وبقيت اكره الشارع حتى وانا ماشية ف الشارع الاقي ابن وسخة يخبط ايده ف اي حتة يطولها مني

النهاردة حد قالي مالك يامنى ماشية ف الشارع كأنك خايفة او مكسوفة او بالظبط زي اللي بيقولوا ياحيطة داريني مالك في ايه؟؟

قولت بخاف اقع ف بحاول اكون قريبة من اي حيطة
بس دي مش الحقيقة انا بقيت اخاف من اي ذكر  اياكان نوعه اقسم بالله بقيت بخاف م الكلاب الذكور والقطط الذكور والاناث لا .. بعدي ومش خايفة منها

هو انا امتى ربنا هيتوب عليا من المواصلات والخرا اللي فيها ؟؟

0 داقوا الشاى وقالولى رأيهم:

 

ೋ واحــد شـاى ♨ Template by Ipietoon Blogger Template | Gift Idea