شكرا ..

شكرا لكل أولئك الذين
تركوا في قلوبنا بصمة جميله
تذكّرنا بأننا ذات يوم كنا
نملك...قدرة الحب

شهرزاد الخليج                                                           

 ****

ماتزعليش منى انا محتاجة

أبعد

 علشان خاطرى ماتزعليش منى 

انتى وحشتينى اوى اوى 

واسفة انى سيبتك لوحدك دلوقتى 

بس انا قلت انتى هتبقى مشغولة ففرصة ارتاح انا شوية 

على ما تأقلمى نفسك مع الشغل الجديد 

عايزة اقولك ع حاجة عمرى ماقولتهالك قبل كده 

انتى الوحيدة اللى وقت فرحك شاركتينى معاكى 

مش بس وقت ضيقتك 

علشان كده انتى دايما مختلفة ف قلبى 

ربنا يوفقك وافتكرى دايما انى معاكى 

وع طول بدعيلك ف الفجر 

مش هاقول اسمك زى ماوعدتك 

بس هاقولك بحبك اكتر ما انتى فاكرة 

يارب تدخلى هنا وتفهمى ان البوست ده ليكى

 كلمة السر : احنا بناكل نفس الاكل  تخيلى ؟! :)

♥♥♥♥♥

املأ عينك منها ع فكرة هى حلوة اوى

هو ده اللى انا عملته دلوقتى 

محتاجة اوى ابقى لوحدى
 

ده صحيح ع فكرة

ما أجمل ان تتذوق قلوبنا

طعم الفرح

ساعتها هتلاقينى جنبك

وهتلاقينى بحبك اكتر ما انت بتحبنى  

تخيل اه وربنا ده اول انطباع اخدته لما شوفتك 

 ومدام لسه مش لقانى يبقى لسه محبنيش

:)

دايما بيكون ف البال وف القلب

؟؟؟

لسه فاضى .. 

لسه طيب لسه هادى 

لسه عنده حنان وعطف

يخطفك من الدنيا خطف

ده ســـــــر ع فكـــرة   :)

جــــــــــرب مــــش هتخـــــسر

من الاخر ده احنا محتاجين اوى للحب ف حياتنا

بس هى دى كل الحكاية !!! 

*****

(  3 )

هما اللى سالوا عليا من قلبهم مش تمثيل ولا نفاق 

ولانهم سألوا بعيدا عن النفاق فمش هاقول اسمائهن 

هن عارفين نفسهن 

شكرا لكن 

كنت متأكدة تقريبا انكن ومافيش 

غيركن هيهتم بعدم وجودى 

شكرا دى بجد من القلب اوى 

انا كويسة الحمد لله طول ما انا بعيد كويسة 

بس وحشتونى اوى


***

اه انا بقلد فاتيما ف البوست ده 

حد له شوق ف حاجة ؟؟؟

قبل ماتقرأ البوست شغل الفيديو

واستنى لما اغنية فيروز ف المدونة تحمل

اقرا البوست وانت بتسمع السونجاية

البوست ده من جوايا اوى 

مش عاوزة كومينتات ولا عايزة تعاطف 

عايزة بس 

تدعولى ان ربنا يعجل بلقائى بيه 

او يبعدنى عن الدنيا الوحشة دى 

لانى فعلا تعبت

 سارة . سارة .. سارة ..

انا مبحبش حد ..  انا مابحبش حد ..  انا مابحبش حد

سارة انا جنبك اهو يا بنتى

سامحينى يا بنتى مقدرتش احميكى

سارة .. سارة انا جنبك يا سارة

انا جنبك مش هاسيبك ابداااا

 حتى لو اضطريت احارب الدنيا دى كلها علشانك

انهى دنيااااااااااااااااااا دى ؟؟

الدنيا اللى انت رجعتنى ليها ؟

انا بكرهها كلها ظلم

انهى دنيا الدنيا اللى فيها ناس اقوياء 

بيدوسوا ع الناس المظلومين

اللى زى انا وليلى وسيدة وكل البناااات  ...

لاااااااااااااااااااااا ..

انا مش عايزة الدنيا دى .. 

الدنيا دى اللى انت قولتلى انها حلوة

علشان كده لازم نعيشها لااااااا لااااا ..

انا مش عايزة الدنيا دى 

مافيش حد ف الدنيا دى بيحبنى .. 

انا مش عايزة اعيش فيها

الناس بيتخانقوا مع بعض .. 

انا مش عايزة الفلوس

قولى لخالد ياخد كل الفلوس 

انا مش عايزة الفلوس انا

انا بس كنت عايزة اعيش فى  وسطيكم 

تحبونى واحبكم

انا مش عايزة الدنيا دى .. 

انت ليه رجعتنى الدنيا دى ..

الدنيا دى وحشة اووووى ..

سارة مش عاوزة الدنيا كده

سارة مش عاوزة الدنيا دى

سارة مش عاوزة الدنيا كده

سارة مش عاوزة الدنيا دى

سارة مش عاوزة الدنيا كده

ساااااااااااارة لااااا لااااا لااا ياسارة

ساااااااااااااااااااااااااااااااااااااااارة

:(  :(  :( : ( : ( : ( : ( : ( :( :(

ولا انا عاوزة الدنيا دى ياربنا :(

زى ماجبتنى فيها خدنى منها لو سمحت يارب

سنة تالتة لسعان ...

اختى العزيزة سمو الاميرة سارة 

اميرة مملكة اللسعان 

اجدع بنوتة لاسعة 

بما انك كل يوم تنسى تعملى حفلة المدونة بتاعتك 

اللى عدى علي عيد ميلادها التالت شهر و10 ايام دلوقتى 

فانا قررت اعمللك انا بارتى صغنون ع قدك

اينعم انا مش عارفة اعملك كادوهاية حلوة نظرا لان نفسويتى  وحشة 

ونظرا لانى دايخة من امبارح بالليل بدورلك ع صورة حلوة تنفع كادوه 

ومش لقيت :( 

فانا عملت الكادوهاية دى يارب تعجبك يا سارورتى 

كل سنة وانتى اكثر لسعاً بالحق 

كل سنة وانتى شاطرة ولهلوبة زى النحلة 

مش بتعقعدى وترتاحى غير لما  تظهرى الحق 

كل سنة وانا فخورة انك اختى الصغنونة حلاوة 

وملكة قلبى المتربعة ع عرشه وقاعدة كده ولا همك 

كل سنة وانتى بنتى واختى وصاحبتى وحبيبتى 

كل سنة وانا محتاسة ومش عارفة اعملك حاجة حلوة 

يارب الكارت يعجبك 

يارب يارب يارب 

انا اصلا خيبة ومش عارفة اعمل حاجة حلوة 

I L♥VE M♥M ..

 سالخير عليكم 

النهاردة يوم الام 

انا عارفة انه الام المفروض يبقالها العمر كله عيد 

واننا نعترف بفضلها علينا طول العمر 

وعارفة ان اى ام ف الدنيا مهما اتكلمنا عنها 

عمرنا ما هنوفيها حقها 

بس خلونا نقول اليوم ده يوم مختلف 

تعالوا نعملها حاجة تفرحها اوى 

او بلاش نزعلها النهاردة 

بلاش نتعبها النهاردة 

بلاش نخليها تشوف او تسمع حاجة تضايقها خالص 

اللى يقدر ياخد مامته يخرجها خروجة حلوة  يعملها 

اللى يقدر يعملها حاجة نفسها فيها اوى يعملها لها النهاردة 

اللى مزعل مامته يعتذرلها 

واللى  مخاصمها يصالحها

واللى بعيد عنها يفتكرها ويكلمها ويقولها تدعيله 

دى دعوة الام من القلب للرب ع طول 

تعالوا نجدد عهدنا ووعدنا قدام ربنا 

باننا نعمل كل اللى يقدرنا عليه ربنا معاها 

واننا نفرحها ونحافظ على ابتسامة قلبها 

طول ما احنا عايشين

كل يوم وكل الامهات طيبين وبخير وفرحانين بولادهم 

ويارب يبارك لنا ف عمر كل امهاتنا يارب 

ويرزقنا رضاهم عنا يارب اللهم امين 

♥♥♥♥♥♥♥♥♥♥♥♥♥

امـــــــ ♥  ـــــــــــى  .. 

ام منى حبيبتى الجميلة 

ياللى عمرى ماشوفت ف طيبتك وقلبك وصبرك 

ربنا يباركلى ف عمرك وف صحتك ويخليكى ليا انا واخواتى 

باللى  نورك دايما منور بصريتنا وقولبنا 

ودعوتك هى الحمى لينا من كل شر 

ربنا يقدرنى ويقوينى واقدر اسعدك وافرح قلبك 

واحققلك كل اللى بتتمنيه وتحلمى بيه يارب اللهم امين

 امى كلمة بحبك شوية عليكى اووووووى 

انا بعيش بيكى وليكى يا ست الكل 

♥♥♥♥♥♥♥♥♥♥♥♥♥

♥   مـــامـــــــتى  ريـــــــــــم   ♥  

.. 

كل سنة وانتى حبيبتى وطيبة وجميلة 

وجنبى ومنورة قلبى 

كل سنة وانتى مامتى ريم

وانا بنوتك منونا 

مامتى انا بحبك جداااااااااااااا 

ربنا يخليكى ليا يا عيون بنوتك

♥♥♥♥♥♥♥♥♥♥♥♥♥

مـــــامــــــة ♥   فـــاتــــــيما  ♥  يوســــــــــف 

كل سنة وانتى طيبة يا ست الكل 

كل سنة وانتى بحضنك الدافى لمنا حواليكى 

كل سنة وانتى جميلة واحلى  

مامة يوسف 

كل سنة وانتى مامتى 

ومامة بسكوتة

ومامة عادل

ومامة كل المدونين والمدونات 

كل سنة وانتى قلبك وحبك واســــــــع 

ومليان حب وخير للكل يا ست الكل 

فاتيما انا بموت فيكى بجد

بقولك ايه  ماتخليش بسكوتة تيجى هنا

هتاكلنى علشان قلت انك مامتى هههههه

كـــــــــــــــل يوم وكل امهاتنا بـــــخــــــــــــير

بالنسبة لامهات الشهداء 


انا كنت فكرت باننا نتصل بيهم او نروح نزورهم ونجيب هدايا بس 


خفت الحكاية دى تالمهم اكتر ماتفرحهم فرجعت ف كلامى 


لكن اللى شايف انه يقدر يعمل حاجة زى كده يعملها يكون ليه جزيل الشكر 


ولو حد جرب ومافيش ام منهم اتضايقت او زعلت يقول 


علشان نتصل بيهم ع الاقل



ونفرحهم 

يوم 19 مارس 2011

البوست ده طويل جدااااااااااااا


سالخير عليكم

يوم جديد مصر فيه حرة مستقلة

اولا بعتذر ع انفعالى ف البوست اللى فات بس كنت مشحونة معنويا

المهم

انا روحت الاستفتاء واتمنى ان الكل يكون راح

ماكنتش مصدقة نفسى اصلا انى اخدت الموافقة وهاروح

وكنت هازعل اوى اوى لو ماكنتش روحت الحمد لله بقيت ايجابية فعلا وقولا الحمد لله

هاكى بقه ايه اللى حصل

تــــــردد .. نعم ام لأ

قبل ما اروح كنت مترددة جدا يمكن لانى مش قرأت كويس

 يمكن لانى زى زى كتير غيرى مش فاهمين كويس سياسة

انا بتوه ف الحوارات الجامدة دى وده جهل منى واعترف بذلك

لكن مابحبهاش للاسف السياسة دى انا وهى مش اصحاب

ولانى ماحاولتش افهمها قبل كده مش عارفة افهمها دلوقتى

اتكلم مع اختى اقتنع بـ لأ

اتكلم مع اصحابى ف منهم نعم وفى منهم لأ

لغبطة وتردد مالهموش حل

المهم دعيت بالليل قولت يارب اللى فيه الخي وجهنى ليه

صحيت قبل ما اروح الاستفتاء لقيت فاتيما عاملة البوست ومسمياه استفتى قلبك

فقررت انى لما اروح هناك اكيد ربنا وقلبى هيوجهونى للصح

صليت تانى ودعيت انى اهتدى للصح

اول ماوصلت ذهلت من كمية الميكروباصات

اللى محملة ستات منقبات كلهن دون استثناء تبع جماعة الاخوان

ذهلت من كمية الشباب اللى ماسكين الناس العاديين بقه اللى مش اخوان

بيعلموهم ازاى يتعاملوا مع البطاقة بانهم يعلموا ع العلامة الخضرا

ذهلت من كمية الرجالة اللى اعرفهم كويس ماهم جيراننا وامعارفنا كلهم

بس مش من سكا ن شارعنا استلمونى انا وماما من اول مادخلنا

وبيحاولوا يقنعونا اننا نحط نعم لخير هذه البلاد

ذهلت من كمية الشوكولاتات والبونبنونى والمناديل والعصاير

 اللى بتتوزع ع الاطفال والناس لانهم عارفين كويس اوى ان

الحاجات دى هتخلى الاهالى دول كلهم يقولوا نعم

وذهلت اكتر لما شوفت الراجل بتاع الجيش واقف جنبهم

عاااااااااااادى جدااااااا ولا كانه شايف حاجة

بلدنا دى من اكبر نقاط تمركز الاخوان ف الغربية كلها :(

لذلك ماذهلتش لما دخلت جوه واول ماقولت نا هاحط لأ

لقيت واحدة بس بتقولى حبيبتى تعالى اقفى جنبى انا بتعامل اسؤا

 معاملة من ساعة ماجيت لانى هاقول لأ

اخيرا لقيت حد فاهم مش حافظ

ودخلت جوه اتعملى تحقيق لانى شبهه اختى بالظبط وهى كانت عند الراجل من شوية

بغض النظر عن ام الصورة اللى ف البطاقة اللى مالهاش ملامح

وكمان انا من القاهرة انا وماما والعنوان ف البطاقة ع القاهرة فطبعا تحقق انتى ليه مش الغربية

والحوارات دى

المهم دخلت وصوت بـــ لأ وذهلت من زغرة الراجل الاخوان اللى كان بينظم الدخول للجنة

وزغرته كلها استحلاف انه اول ماهيشوفنى لوحدى ف مكان هيفتحلى سين وجيم ليه اخترت لأ

ومش بعيدة ينورنا بزيارة هههههه ف البيت



احـــــساس

لا يوصف ولا له مثيل وانا داخلة اللجنة وانا ف طريقى اصلا للجنة

ناس كتييييييير جداااااااا هما اينعم كله كانوا من جماعة واحدة

 بس مش مهم المهم ان كان فيه ناس تانية جوه من البلد

ستات كتير جدا اكتر من الرجالة واضح ان الكل ماضحاش باللحظة دى

انا عن نفسى كنت حاسة انى طايرة ع الارض انا حرة وبحط صوتى وعارفة انه مش هيتزور

انا حرة وبساهم ف وضع نظام جديد بلدى هتمشى عليه  نظام هيريحنى ويريح غيرى

نظام مش ف مصلحة حد او مجموعة واحدة من الناس

احساس بالفخر حقيقى بمصريتى


فــــــرحـــــــــة

شوفتها ف عيون كل الناس هناك الناس العادية والناس اللى ف جماعة الاخوان

فرحة الناس العادية باننا رايحين نشارك ف حاجة تخص بلدنا الفرحة دى فرحتنى

فرحة الاخوان كانت فرحة اللى صبر ونال :( ودى زعلتنى جدا ع فكرة


خــــــــوف

ع البلد وع اللى هيحصل فيها شوفت النظرة دى ف عيون كل الناس بردو

ناس راحت حطت نعم وهى خايفة ايه هيحصل لو الاخوان مسكوا البلد

ناس حطت لا وهى عارفة انهم مش الاغلبية وان نعم هى الاغلبية للاسف

ناس رفضت تقول لا لان  شغل جوزها وشغلها متوقف ع كلمة نعم

ناس خافت تقول لا لانها مش عايزة وجع دماغ وكلام بقه ف الشغل عن انها خاينة

ناس خافت تقول لا علشان مايتبصلهاش البصة اللى انا شوفتها لما قولت لا

ولا يتقال لها اللى انا سمعته

ناس خافت تقول لا لحسن تبقى كافرة ولا تبقى مسيحية زى

المسيحين وجيرانهم يتبروا منهم ويقاطعوهم



مـــــــؤلــــــــم

حال بلدنا لسه اللى ماتغيرش

حال الناس اللى لسه بتقول رأيها بناءً ع كمية الخدمات او المجاملات اللى هتكسبها

حال وعقول الناس اللى لسه مابيفكروش غير بس ف مصلحتهم

اللى شوفته جوه المدرسة وقبل دخول اللجنة حقيقى مؤلم :(


حــــــــــلــــــــــم

لسه بحلم باستفتاء نضيف

لسه بحلم بمصر نضيفة

مصر حرة مستقلة قلباً وقالباً 

 

اعتــــــــراض

ليه نعم كانت باللون الاخضر ملون ف البطاقة

ولأ بلون اسود مطفى ؟؟

ليه ماكنتش لأ بردو بلون احمر ملون ف البطاقة

ولا هى علشان مش هى الهدف كانت مطفية علشان اغلب الناس هيبصوا للالوان

لان اغلبهم مش متعلم ؟؟

ده من اهم الاسباب اللى خلتنى اقول لأ

لانى اتأكدت ان الحكاية دى فيها ان

ليه مافيش عدل ف الالوان ؟؟


" ماما .. ماما .. ماما .. انا مش عايزة اخد حقنة خديها انتى انا لأ "

دى صرخة بنوتة وسط الجمع الرهيب من الستات

بنوتة جميلة صغنونة لقت ان كل اللى بيدخل جوة بيخرج معلم صوباعه

زى التطعيم افتكرت انها هتاخد حقنة وهنعلم لها صبوعها

ع قد ماكل اللى حواليها ضحكوا منها سخرية

ع قد ما حزنت انا لسة احنا زى العيال الصغيرة علشان مانغشش بيعلمولنا صوباعنا

رغم اننا مش اطفال لكن نعامل معاملة الاطفال

وده بسبب ضماير البعض الفاسدة

ســـــــــــؤال

هو احنا امتى هنبقى مواطنين بالغين عاقلين بكل ماتحمله هذه الكلمات من معانى ؟؟

هو احنا امتى هيبقى عندنا ضمير ؟

هو احنا امتى هنفكر ف مـــــصــــــــــر .. كلنا نفكر ف مصر ؟

حد عنده جواب ؟؟

... تــــــــــــــــــؤ

كان ممكن اقول نعم لو كنت حسيت فعلا الن التعديلات ف صالح الشعب 

انما هى ف صالح اتنين بس من الاحزاب

يعنى كانك يا بو زيد ماغزيت 

كان ممكن اقول نعم لو كان التليفزيون المصرى

 

ماحطش السم ف العسل

وبقه بكل ما اوتى من قوة بيحاول يخلينا نقول نعم

لكن بقولها ف وش اتخن تخين 

تــــــــــــــــــــــــــــــــــــــــــؤ

  للتعديلات الدستورية 

اللى متفصلة مخصوص للحبايب 

وبطلوا بقه شغل حاورينى يا طيطة ده

واعملوا دستور عدل خلونا نفوق بقه خنقتونا

مرة واحدة بقه فكروا ف البلد دى

حراااااااااااااااااام عليكوا بجد 

كـــان فيه حــــب :(( + توضيح مهم ..

ياترى من الذى افسد هذا الحب العظيم ؟ 

هــــــــل هــــــــــو ؟ 

هــــــــــــل هــــــى ؟ 

هــــــــــــل هــمــا ؟ 

هــــــــــل هـــــــــم ؟!!!

منى درويش 

17 / 11/ 2010 

*****

توضيح بس ياجماعة لان واضح ان الغالبية العظمى 

ماربطوش بين الصورة والبوست 

الحب العظيم  =  ده اللى حب البنوتة وباباها

هى =  بنوتة صغنونة 

هو =  اب  =  بابا البنوتة الصغنونة 

هم  =  دول ولاد الحلال اللى ف رأى البنوتة  

هما السبب الرئيسى ف فساد الحب العظيم ده 

غالبا انا بوضح بصورة ابقوا خدوا بالكم من الصورة يا جماعة 

يمكن تساعدكم ف حل اللوغاريتمات اللى انا بكتبها 

لـــــسه ..

سالخير عليكم نفر نفر 

يارب تكونوا كلكم بخير يارب 

هاكلمكم النهاردة عن 

لـــــــــــــــــسه

فاكرينها 

الكلمة اللى كنت كل شوية احطها ف اخر البوست ف اخر كل شهر السنة الماضية 

هاشرحهالكم بقه علشان بس الفضول مايعملش فيكم حاجة 

انا كنت كل شهر بحاسب نفسى كده واشوفنى ايه

اللى لسه ماعملتوش والمفروض كنت اعمله 

او كنت مستنياه يحصل وماحصلش 

المهم نقول ليكم عندى 12 لسه 

لـــ  1  ــــــسه 

 بتعب من الجيوب الانفية ورافضة تماما اروح لدكتور لانه 

انا مابحبش الكشف وبخاف من الحقنة 

لـــ 2  ـــــسه

 بكره الشتا وبحسها كئيبة يمكن لان كل محاولاتى ف انى اتدفى بتبؤ بالفشل 

لـــــ 3  ـــــسه 

بردو اصحابى بيعاملونى ع انى كائن تملى ( جاى من تملى معاك ) 

هابقى اشرحلكم النوعية دى من البشر ف بوست تانى 

لــــــ 4 ـــسه 

بعشق الربيع وبحس فيه بانعاشه بتحيينى من تانى 

لـــــ 5 ــسه 

فاكرة ان فيه ناس طيبين ومحترمين وملايكة 

لـــــ 6 ـــسه 

بكره الغربة اللى بحسها وانا وسط بلدى 

لـــــ 7 ـــسه 

بكره شهر يوليو بحسه ملئ بالملل 

لــــــ 8 ــــسه 

مش لقيتك مع انى تعبت من كتر مابدور عليك  :(

لــــــ 9 ــسه 

بكتئب من الخريف 

لـــــ 10 ــــسه 

مش قادرة ابطل انام متأخر واصحى بدرى زى البنى ادمين 

لـــــ 11 ــسه 

متشائمة 

لـــ 12 ــسه 

انت لسه ماجيتش  :(( 

♥♥♥♥♥♥♥♥♥♥♥♥♥

وخلصت 2010 وانا لسه زى ما انا 

غريبة مش فاهمانى ولا لاقيانى اصلا 

وجت 2011 

وجه يناير 

وخلص يناير 

وجه فبراير

وخلص فبراير 

وجه مارس 

ولسه ماخلصش مارس 

بس انا لـــــــسه 

وبسال نفسى كمان سؤال 

اشــــــــــمعنى انــــــــا ؟؟؟

:((