وحشتنى اوى ..

انا اخويا وحشنى اوى وبجد انا بعيط

 دلوقتى معرفش ليه

فجاة لقيت قلبى وجعنى وحسيت انه وحشنى صوته

كل شوية سامعاه طالع ع السلم وبيفتح

باب الشقة وداخل يقول سلاموا عليكوووا

وحشنى خناقه معايا ههههههه وحشنى كمان
 
وهو بيقولى يا زكيييييييييية

لما كعادتى ببوظله حاجة هو كان بيعملها

معرفش بجد الناس اللى اخوتها مسافرة 
 
بعيد بره مصر بيعلموا ايه ؟

ازاى بيتعودوا ع كده

انا هتجنن بجد واقعد معاه شوية

وحشنى النسكافيه اللى هو بيعملهولى ونقعد نشربه
 
سوا وندردش مع بعض ونحكى

وحشتنى ضحكته اووووووى

يارب يجى بقه

ويارب احفظه واحميه لشباب هو
 
واللى زيه ورجعهولى بالسلامة

وهون غربته جوه بلده اللى هى اصعب انواع الغربه

خيابة مصرية 100 %

انا جه نتكلم بقه شوية جد

قارفينى ف الفيس بوك حوالى 100 دعوة

لجروبات لمقاطعة الفيس بوك 


يوم 24 اكتوبر ال ايه

علشان الفيس بوك رفض يقفل الجروبات


المسيئة للرسول عليه الصلاة والسلام

وادخل دلوقتى الاقى الفيس بوك فاضى


هههههههههههههه

ومنووووووووووور اه والله منور


وخفيف كده وروش

ماهو ماعليهوش ضغط بقه

كله عمال يبعتلك ك قاطع الفيس بوك

محسسنى انهم بكده هيحلوا الحكاية وهيمنعوا

الناس اللى بتسب رسولنا الكريم

فكرونى بالظبط بايام ماكنوا بيقولولنا قاطعوا

المنتجات اليهودية ومن بعدها 


المنتجات الدنماركية

وتدخل كل بيت تلاقى كيس اريال 


اوتوماتيك منور فوق الغسالة

وكارتين الصابون الكامى ف حمامتهم 


وكل انواع الشامبوهات

والبامبرز الوحيد اللى نوعه 


حلو هو بتاع المقاطعة

والعيال طالعة نازلة بتاكل تشيكلس


ومن قبلهم اهاليهم

فوق ده كله تلاقى الكانز "


بيبسى وكولا ف ايديهم ليل نهار "

و ohhhhhhhh my god

sorry

مابتفارقش لسانهم


ودادى ومامى ده الفلاحين عندا مابقوش 

يقولوا غير مامى ودادى وكى جى 


وان وكى جى توووو

والجبن الدنماركية وكل منتجات


الدنمارك ف مطابخهم

وتلاجاتهم بس فالحين لما


حد يزورهم يقعدوا يخبوا فيها

ال ويقولك نصرة نبينا وقراننا واسلامنا

بلا خيبة اتوكسوا وانتوا شعب مايل

طيب ع راى اللى بيقول بدل ماتقاطعوا


وتجمعوا بعض ف جروبات

كنتوا بلغتوا ان ده جروب مسئ وعلمت


علي العلامة اللى بتقول كده

والا كله لازم يغير الصورة طيب


وتغير الصورة بقه

هيبوظ شكل الفيس بوك


ولا ايه مش فاهمة


هههههههههههههههه

واشمعنى يوم 24 بقه ان شاء الله

هى طقت ف دماغهم كده

وتلاقى بقه نوعين من الناس ناس عايزة

تعمل شهرة وهيصة ويعمل بنى ادم

ويمكن منى الشاذلى تستضيفه 


ف العاشرة مساءا

لو الجروب بتاعه بقه عدده اكبر


من الجروبات التانية

ويطلع ينور التلفيزيون ويبقى مفخرة ابوه وامه

وهو بيقول انا اللى اقترحت وانا اللى عملت

اتوكس بلا خيبة

والنوع التانى منساقين كالانعام 


ولا حد فكر يسأل اشمعنى

ولا حد اصلا سمع عن الجروبات اللى بتسئ دى

كل ما اسأل حد يقولى انا ولا اعرف


باينهم مقاطعين علشان الجروبات اياها

ايه هى الجروبات اياها تلاقى الاجابة .................

وايموشن عبيط هههههههههه

وبعدين تعالى كده مع بعض

ابسط حاجة محسسنى ان الفيس بوك ده بيالكنا


ويشربنا ويشغلنا وبيربى عيالنا

يالهووووووووى ده احنا هنقاطع


الفيسبوك ياخرااااااشى

ده هنقاطعه يوووووووووووم بحاله

اتوكسوا تانى وتالت ورابع

ايه يعنى الفيس بوك ده اللى هتقاطعه


علشان رسولك الحبيب

ايه يعنى يوم

هى قيمته عندكوا يوم

ياربى انتوا مابتفكروش خالص كده ولا انا اللى عندى

بدل امخاخ البنى ادمين حاجة مختلفة لاسمح الله

دى لو هيفاء اللى اتشمت كان


زمان الفيس بوك منهااااااااااااااااااار

ومش هتدخلوه خااااااااااااااالص

مش يوووووووووووووووم


ومحسسنى انها تضحية كبيرة

وبعدين تعالالى ياللى بتقول 


انتى خاسسس عليكى ايه

ماتقاطعيه زينا وخلاص

معلش مين دول اللى قاطعوا 


الشباب الحلو اللى بيتنافس

ع جمع اكبر عدد من الناس علشان


يخلوا تامر حسنى يعتزل

ولا الشباب اللى بيطالبوا تامر حسنى


يحلق شعر صدره

ولا الشباب اللى بيجرى ورا هيفا الهيفا 


وهى بتشتم فينا علشان احنا شعب

يستاهل كل اللى يجراله

ولا الشباب اللى عامل جروبات محبى الشيبسى 


ومحبى البيبسى ومحبى الخ والخ والخ

ياختى هاتشل او هاموت بالنقطة من ده 


شعب لا فاهم حاجة ولا عمره هيفهم

ماشى ورا اللى ماشيين لو حتى رايح جهنم


اهم ماشيين

بالله عليكوا مرة واحدة ف حياتكوا اعملوا حاجة

حااااااااااااااااااااااااااااااااااااجة يا ناس حاجة


الكل يقول دى مصر ودول المصريين

انا اسفة مش مقاطعة الفيسبوك 


واللى مش عاجبه يركب اعلى مافى خيله

انا عمرى ماكنت ولا هابقى مجرد دابة مسحوبة

واحد عايز يعمل لنفسه اسم يعملوا ع حسابى

ولا كنت ولا هابقى مجرد رقم ف لستة وخلاص

زى بالظبط زى المثل اللى بيقول عد 


غنمك واكون واحدة من الغنم دول

ياجماعة ده احنا مسخرة العالم بعد مكنا مفخرة

كل حاجة هبلة وعبيطة بنعملها شغلانة


بقينا شعب بينضرب بيه المثل ف

الهبل والعبط عييييييييييب


اوى بجد اللى بيحصل ده

فوقوااااااااااااااااااااا


بقه وارحمونى

مع احترامى طبعا لكل اللى عايز يقاطع 


وكل اللى شايف ان كلامى غلط

ياااااااااااااااااااااااارب نفسى قبل ما اموت 


اشوف مصر عملت حاجة كويسة

يارب ده اكتر طلب محتاجة 


انه يتحقق قبل ما اموت

صور اليوم الجميل ..

الانسة سماء ههههه 

الطقم ده قعدت توصفلى فيه اول ما اشترته وصف 

كانت مجننانى بيه ههههههههه 

 

اصرت اصورها وهى بتشرب الشوبيس 

ولازم شويبس لانها مقاطعة البيبسى والكولا 

هههههههه

ربنا يحميها ويبارك فيها اللهم امييين

 ==== *** ====

 

قالتلى بصى انا هارسملك وردة  جميلة اوى هتعجبك اوى 

احلى من بتاعتك ههههههههه 

 

دى وردتى 

مش بزمتكم بتاعة سماء احلى 

=============

ودى بقه البلالين المفروض كانت بلالين انا سيبتها ورحت اصلى 

قالتلى هارسملك بلالين جميلة 

وانا بصلى سامعاها فطسانة من الضحك 

وجريت عليا تقولى رسمت حاجة غلط وتضحك 

هههههههههههههه 

سيريالى ههههههههههه 

=========

دى الشوكولاته  ههههههههه

جابتهالى ف علبة كبيرة علشان لما تخلص 

اشيل ف العلبة اى حاجة وافضل فاكراها 

هههههههههه 

سماء يا حبيبتى وحشتينى اوى 

تصبحى ع خير

============

فى صور تانية بس انا وهى مع بعض

فيها ماينفعش حد يشوفها

كفاية عليكوا سماء 

قمرين ف صورة واحدة صعب اوى

ههههههههههههههههههههههه

يوم من اجمل ايامى مع سماء ..

امبارح كنت وصلت لقمة

خنقتى نمت من الساعة 9 بالليل

وطبعا بما انى من اعداء النوم او اللى ربنا

ابتلاهم بالمرض اللعين القلق

صحيت الساعة 1 صباحا فايقة بقه 


وعادى ممكن

ابدأ اليوم عادى جداااااااا

بس لقيت لسه احنا نص الليل ماينفعش اعمل حاجة

غير انى اكمل قلق ف سريرى

وفجاة اكتشفت انى ببكى

بانهيار وعمالة افكر ف كل حاجة

وكنت هاقوم اكتب حتة بوست يكره

العالم كله ف عيشته هههههههههه

وبعدين استغفرت ربنا وقعدت اقول لنفسى

بدل ماتفكرى وتشيلى الهم ادعى ربنا

وانتى بتعيطى كده

كنت هاقوم اصلى لكن نظرا لوكعتى الصحية


ماقدرتش

لان كان مش ميعاد الدوا

المهم قعدت ادعى ربنا يحققلى امنيتين

انى اشوف سماء لانها وحشتنى جداااااااا


وامنية كمان ان شاء الله هتتحقق

 


*********

صحيت طبعا بضرب الشوز علشان


اروح شغلى

وصلت الشغل اصطبحت بلجنة تفتيش 


وكلام زى السم

الراجل ريحة الفنيك والديتول


جابتلى حساسية ع صدرى

ويقولى هو فين الفنيك ده

حرق دمى بصراحة

وانا اصلا حاسة الشم عندى قوية 


ودخان قش الرز مبهدلنى

بدل مايروحوا يشوفوا القرف ده جايين


يقرفونا احنا

وشيرين كمان ماقعدتش معايا النهاردة

راحت تشترى البدلة وتختار فستان فرحها


مع خطيبها

يعنى كان يوم عثل عثل ههههههههه

اذ فجأتن وسط كل الزهق ده الاقى التليفون يرن

ايون وسمعت احلى خبر ف حياتى كلها

( ايوة يا منى انا مامة سماء ينفع نيجى نزورك النهاردة

طبعن طرت من الفرحة

قلتلها امتى قالتلى العصر

عايزة اقولكم انا اتجننت من الفرحة اه والله

رحت اشتريتلها عروسة

وشوية لعب من ضمنهم زرافة 


معرفش ليه هههههههههه

الوقت كنت عايزة اقتله علشان ينجز والعصر يجى بقه

ونزلت استناهم ع اول الشارع لان مامة سماء اول مرة تيجى عندى

انا واقفة مستنية وشفتها جوة " التوكتك

معرفش كتبتها كده صح ولا ايه ههههههههههه " "

وهى قاعدة تقول لمامتها ايوة يا ماما بيت ميس منى

اهو ايوة هنا وقف ويقف يا عمو ههههههههه

من فرحتها ماشافتنيش

سلمنا على بعض بقه واكيد انتوا متخيلين السلام كان عامل ازاى

تخيلوا الاقيها جايبالى ايه ؟؟

جايبالى شوكولاته علشان عارفة انى بحبها

" انا جبتهالك ف علبة كبيبرة علشان بعد ماتاكلى

الشوكولاته تشيلى العلبة وتفضلى فاكرانى

"انا كمان جبتلها عروسة علشان هى بتحب العرايس اوى

ولعبنا سوا واتصورنا فيديو مش بس صور كده

صورتها وهى بتقولى انا بحبك


قد السما وقد الارض وقد الحمام

اللى بيطير ف السماء كله

كانت لابسة شيك اوى انا هانزل صورها

مع البوست دلوقتى بس مش واضحة اوى

وجبتلها حاجات وفواكه كلها بتحبها و حاجة جديدة

اول مرة تعرفها جوميز هههههههههههه 


هى نطقته كده هههههه

كان نفسى تبقى بتحب النسكافيه


بس قالتلى لا مش عايزاه

وعايز جوميز من غير وساخة 


من فوق هههههههههههههه

قصدها ع الحتة السودة 


اللى فيه من فوق دى

سماء دى مشكلة

اها صحيح ورسمنا ولعبنا 


صلح ولعبنا بيس وزغازيغ

وهنا ولا هنا واللى يخسر


يزغزغ التانى جامد جداااااااااااا

كل ده ومامتها قاعدة بتتفرج علينا


وبس وكانت بتلعب معانا بردو


=================

النهاردة سماء خلصت طبقها كله


علشان عرفت انها جايالى

الحضانة التانية مش حلوة علشان 


انا مش فيها بتاعتى انا احلى

اول مرة قالت لمامتها بحبك قالتلها


انا بحبك قد الزبالة


ههههههههههههههههه

تعبير غريب وعجيب 


هههههههههههههههههه

بس له سبب انها وهى مروحة


بتشوف مقلب زبالة كبيييييييير

اوى تحس كده انه مالوش اخر

فالبنت بتحب مامتها اوى فقالتلها 


كده هههههههههههههههه

================


اها كمان سمينا العروسة " حنين "


استغربت انها اختارت الاسم ده

بس قلت ف بالى فعلا والله دايما 


هيبقى بيننا حنين يا سماء

اه وسمت الزرافة " منى " المجرمة


ههههههههههههه

اسم بعيد تماما عن وصفى البنت كأنها

بتذلنى بقصر قامتى


هههههههههههههه

طبعا ماكنتش عايزة تمشى بس مشيتها

وقعدت اقولها الحضانة جميلة والله يا سماء

وكده يعنى اقنعتها

سماء كانت عيانة بسبب بعدنا عن بعض

انا كمان تعبت جدااااااا بسبب الموضوع


ده وكانت حالتى صعبة

مامة سماء تعبت من منظرنا وقالتلى عمرى

ف حياتى ماتخيلت ان بنتى بتحبك كده

ضحكتها النهاردة كانت مش معقولة بجد لدرجة

ان مامتها قالتلها وحشتنى ضحكتك دى

انا بحب سماء اوى مش 


عارفة بجد ومش مصدقة

ان البعد هينسينى ايامها


وكل ذكرياتنا مع بعض

من كتر حبى ليها خايفة عليها

الناس كانوا فاكرينها بنتى سايبة


مامتها وماسكة فيا انا

لحد دلوقتى بعد مامشيت بخمس ساعات

انا شامة ريحتها وسامعة ضحكتها ف ودنى

يارب ماتحرمنى منها ابداااااااااااا يارب

احميها واحفظها وبارك


فيها وخليها يارب


اللهم اميييييييييييييييين

انا بحبك يارب جدااااااااااا


لانك رزقتنى بيها وسط

كل اللى شايفاه من الدنيا الصعبة دى

الف حمد وشكر ليك يارب

طبعا احباب ...

طبعا احباب والحب عجيب


ومالش اسباب 

طبعا احباب وانا وانت سؤال 


ومالوش جواب 

يا بو حس بيعرف يلمسني 

وكلام ولا غيره يونسني 

يا غنوة ما تحتاجش شفايف 

قلبي من غير قلبك خايف 

واحنا من غير بعضنا اغراب 

طبعا احباب احباب خالص 

وبحبك من قلب خالص 

لو نزعل ولو انه ده عمره 

ما حصل بيني وبينك خالص 

في دقايق مين قال في دقايق 

في ثواني حبيبي بنخالص 

عشاق خالص 

احباب خالص 

ولا مننا في الدنيا دي خالص 

قلبنا خالص 

حبنا خالص 

ولا فيش زينا ابدا خالص 

طبعا احباب

to my best friendes..

مكعب سكر ..

آه يا تى شيرت العمر يا أبيض

لفيت بيك مشاوير مشاوير

أملك صورة انا فيها صغيّر

شكلى اتغير ما عرفتوش

كان فى جيوبى مكعّب سكّر

داب السكّر ما لقيتهوش !!

و اما اتقطعت منى الساعة

وقع الوقت لاقيتنى كبير !

اصحابى الاعزاء .. شكرااااااا

 دعاء & شيرين 


بجد انا عمرى مالقيت اصحاب زيكم 


ولا عمرى ابدا هانسى نظرة الفرحة اللى شايفاها


اليومين دول ف عيونك علشانى


ولا عمرى ابدا هانسى انكم


بجد عرفتونى وخلتونى اجرب احساس


كنت نفسى احسه 


احساس اعز اصحاب 


ولا عمرى هانسى وقفتكم جنبى 


ولا عمرى هانسى اد ايه اخدتوا بايدى وشجعتونى 


ع كل حاجة صح بعملها ف حياتى دلوقتى 


ولا عمرى ابداااا هانسى 


احلى ايام عشناها سوا انا وانتم 


بجد انا بحبكم جداااا 


ونفسى ربنا يكرمنى ويرزقنى بزوج صالح زى محمود ونظير 


ويكون تالتهم زى ما انت تالتكم 


ويضلوا ولادنا مع بعض ويكبروا مع بعض 


لانى فعلا عمرى ف حياتى ماهلاقى حد يخاف عليا قد ما انتم خفتوا عليا 


ربنا مايحرمنى منكم ابدااااااااااا 


قولوا امين 


*********


ملحوظة مهمة جدا
: 
ولا دعاء ولا شيرين هيقرأو الكلام ده


بس انا حبيبت اسجل مشاعر جوايا وكلام عايزة


اقوله لهم ومش بيطلع طول ما احنا مع بعض


وعايزة اثبت لنفسى ان فعلا صداقتهم


دى حقيقة مش من وحى خيالى


ولا انا بحلم مثلا 


ويمكن يكون نصيبى ونصى الحلو بيقرا الكلام ده دلوقتى 


او ربما هيقراها فيما بعد


فبوفر عليه سؤالى عن مين هما اعز اصحابك


وتعتبر رسالة منى له


بان مهما حصل عمرى ما هابعد عنهم


وانه من نفسه كده يقولى زى الشاطر


انا عايز اتعرف ع ازواجهم ونبقى اصحاب


ويوفر عليا انى اطلب منه الطلب ده


وبوفر عليه الاستغراب من ان اشمعنى دووول بالذات لايمكن انساهم  







ددعادعا

ازرعينى ف عيونك ..

من انا ..؟

الدهرُ يسألُ من أنا

أنا مثلهُ جبّارةٌ أطوي عُصورْ

وأعودُ أمنحُها النشورْ

أنا أخلقُ الماضي البعيدْ

من فتنةِ الأمل الرغيدْ

وأعودُ أدفنُهُ أنا

لأصوغَ لي أمسًا جديدْ

غَدُهُ جليد

******


أ/ غادة السمان

Dr Phil Fun Quotes

اصعب يوم ف حياتى

النهاردة انا ف حالة نفسية صعبة جدااااا

اكتر حاجة ف حياتى بكرهها هى الفراق

تخيلوا

حد انت بتحبه جداااا ومتعلق بيه

كل يوم بتشوفه وتصطبح بوشه اللى زى السكر

وفجاة بدون مقدمات يمشى ويسيبك

النهاردة سماء باباها قرر فجاة انها تسيب الحضانة وتروح

حضانة المدرسة التجريبية

ما تتخيلوش انا اول ماعرفت عملت ايه انا انهرت

وكنت حاسة ان روحى بتروح منى

***

النهاردة كانت لابسة شيك اووووى

كنت عايزة اصورها وبعدين مافضيتش اصورها للاسف 

الصور دى صورها من سنة بالظبط

كانت لابسالى طقم العيد علشان تفرجنى عليه

كانت جميلة زى ماهى جميلة ع طول

جابتلى سندويتش جبنة فيتا

علشان عارفة انى بحبها

وقعدت ع رجلى وتقولى

ميس منى لو مشيت ورحت التجربية مش هينفع تيجى معايا

قلتلها مش هينفع حبيبتى

سماء ماتمشيش وتسيبينى

قالتلى مش هامشى غير لما تتجوزى

علشان اجى فرحك وهاخلى بابا يشتريلى فستان

جميل زى بتاعك بالظبط

اخدتها ف حضنى قالتلى بحبك

قد السما وقد الارض

انا ع فكرة مش قادرة اكمل ...

انا اسفة

سلام